Quies saber en qué tiendes físiques pues mercar l'Asturpoli? Mira'l vidiu 🙂

📢¡Tenemos promociones na nuestra web! Adelanta les tos compres de los regalos de navidá 🎁 aprovechando les promos: packs de xuegos con descuentu, unviu gratis a partir de 24€ y l'Asturies na Historia rebaxáu. Hasta'l 5 d'avientu. Míralo too equí: ➡️ acutoediciones.com/tienda

¡Tamos encantaos de davos anuncia de la cuarta y última novedá editorial pa esti 2025! El xuegu de L'Anguleru ¡L'Anguleru va necesitar que lu ayudes a repartir los regalos en cada casa! ¿Anímeste? Un xuegu pa la reciella en collaboración con L'Anguleru y Garabuxada. acutoediciones.com/languleru

Esti añu concediéronnos una subvención de la Conseyería de Cultura y Política Llingüística pa la normalización llingüística nes empreses na llinia de materiales y campañes publicitaries. Damos anuncia y apurrimos semeya pa dar constancia. 💙💛💙

🎁 ¡Tenemos un regalín pa ti! Consigui'l calendariu 🗓 d'eventos y fiestes tradicionales d'Asturies de 2026 nun PDF n'A3 imprimible equí ➡ acutoediciones.com/calendariu2026

Y el prósimu finde vémonos pel Reguerada Fest, pa Candás. Na feria de les empreses y creadores n'asturianu ¡nun dexes de pasar!

El vienres y el sábadu vémonos nel mercadín de la Seronda d'Avilés, na plaza Les Aceñes.

¡Cómo presta! 😍😍

🔊 ¡Ampliamos puntos de venta! Dende yá vas poder alcontrar los nuestros xuegos tamién en La Revoltosa en Xixón, Hangar Rebelde n'Uviéu y Raigaños en Cuideiru.

¡Esti domingu pela mañana volvemos pa Cadavéu al mercáu de La Paradieḷḷa!

Asturies na Historia percorre la historia d'Asturies y pon a preba los tos conocimientos nes 45 cartes coles sos illustraciones que la repasen dende la prehistoria hasta l'actualidá. ¿Qué diríes: la Diadema de Moñes ye d'enantes o de dempués de les Guerres contra Roma?

¡Esti prósimu domingu volvemos a La Paradieḷḷa, pa Cadavéu! ¡Vémonos nel Mercáu del Occidente!

¡Vémonos esti sábadu nel Día de la Reciella! Vamos con toles novedaes d'esti añu y recuerda que si yes profe tienes descuentu en 2 o 3 unidaes de Cosadiella pa que puedas usalos en clas.

El Día de la Reciella ye p'Acuto una de les cites fundamentales del añu. Ye un día que, teniendo fíos y fíes o non, tola xente que siente l'asturianu como de so tien que cellebrar como actu de reafirmar la tresmisión xeneracional del nuestru idioma. Vémonos ellí. @reciella.bsky.social

Les alcordances que dexa Damián na Xunta son imborrables, pero presta volver recordalu y sentir la emoción que sentiemos aquella tarde. 📺 Podéis velo equí: youtu.be/6_mxl5OYr8g?...

📽️ El 2 de mayu pasáu, n'Avilés, quiximos despidir a Damián Barreiro nun actu onde recordalu como creador, como militante y como amigu. Llamémoslo «Universu Damián».

¡Volvemos a tener esistencies! Faite col to Asturpoli colos gastos d'unviu gratis na nuestra web: acutoediciones.com

Otres pequeñes novedaes que van llegar...

Mañana vamos a Cadavéu, pueblu de Padre Galo. Vamos tar tola mañana nel Mercáu de La Paradiel.la. Una escusa perguapa pa dir a La Regalina, conocer la casa del Padre Galo y pasar pel mercáu artesanu del occidente. Recuerda que si yes profe d'asturianu tienes descuentu por 2/3 unidaes de Cosadiella.

¡Feliz 8 de setiembre! 💙💛💙

Esti fin de selmana vémonos de vienres a domingu nel Mercáu del Festival Internacional de la Gaita de Villaviciosa.

¡Quedamos ensin stock del Asturpoli pa la páxina web d'Acuto! Vamos recibir la primer edición del Asturpoli en dos tandes y les unidaes d'esta primer tanda tán escosando, les que quedan vamos teneles disponibles esti fin de selmana nel mercáu del FIG de Villaviciosa. Nunes selmanes vamos tener más.

🔊 ¡Yá a la venta! Pues alcontrar l'Asturpoli na nuestra web acutoediciones.com colos gastos d'unviu gratis o nos puntos de venta tradicionales d'Acuto: Llibrería Trabe, Cuatro Gotes Producciones, Decalupa juguetes y más, Copistería La Semeya, Olmar Regalos y Tiza y peonza.

📢 Tamos entamando la distribución del Asturpoli, pa la prósima selmana contamos que te en tolos puntos de distribución pa que podáis recoyelu tolos mecenes del Crowdfunding,avisarémosvos, y dexar los unvios fechos. Tamién a nun tardar disponible online y a la venta nos puntos de venta.

🛍 Esta selmana siguimos de mercaos dando a conocer los nuestro xuegos. Vas poder alcontranos el xueves nel mercáu nocturnu de L'Agostiellu pa L'Infiestu y el domingu nel mercáu artesanu qu'entamen pa les Fiestes del Pote pa Samartín del Rei Aurelio.

Los Belarminos vuelven a ser moneda d'usu 😄

📢 ¡Yá llegó l'Asturpoli! ¡La selmana que vien entamamos la distribución a los mecenes del Crowdfunding y puntos de venta! 😍😍😍😍

Esta tarde vas poder alcontranos en L'Agostiellu, el mercáu nocherniegu que se fai pa L'Infiestu tolos xueves d'agostu. Pasa a conocer toles novedaes d'Acuto.

🛍 Tenemos esta selmana llena de mercaos nos que queremos dar a conocer los nuestros xuegos ¡Pasa a venos!

¡Les lletrones como deberíen ser! Tiénesles nel stand d'@iniciativaxast de la Feria de Muestres.

🎲 Prestosa tarde d’entretenimientu y xuegos n’#asturianu nel nuesu casetu na #fidma 👏🏻 ¡Norabona a @acutoxuegos.bsky.social por estos materiales que llogren afitar la tresmisión xeneracional del idioma! 📍 Pasa a echar una partida nel espaciu 14 del Pabellón 3-4 de la #fidma2025

Güei de tarde vamos tar nel stand d'Iniciativa pol Asturianu de la Feria de Muestres de Xixón con una amuesa de les novedaes editoriales d'Acuto: Cosadiella y Asturies na Historia. ¡Pasa a conocelos y echar una partida!

Asturies na Historia, recuerre la historia de la nuestra tierra nes 45 cartes del xuegu. Pon a preba los tos conocimientos o deprende mientres xuegues y te diviertes. Yá ta na nuestra web acutoediciones.com y nel Stand d'Iniciativa de la FIDMA. A nun tardar nos puntos de venta de siempre.

¡Mirai que chapina más guapa tien Cote! Pasai pel stand d'Iniciativa de la FIDMA, hailes del Sporting, Uviéu, Avilés, Caudas y UP Llangréu.

¡Tenemos agostu a tope! Queremos dar a conocer Asturies na Historia y Cosadiella y vas poder alcontranos en toos estos mercaos y eventos.

Too llistu pa qu'entame mañana la Feria de Muestres. Pasa pel stand d'Iniciativa pol Asturianu a conocer les nuestres novedaes editoriales: Asturies na Historia y Cosadiella.

Too llistu pa qu'entame mañana la Feria de Muestres. Pasa pel stand d'Iniciativa pol Asturianu a conocer les nuestres novedaes editoriales: Asturies na Historia y Cosadiella.

📢 Asturies na Historia. Presentamos la segunda novedá editorial d'Acuto nesti 2025. Asturies na Historia ye un xuegu de cartes de la familia de los time-line nel que vas percorrer la historia de la nuestra tierra. Yá disponible y más info en ➡➡ acutoediciones.com/asturies-na-...

L'Intercélticu avilesín va acabando. Tamos hasta les 14 hores y de 18 a 21 hores nel mercáu del festival.

Entramos na recta final d'esta edición del Intercélticu d'Avilés. Nun dexes de pasar pel mercáu a conocer Cosadiella.

¡PUXA!

Siguimos col puestu d'Acuto nel Intercélticu d'Avilés. Pasai a venos y conocer Cosadiella: un xuegu de pallabres y velocidá pa que xuegue la reciella o xugar en familia, pa xugar, lleer, deprender y pasalo bien n'asturianu.

Siguimos nel Mercáu del Intercélticu d'Avilés

⏳️ Cuenta atrás pa la Feria de Muestres. Vas poder alcontrar les Lletrones nel stand d'Iniciativa pol Asturianu. Escríbinos si quies les tuyes. 15€.

ACUTAR: v. 4 Salvar [poniéndose n’alto, llegando a un sitiu, en dellos xuegos de neños]. #asturianu

Les últimes unidaes del ¿Cuála ye?, ¡Echa al Trasgu! y Dominó d'Animales d'Asturies que recuperamos de depósitos, disponibles nel puestu d'Acuto nel Mercáu del Intercélticu d'Avilés.

Cosadiella ye un xuegu pa trabayar el pallabreru y la llectura n'asturianu. Si yes profe y lu quies pa usar en clas, contáctanos pa facete colos tuyos con descuentu.

Pasa pel Intercélticu d'Avilés a conocer Cosadiella y saber como xugar ¡ye perfácil! Tamos col puestu d'Acuto na Plaza Carlos Lobo.

Yá tamos nel Mercáu del Intercélticu d'Avilés con Cosadiella 💙💛💙

Vamos tar nel Mercáu del Intercélticu d'Avilés, dende esti sábadu 19 hasta'l domingu 27. Vas alcontranod con Cosadiella y les últimes novedaes y tamién con les últimes unidaes que tenemos del Dominó d'Animales, el ¡Echa al Trasgu! y el ¿Cuála ye?