Asociación pola defensa da Ría de Pontevedra (@defensadaria.bsky.social)

A “Asociación pola defensa da ría” chora a morte de Carlos Taboada Chegábanos neste mediodía a terríbel noticia da morte repentina de Carlos Taboada, fundador xunto con Kike Mauricio do colectivo cultural “Polo Correo do Vento”, un colectivo que nos apenas 10 anos de existencia ten desenvolvido unha inmensa actividade en Pontevedra e ao longo do territorio galego. Para a APDR, a morte de Carlos significa unha perda irreparábel, porque máis alá da súa pegada no mundo da cultura como contador de contos, como deseñador gráfico e como escritor e editor, Carlos era parte fundamental no activismo social na nosa vila. O compromiso do colectivo “Polo Correo do Vento”, e o seu compromiso persoal na defensa do medio ambiente e coa nosa Asociación na loita polo saneamento e recuperación da Ría de Pontevedra, foi unha constante e unha mostra de integridade á hora de actuar. https://adetroitviguesa.wordpress.com/2025/08/13/a-asociacion-pola-defensa-da-ria-chora-a-morte-de-carlos-taboada/?utm_source=bluesky&utm_medium=jetpack_social