مش خساره مصر دي و الله خساره

اتعصبت في الشغل و خارج مش طايق حد .. قلت اروح اتمرن و اهو افك شويه .. وصلت الجيم و بدأت اتحمس لتمرينه اللي بتخرجك من الجيم بتزحف دي .. نسيت شنطه التمرين 🤷‍♂️ اليوم مش يومك خلاص .. طيبه كده

ايه هي ال safe zone بتاعتكم ؟

بالنسبه لي القهوه ميتحطش عليها حاجة .. لا سكر و لا لبن و لا حتي محوجه .. البن يتشرب كده سك لا مؤاخذه يعني 🙂

باب اوضتي

حد مره سألني ايه الاكله اللي مش بتحبها .. لما فكرت لاقيت فعلا مفيش .. حرفيا اي اكل بيتحط قدام الواحد بيحمد ربنا عليه و ياكل و خلاص .. زمان مكنتش كده

محدش يعرف املى الحبر للبرينتر من فين؟ببقولوا البستان او السراج بس معرفش مين هناك،بدخل اتوه فى المحلات.

خروج الاهلي النهارده مهين جدا حقيقي

أول مره من ١٠ سنين اكل كشري النهارده … عظمه و الله

سواق تاكسي

تنويع الادخار شيء مهم و أفضل حاجتين في تقديري الدهب و العقار للي يقدر .. و اللي عنده شغله الخاص يكبر فيه استثمارك في توسيع حجم شغلك مهم

في ٢٣ ابريل ٢٠٠٦ .. مشيت من القاهره فجاءه و بدون مقدمات و نقلت أسكندريه .. و في اغسطس ٢٠٠٦ فتحت شركة خاصه بيا و عايش في اسكندريه اهو الي الان .. ترتيبات ربنا لينا مختلفه عن أي حسابات بردو

صلاح جاهين لما بيتكلم عن فؤاد حداد بيقول " لا يتجاوب معاه أقل من المتنبي " في تقديري فؤاد حداد أعظم من أشعر في العرب بعد المتنبي فعلا .. مش طبيعي

لطيف اوي كان السؤال بتاع اولي جامعه كان امتي و متأكد ان كل اللي جاوب استحضر جواه ذكريات حلوه .. ممكن نسأل خصوصا جيل التسعينات ذكريات أول يوم كانت ايه ؟ انا كنت زي صعيدي في الجامعه الامريكيه تمام .. توهان رهيب و انبهار

دخلات منير في حفلاته الواحد ممكن يحكي عنها حكايات و الله

اولي جامعه بتاعتكم كانت سنه كام ؟

فضايح و الله بس الستر احسن بقي 😂

قعدت افتكر امتي كانت اول مره احضر حفله لمنير في حياتي " ١٨ حفله حضرتهم " لاقيت ان اول حفله كانت في ٩٧ في جامعه القاهره في مسرح الجامعه الرئيسي في القبه و بدأت الساعه ١٠ و غني ساعتين لحد الساعه ١٢

و الله نفس اقول للناس كلها اتمرنو يا جماعه .. انزلو جيم و اتمرنو و الموضوع زي ما في غالي جدا في رخيص و معقول لكن حقيقي الجيم بيفرق في صحتك النفسيه بشكل عظيم

انا منايري بحكم اني بسمع منير من اكتر من ٣٠ سنه .. هختار له شبابيك .. و علموني عنيك اسافر .. كل الحاجات بتفكرني

الكافيه ده كان بينه و بين بيت العايله خمس دقايق هو في ميدان التحرير .. اول مره اقابل بنت في حياتي روحت المكان ده 😂 مش هنساه طبعا

حتي الكتابه عن غزه بقيت أحسها قله ادب .. لا في إيدينا نعمل حاجة و لا قادرين يبقي سكوتك و قهرتك احسن بقي .. عشان أصل هتكتب ايه ؟ اي كتابه لا تحمل عبارات يعاقب عليها القانون او تكون سبب في دخولك جهنم هتفقد معناها

جميل الاختراع ده

يعني الوقتي نصيف و لا نشتي

لما الواحد يقعد كده يسترجع ذكريات العيد فيلاقي نفسه وصل لحد ما امي كانت تحط قماشه علي راسي و ترص ٤ صاجات طول و عرض و اروح بيهم الفرن للتسويه .. ايام

كل سنه و الناس الطيبين هنا طيبين زي ما هما و عيد سعيد عليكم جميعا

قلبي و مفتاحه و ولاد شمس و ٨٠ باكو و النص التاني من رمضان لام شمسيه و ظلم المصطبه دروس بالمجان اهي في التمثيل و الكتابه و الاخراج للي عايز يتعلم و اللي محتاج يعمل كوميديا من غير حزق يتعلم من اشغال شاقه

طه دسوقي .. احمد مالك .. هدي المفتي .. حاتم صلاح .. مصطفي غريب .. محمود عزب في قلبي و مفتاحه .. اقوي مجموعه مثلت في رمضان .. برافو برافو برافو

كل سنه و كلكم طيبين رمضان كريم عليكم جميعا

كل سنه و كل أحرار يناير طيبين

الواحد وحشه يكتب هنا بس دايما متابع .. هو الواحد مبقاش يكتب في حته عموما بتابع بس .. بس لازال هنا من ألطف الاماكن اللي الواحد يحب يتواجد فيها باستمرار و الناس هنا من اجمل ما يكون

السير دانيال داي لويس راجع للتمثيل تاني و دي من الاخبار المفرحه اوي اوي ليا

عاده منيله مرواح المطار بدري عن ميعاد طيارتي دي .. باجي قبل ميعادها ب ٤ ساعات و افضل الف حوالين نفسي من الزهق و مش عارف ليه بعمل كده

الشام الحزين

كوتس ورينا صورتك و انت .. علي تويتر ناقصلها بس ورينا صورتك و انت بتعمل حمام ..

ولاد كلب فعلا

الحمدلله اتفك أسر عبود

و الله العظيم كل محاولات التأقلم مع اللي بيحصل في غزه و التصالح مع العجز الشديد اللي الواحد فيه بتبوء بالفشل الشديد بمجرد مشاهده فيديو حتي لو قديم و تكون شفته للمره ١٠٠٠ .. غزه دي وجع مرعب في روح الواحد

قصير القامه المختل الخ**ل بتاعنا نجح نجاح رهيب في تدريب الناس علي الاعتياد علي الانحطاط و القبول بيه و احيانا الاحتفاء بيه كمان .. احنا مثلا متعايشين عادي و بلدنا وزير تعليمها مزور في كل مراحل تعليمه الشهادات بتاعته

عندما نكون مبرمجين على فكرة معينة نفترض أنها هي اليقين المطلق وأنه بالضرورة جميع البشر لديهم ذات اليقين والبرمجة هنا يأتي دور القراءة والسفر والسينما و الموسيقى والفنون التي تتيح لنا إلقاء نظرة إلى الأفق البعيد خلف هذا السور العالي الذي يفصلنا عن رؤية مدى اتساع المجال خلفه فندرك أن كل شيء نسبي..

مفيش شيء ملهم لكل غزاوي او غزاويه حاليا قد ان قائدهم يموت مقاتلا في الميدان بكامل عتاده مدافعا عن ارضه في اشتباك مع المحتل .. يروح سنوار و يتولد ٢ مليون سنوار

تخيل ان قطاع كبير من المصريين واخدين معلوماتهم عن المقاومه الفلسطنيه و حماس من احمد موسي و توفيق عكاشه .. يا ريت أهاليهم كانو وفرو فلوس مدارسهم

تخيل ان قطاع كبير من المصريين واخدين معلوماتهم عن المقاومه الفلسطنيه و حماس من احمد موسي و توفيق عكاشه .. يا ريت أهاليهم كانو وفرو فلوس مدارسهم

أقسم بالله متأمر لا متخاذل

مات البطل و الله

السينما الأيرانيه دي في حته تانيه حقيقي

السهر و الحكايه و الحواديت مجدي نجيب كان بيجيب منين الكلام و الله

مرت بالواحد حاجات افتكر وقتها ان الدنيا وقفت هنا و انتهت .. ضهرك كان للحيط حرفيا .. و عدت الحمدلله و عدي الاصعب و بردو بيعدي .. مفيش صعب دايم مهما كنت وقتها تعبان تأكد انه هيعدي

عيد ميلاد منير .. ٧٠ سنه يا موني .. كبر الولد و الله .. افتكر مفيش حدث او شعور حسيته خلال ٣١ سنه سمعت فيهم منير .. مكنش صوت و كلمات اغنيه لمنير هما صاحبي فيهم .. كل سنه و انت طيب يا ملك