Beidh easóg linn ar an mBruach Thoir an Aoine bheag seo, mar chuid den tsraith imeachtaí "Oíche le..." ina mbíonn aoíanna éagsúla sa gcathaoir againn Tigh Mhaidhc Pháidín i Mionloch. Fáilte roimh chách.

D'fhás mé biatas siúcra i mbliana agus chaith mé cuid den lá le mo mhac is óige ag iarraidh siúcra a bhaint as cupla ceann acu. Torradh: mórán stró ar bheagán siúcra (a bhfuil blas láidir thornapaí air).

Ag súil go mór leis seo tráthnóna - feachtas nua á sheoladh ag an Oireachtas ar son oideachais triú leibhéal trí Ghaeilge. É sin a chur ag smaoineamh mé faoi chumainn mhic léinn a fheidhmíonn as Gaeilge níos luaithe.

Tá cumann Gaelach i ngach ollscoil sa tír déarfainn, a dhíríonn ar an nGaeilge. Nár dheas dá mbeadh ar a laghad cumann amháin eile a fheidhmíonn trí Ghaeilge dírithe ar ábhar eile - do na mic léinn le Gaeilge a mbeadh rudaí eile ar a n-intinn acu? Cén moltaí a bheadh agat dá leithéid?

Ar mo bhealach abhaile anois ón ardchathair, áit a raibh ceol á sheinnt agam do thoscairí chomhdhála i dteach stórais Guinness. Ag siúl i dtreo an bhus thug mé faoi deara an fógra seo don teaghlach céanna. Sean-fhógra is dócha, ach nach é atá dea-chumtha (ní thitimid amach faoi chor phonc séimhithe)

Ficheall Shíneach - bronntanas a fuair mé le déanaí ó iarrmhacléinn dochtúireachta a bhí ar ais ar cuairt ón tSín. Bhain mé féin agus mo mhac is óige, a bhfuil dúil mhór aige i gcluichí boird, an-sult as ag an deireadh seachtaine. Is ann don bhficheall Ghaelach leis, ach cá bhfaighfeá é le ceannach?

An fómhar ag téaltú suas an balla ar champas Ollscoil na Gaillimhe.

Alt an-deas ó mo chomhghleacaí íontach Rachel Quinlan ar an ealaín mar bhealach le rúndiamhair ⁊ áilleacht an mhata a roinnt leis an domhan mór. Beidh comhdháil mhór Bridges i nGaillimh an bhliain seo chugainn más spéis le héinne níos mó rudaí mar seo a fheiscint www.independent.ie/seachtain/ma...

Inniu bhog mé ó Allianz don árachas baile. Tá costas (beag) sa mbreis leis an bpolasaí nua ach is beag sin le hais a bheith i mbun gnó le comhlacht ar nós Allianz atá ag tacú leis an gcinedhíothú (infheistíocht á déanamh acu in Iosrael agus i dtionscal na n-arm, Elbit san áireamh).

Tá an sprioc seo bainte amach cheana féin - fíorbhuíoch, a chairde. Roinnt dúshláin eile le sárú anois a bhaineann le víosa a fháil agus cead imeachta ó Gaza. Beidh le feiceáil.

Tá aithne curtha agam ar bhuachaill óg ó Gaza, a bhfuil bua ar leith aige don mhata. Le scrios iomlán an chórais oideachais ní raibh an deis aige an mheánscoil a chríochnú. Chruthaigh mé gofundme ar a shon agus ba mhór agam aon chabhair a bhfuil sé in acmhainn agaibh a thabhairt tinyurl.com/47rcc4rw

Saighdiúir cuille (Chloromyia formosa, is dóigh liom) a chonaic mé níos luaithe inniu ar bhláth an ghallfheabhráin

Allas Muire

Bhí alt agam i Seachtain an tseachtain seo mar chuid de shraith alt eolaíochta www.independent.ie/seachtain/bl...

Laghairtín beag bídeach nuabheirthe i nGort a' Chalaidh/Mionloch. Níl fhios agam an bhfaca mé na cinn óga chomh luath seo sa mbliain cheana.

Ag fágáil an mórthír i mo dhiaidh le sraith gigeanna a sheinnt Tigh Ruairí, Inis Oírr, anocht, amárach agus an Domhnach. Buail isteach má tá aon duine agaibh ar an oileán.

Ós rud é gur foilsíodh tuairisc bhliantúil an choimisinéara teanga inniu, cuirigí an dá leagan seo de na treoracha ar shuíomh idirlíon an stáit i gcomparáid le chéile. Mar a dúirt Spock tráth, it's Gaeilge, a Shéamuis, ach ní mar a aithníonn muid í.

Alt liom i Seachtain inniu - cur síos ar thogra taighde atá ar siúl againn in @uniofgalway.bsky.social faoin ngaol idir an ráta ailse i mamaigh éagsúla agus líon na ngéinte le feidhmeanna ar leith sna mamaigh sin. Tuiscint á lorg ar mheicníochtaí le hailse a chosc www.independent.ie/seachtain/ag...

Bhí mé ag marcáil scrúdaithe inné, obair nach dtaitníonn liom, ach chuir ceann amháin meangadh orm. Scríofa ar chúl an scrúdpháipéir (focal gránna) i litreacha beaga néata: Dearbhaím leis seo go dtacaím le Baisileasc Roco

Éadáil ón taom glanta amach a tháinig ar mo thuismitheoirí - is cosúil nach inniu nó inné a thosaigh mé ag cur spéise sna hearca is na laghairteanna. Nach álainn an pheannaireacht a bhí ag Éamon uasal de Buitléir is nach íontach an cúram a chuir sé isteach i gcomhfhreagras le leaid óg.

DS álainn ar Inis Meáin leis an mBruach Thoir. Cuairt threoraithe ar an oileáin, aithne á chur ar na daoine atá ag caomhnú an teanga ann agus scéalaíocht, ceol ⁊ amhráin á roinnt le muintir an oileáin. Buaic phointe eile domsa - an chéad uair dom laghairt fásta ar dhath dubh a fheiceáil in Éirinn.

Coláiste Uisce? Rud súntasach faoi agóidí dlúthpháirtíochta le muintir na Palaistíne an méid Gaeilge a chloistear iontu (in iarthar tíre pé scéal é). Tá rudaí an olc ar fad ansin faoi láthair, ach shílfeá anseo gurb iad na hagóidí an fhadhb seachas an cinedhíothú www.irishtimes.com/crime-law/20...

Shhhh... ná corraígí! Chuir mé amach an baoite tamaillín ó shin agus is cosúil gur bhain Homo déagóiriens plaic as.

Ina suí arís tar éis na toirchime fada ach gan aon ruball. An é gur chaill sí é ar a céad lá ar ais nó ar chaith sí an geimhreadh dá uireasa? An dara cheann IMT. Más fíor, is cosúil go bhfuil an cumas acu stop a chur leis an athfhás le linn dóibh a bheith ag geimhriú.

Nuair a chuaigh mé isteach sa seomra léachta le rang a thabhairt inné bhí an pictiúr seo d'fhear le cat lena ghualainn ar an gclár bán romham. N'fheadar cé tá ann ar chor ar bith.

Arsa duine de mo chlann mhac, nach bhfuil mórán dúil sa nGaeilge aige faoi láthair, liom: Dad, what would you think if I used the English version of my surname when I grow up? Bhuel, a dúirt mise, That's your Joyce 😜

Club leabhar Anki ar bun agam le @falmairemor.bsky.social An tseift: léann duine againn leabhar a bhfuil focail neamhghnácha ann ⁊ ullmhaíonn deic Anki le go mbeidh an duine eile in ann na focail a fhoghlaim roimh thabhairt faoin leabhar. Rinne mé deic Anki le 420 focal as Mé Suibhne ar na mallaibh.

"Ag seasamh an fhóid". Mar sin a scríobhtar é ach an mbaintear úsáid as an tuiseal ginideach go hiondúil agus é sin (agus leaganacha cainte cosúil leis) á rá? Ag seasamh an fód atá ag mo chara a bhfuil Gaeilge Mhionlaigh aige, is dóigh liom. Ceist chanúna?

Leath de mheáchan na hanama de mhicreaplaisteach atá inár n-inchinn DRD www.nature.com/articles/d41...

Lá fhéile Darwin sona dóibh siúd a bhíonn á cheiliúradh! Postálaim an pictiúr seo an t-am seo chuile bhliain - sceitse de chrann an bheatha ó leabhar nótaí Darwin mar a tharraing barista i nGaillimh dom é roinnt blianta ó shin.

Scaipigí an scéal, lbd! etim.ie/feile-stem

Meas mór ar sumud na n-eolaithe atá fós ag iarraidh a bheith i mbun a gcuid oibre i nGaza www.nature.com/articles/d41...

@kingdonncha1.bsky.social Is cuimhin liom an tsanasaíocht seo atá ag wiktionary a chloisint cheana ach nach dealraithí i bhfad go dtagann macalla ón bhfocal alla - béic, seachas ó aill (ní theastaíonn aill le haghaidh macalla ach is minic gur mac béice a bhíonn ann) en.wiktionary.org/wiki/macalla

Déan do bhuan-ghoradh feasta le bladhm do bhaosra féin, mar a dúirt Eorann le Suibhne

An crann marbh ar Oileán Scáth Mór, Loch Coirib (bile domsa). Bhí mé buartha nach mbeadh sé ann níos mó i ndiaidh na stoirme agus ní raibh deis agam dul amach ar an gcadhc go dtí ar maidin le breathnú. Fuair sé bearradh ach fós ina sheasamh.

Ollscoil na Gaillimhe tríd an screamh shalainn a d'fhág Éowyn ar fhuinneog m'oifige ina dhiaidh.

Seift phearsanta le meastacháin a dhéanamh ar chomh cumasach is atá bota comhrá: iarraim air dán a scríobh faoi bhrioscaí seacláide i stíl Sheáin Uí Ríordáin. Ní bhainfidh sé duais an Oireachtais, ach de réir na slaite tomhais áirithe sin is féidir go bhfuil DeepSeek na Síne chun tosaigh ar ChatGPT.

Tá lámh chúnta de dhíth don Gharraí Glas tar eis na stoirme. gofund.me/30ddd85d

An crann ab ansa liom sa gcomharsanacht tar éis an anfa 🙁 Ní bheidh na síógaí róshásta le hÉowyn.

A @kingdonncha1.bsky.social is cosúil nach bhfuil tú féin agus do rialtas ar aon intinn ar an gceist seo. Ar ndóigh bhí a fhios sin agam, ach is ait iad a fheiceáil chomh neamhbhalbh faoi.

"A Palestinian who was assisting Israeli forces in searching potentially booby-trapped buildings and tunnels... [and] serving as a human shield". Maraíodh 'de thimpiste' é. Nach deas an cur síos atá acu ar sciath dhaonna - ag fóirithint ar fhórsaí na hIosráile www.timesofisrael.com/liveblog_ent...

Síolta bhiatais siúcra - bronntanas Nollag agus togra nua. Nollaig shona, is go mbronna 2025 milseacht orainn ar fad.

Go raibh maith agat as an gcarta deas a fuair mé uait inniu @kingdonncha1.bsky.social Níos moille ná ceann @duinedeas.bsky.social toisc go mbíonn ar litreacha le mo sheoladh i nGaeilge dul ar chamchuairt.

Níl a ndóthain saineolais agam ar an ríomhaireacht chandamach leis an bhfeadóg a shéideadh ach cuireann an frása seo dinglis i mo chuid adhaircíní chacamais www.theguardian.com/technology/2...

Bhí laoch ag teastáil ó dhaoine is dóigh ach is cosúil nach é an t-uasal Claimsadjuster é, domsa ar aon chaoi. Leanann an fear atá an feallmharú úd á chur ina leith leithéidí RFK-J agus Dawkins ar X agus tá blas na síceolaíochta éabhlóidí ar chuid den stuif a bhíodh á spalpadh aige ansin.

Bliain ón lá inniu a mharaigh Iosrael Refaat Alareer in éineacht lena dheartháir, deirfiúr agus ceathrar nia. Níor shéanadh riamh, go bhfios dom, gurb é Alareer a bhí mar sprioc leis an ionsaí. Níor thaitin an méid a bhí le rá aige leo agus ba leor sin len é mharú agus páistí ina theannta.

Ní minic a d'athraigh íomhá amháin m'intinn i gcás olltoghcháin ach is féidir gur eisceacht an ceann seo (in éineacht leis an tuairisc ar a bhfuil sé bunaithe). Spéisiúil go leor, nuair a bhain mé triall as whichcandidate.ie ba í Helen Ogbu (LO) an t-iarrthóir ba ghaire de mo chuid tuairimí féin.

Bronntanas a fuair mé inniu - buidéal den cheirtlis a rinne mac léinn de chuid na hollscoile as úlla atá ag fás ar champas (i gcúiteamh ar ualach úll a thug mé dó). Ag súil go mór í a bhlaiseadh (agus nach ndallfar mé!)

Ar mhaith leat obair le Fighting Words? Táimid ag lorg meantóirí deonacha le cabhrú linn ceardlanna scéalaíochta trí Ghaeilge agus go dátheangach a reachtáil! Más spéis leat, le do thoil bí i dteagmháil liom ag [email protected] ✨️🙌🏾✍️🏾📚 #FightingWordsnaGaeilge

Tá an sneachta ag leá agus eisíodh toghairm chun na Háige do Netanyahu agus Gallant. Ar nós a bheith i do chónaí i Narnia seachas iarthar na hÉireann.