'O xénero detrás da cámara' é unha viaxe pola fotografía en Galicia desde unha mirada feminista e plural. Reivindica voces normalmente invisibilizadas e explora como o xénero inflúe no que vemos e no que queda fóra do foco. Inclúe a derradeira entrevista a Anna Turbau.

Que ningún neno ou nena quede sen un agasallo por Nadal, vos animamos á doar á Cruz Vermella un xogo educativo: un libro de lectura, un puzzle, un xogo de mesa, un xogo de manualidades… para peques de entre 0 e 17 anos.

O noso editor, a nosa editorial 💙 👇👇👇 https://www.nosdiario.gal/articulo/cultura/cesar-lorenzo-director-aira-editorial-hai-moito-espazo-libro-informativo-galego-temas-galegos/20251009223708236301.html

🎁 Sorpresa para @cabuxaa! Gañaches o un exemplar asinado do 'As Jermaine' de María Alonso Seisdedos. Parabéns!!!! Escríbenos por privado cos teus datos e ven recollelo cando poidas.

A semana que vén, a Casa da Cultura de Allariz ten actividades para toda a rapazada…

Bibiana Candia responde o ‘Cuestionario Proust’ para @lecturafilia. Se es das que gozan coñecendo o lado máis persoal das autoras, aquí tes unha lectura rapidinha. 👇👇👇 https://lecturafilia.com/2024/12/12/cuestionario-proust-bibiana-candia-escritora/

Aínda tes tempo de aproveitalo ⏰ ✨ Non o deixes escapar! 💨 Dende o 15 de Outubro de 2025 ata o 20 de Decembro de 2025. 👉libros.ourense.gal👈

Treasure Island, a versión muda e ilustrada que o artista Ramón Trigo fixo do clásico de Stevenson. Unha fermosura!

En Allariz precisamos atopar unha habitación con dereito a usar a cociña para un rapaz que acaba de conseguir traballo aquí, e precisa un lugar seguro onde quedar canto antes.Se coñeces algunha dispoñible pódeste poñer en contacto con Margarita polo: 618769060. Grazas de corazón pola colaboración.

📚✨ Boas novas na Aira! Tres libros marabillosos baixaron de prezo e están desexando atopar novo fogar: 🔹 O nome da rosa — misterio, filosofía e abadías cheas de segredos. 🔹 Heidi — a nena dos Alpes que nos lembra o poder da tenrura. 🔹 Kavafis — versos que che deixarán viaxar sen saír do sofá.

‘As gratitudes’ de Delphine de Vigan (Hugin e Munin) Por fin en galego esta marabilla de historia sobre as relacións, as familias escollidas máis alá do sangue, o amor despois do amor, as despedidas e, como non, as gratitudes.

🍁O 8 e 9 de novembro volveremos celebrar o mellor do outono: mel, noces, castañas, e produtos de tempada na A Feira de Outono de Allariz 🌰🍄 #FeiraDeOutono #Allariz #OutonoEnAllariz... Ver máis

Joan Tallón está de volta nas nosas estanterías con 'Mil cosas', un libro para reflexionar sobre esas pequenas cousas da vida.

📖 ‘La nostalgia de la mujer anfibio’ – Cristina Sánchez-Andrade (Anagrama) Galicia como escenario máxico e brutal nunha historia de tres xeracións de mulleres marcadas por un naufraxio. Tremendismo, surrealismo e realismo máxico que fan desta novela unha experiencia hipnótica.

Aínda tes tempo de aproveitalo ⏰ ✨ Non o deixes escapar! 💨 Dende o 15 de Outubro de 2025 ata o 20 de Decembro de 2025. 👉libros.ourense.gal👈

🌴 ‘Cayo Hueso’ – Oihane Amantegi, tradución de Isaac Xubín (Rodolfo e Priscila) Unha historia de exilio, memoria e identidades que non caben nun mapa. Amantegi escríbelle á ferida e Xubín traduce co corazón.

🎁 Sorpresa para @nandamisa! Gañaches o un exemplar asinado do 'Paseante' de Juan Berrio, un libro perfecto para quen goza das pequenas cousas. Escríbenos por privado cos teus datos e ven recollelo cando poidas.

Na Aira das Letras non deixamos pasar o Día da Muller Rural (aínda que o calendario corra máis ca nós 🤭🐔) O 15 de outubro celebrouse o Día da Muller Rural, unha data para recoñecer o traballo, a forza e o compromiso das mulleres que manteñen vivo o noso rural —coas mans, coa cabeza e co corazón.

O sábado 25 de outubro ás 17:00 horas, obradoiro de iniciación ao comic "Mundo animal dos banainas" con Fon Agardámosvos!!!

Un home recupera a liberdade xusto no momento no que a súa memoria empeza a esclarecer que foi del nos últimos anos.

🪞 ‘Inventaria’ – Emma Pedreira (Boulevar) Un inventario poético da existencia: o que fomos, o que somos, o que quedou na sombra. Emma Pedreira escribe coma quen descose un vestido vello: con coidado, pero sen medo a mancharse. Versos que latexan.

🌙 Para as fans da colección 'De la cuna a la luna' de #Kalandraka chega este estoxo fermoso cos xa clásicos 'Lúa', 'Bebé' e 'Animais', e con dúas novidades: 'Limón' (por fin en galego!) e o novísimo 'Flores'. Vén por eles axiña, que voan! 🐦

🤲 ‘Contármonos’ – (Alvarellos) Un proxecto colectivo onde moitas voces se xuntan para facer memoria e poñer palabra ao cotián. Textos íntimos, reais, ás veces doridos, sempre necesarios. Porque contármonos tamén é curar(nos).

SORTEO DE OUTUBRO 🍁 Este mes regalamos un exemplar asinado de 'Paseante' de Juan Berrio, un libro perfecto para quen goza das pequenas cousas: camiñar sen presa, mirar o mundo con calma e deixarse sorprender.

Plan de Lectura Provincial 2025 Unha iniciativa en forma de subvencións para a adquisición de libros para menores de 18 anos, empadroados nos concellos de provincia de Ourense. Un exemplar á súa escolla, por importe de ate 20 euros.

O sábado 25 de outubro ás 17:00 horas, obradoiro de iniciación ao comic "Mundo animal dos banainas" con Fon Agardámosvos!!!

🎓 ‘A tese de Margot’ – Alba Ceide e Óscar Losada Margot ten unha tese, unha vida e mil preguntas. Unha historia intelixente e chea de humor sobre o mundo académico, o amor e esa sensación de que todo é provisional. Literatura galega que se atreve, e iso sempre é boa noticia.

🔥 ‘Las cosas que perdimos en el fuego’ – Mariana Enríquez (Anagrama) Contos que prenden lume, literalmente. Enríquez mete o coitelo na realidade arxentina —e na nosa— para sacar monstros que sempre estiveron aí. Terror social, literario e profundamente humano. Non apto para lectoras tranquilas.

Inés de Castro, a raíña galega que foi coroada en Portugal despois de morta. Esta lenda, unha das máis famosas da Europa medieval, renace nos ollos e os pinceis de Laura Suárez, que actualiza o mito nunha obra chea de cor, imaxinación e poesía, 'A raíña cadáver' (@airaeditorial)

📖 ‘La senda Kaizen’ – Tomás Navarro (Neko Books) Pequenos pasos, grandes cambios. Navarro recolle a filosofía xaponesa do kaizen para axudarnos a mellorar pouco a pouco en todas as áreas da vida. Lectura práctica, inspiradora e perfecta para comezar outubro con rumbo claro.

📖 ‘Ninguén queda’ – Brais Lamela (Euseino?) Unha aposta radical pola literatura que arrisca. Un texto que vai directo ao miolo: que queda de nós cando xa non queda ninguén? Perfecto para lectoras que buscan ruptura e experimentación.

📖 ‘O cabronario’ – Celso Emilio Ferreiro (Luscofusco) Un clásico da retranca máis ferreiresca, recuperado en edición que xa promete converterse en fetiche. O lado máis cáustico e afiado do poeta, perfecto para quen queira un dicionario de insultos con arte.

Francisco Narla demostra outra vez o seu enorme talento para a literatura épica nunha novela que homenaxea a afouteza dos mariñeiros galegos nun mundo remoto e fascinante.

📖 ‘A soidade do inquisidor’ – Alberte Blanco Casal (Xerais) Século XVI, intriga histórica e cadáveres en Monterrei. Inquisidores, frades, condesas e confrarías pagás danse a man nun relato cheo de misterio, intolerancia e liberación. Unha novela negra histórica que mestura rigor e enganche narrativo

📖 ‘El jardinero y la muerte’ – Gueorgui Gospodínov (Impedimenta) O gañador do Booker Internacional entrégase aquí a un relato íntimo e devastador sobre un fillo, un pai e a despedida inevitable. Unha xoia sobre a perda dos heroes e unha reflexión acerca de quen somos cando quen nos fixo xa non está.

📖 ‘Detective Ferruchi’ – Marta Villar (Xerais) Crime, librarías e moita retranca. Sol regresa á súa vila natal e métese sen querelo nun asasinato con máis xiros que unha telenovela turca.

📖 ‘La llamada’ – Leila Guerriero (Anagrama) Duro, emocionante e absolutamente necesario. Guerriero reconstrúe a vida dunha sobrevivente da ditadura arxentina. Un libro que corta a respiración e que lembra que contar a dor tamén pode salvar vidas.

Onte no @BenComún gozamos dunha nova cita con #AfinidadesElectivas2025, coa complicidade de Marta Sanz e Suso de Toro e coa moderación de César Lorenzo Gil, director de @AiraEditorial. Un faladoiro cheo de literatura, vida e ideas compartidas.

Vermú literario [e literal 😉] no @BenComun... O ´vindeiro sábado 20 de setembro, chega de volta ao BenComún ‘Afinidades electivas 2025’, actividade patrocinada polo Ministerio de Cultura, na que participan os autores Marta Sanz e Suso de Toro, que falarán de literatura e vida.

📖 ‘El espíritu de la esperanza’ – Byung-Chul Han (Herder) O filósofo máis lido (e discutido) do noso tempo deixa a súa habitual crítica á sociedade neoliberal para facer un xiro inesperado: falar da esperanza. Un libro que é bálsamo en tempos convulsos, acompañado polas obras de Anselm Kiefer.

O ´vindeiro sábado 20 de setembro, chega de volta ao BenComún ‘Afinidades electivas 2025’, actividade patrocinada polo Ministerio de Cultura, na que participan os autores Marta Sanz e Suso de Toro, que falarán de literatura e vida.

📚 Onte vivimos unha experiencia completa arredor do libro 'A historia de Galicia en 30 obxectos': texto, edición e ilustración uníronse nun faladoiro único.

📖 ‘Una cabeza cercenada’ – Iris Murdoch (Impedimenta) Un clásico moderno da comedia ferocísima: matrimonios, amantes, psicoanalistas e revolución sexual nos 60 londinienses. Murdoch en estado puro: elegante, lúcida e divertidísima.

🎭 Gústache o teatro? Queres formar parte dun proxecto ilusionante e inclusivo? En Allariz, os venres pola tarde: teatro con Manuel Fontemoura! +34 máis info: 669 38 55 58

📖 ‘Objetos a los que acompaño’ – Carlos Risco (Círculo de tiza) Prosa delicada, intimista e chea de sutileza. Risco escribe sobre as cousas que nos acompañan e, en realidade, falan de nós mesmos.

📣 Pois iso… este venres que vén tes unha cita connosco no @BenComun para descubrir os obxectos que nos explican como pobo, contados coma nunca antes ✨ 🕗 Ás 20h, pero aquí entre nós 😉… chega cedo, que isto peta axiña! 🚪🎟️descifrandohistoria

📖 ‘Fantástica historia de amor’ – Sophie Divry (Nórdica libros) Thriller, ciencia e unha historia de amor improbable. Entre laboratorios nucleares, xornalismo científico e un accidente mortal, Divry consegue unha novela luminosa e trepidante.

📖 ‘50 aniversario do asasinato de Moncho Reboiras. 1975-2025’ (Editorial Moncho Reboiras) Un libro necesario para lembrar, reflexionar e seguir loitando pola memoria dun tempo no que comprometerse custaba a vida.

📖 ‘El puente donde habitan las mariposas’ – Nazareth Castellanos (Siruela) Ciencia, filosofía e respiración para entender o cerebro como nunca antes. Castellanos abre un camiño de autocoñecemento e transformación persoal con rigor e moita claridade.

Vémonos no @BenComun    🏃🏃‍♀️🏃🏃‍♀️