انا مش بس ايقاع حياتي بقى سريع بسبب الريلز وفيديوهات التيك توك.. ده انا دخلت في ليفل أعلى كمان وبقى لازم اسرّع أي فيديو واتفرج عليه speed 2x.. انا نفسي ارجع انسان طبيعي تاني اقرا كتب واتفرج على افلام 3 ساعات وانا مبسوط ومش مستعجل.

حد عنده فيس بوك وقع يا رفاق ؟

وأهي ماشية

هالو.. انا ستخدمت تقريبا كل مواقع السوشيال ميديا ما عدا اتنين مش جايين معايا خالص هما pinterest وtumblr مليانين كنوز بس الواحد ماعندوش طاقة يغرق فى أى بلاتفورم

خسارة بجد ان الواحد مش كوري 😀💔 شكرا چيميناي

صباحكو حلو

هو ده المنتخب اللي هستناه 4 و 6 الفجر ؟!

قاعد قدام الملعب والناس بتلعب وانا لا سني ولا لياقتي ولا كرشي يسمحولي ألمس النجيلة برجلي

صباح الورد الصورة للمصور حسام عاشور

المهم طعمي حلو 😁

"أخاف أن يفنى بنا العمر ونحن نتخيّل الأشياء على أمل أن تحدث، ولا تحدث" انا دورت على اصل المقولة ديه.. لقيت صفحات بتنسبها للشاعر محمود درويش.. فحاولت ادور كويس قالها فين وفي اي مناسبة وفي اي قصيدة.. لا حس ولا خبر وماظنش انها تمت بأي صلة بدرويش.. لكن حقيقي انا بتأثر بيها لما بتعدي قدامي

انا اسف يا جماعة بس فيلم ... عجبني جملة مستفزة في السوسيال ميديا الفترة ديه.. اسف لمين يا حبيبي واسف على ايه وبتعتذر ليه اصلا ماتقول فيلم كذا عجبني.. او لو مزنقة معاك اوي قول ماكنتش متخيل انه يعجبني.. او طلع حلو.. او الهجوم عليه مبالغ فيه ماهو لو عجبك حقيقي مش هيفرق معاك انك ماشي مع التيار و لا ضده

بمناسبة تريند صبري نخنوخ.. انا معلق عندي في البيت صور فنانين ومبدعين من ضمنهم وحيد حامد الله يرحمه.. فالراجل اللي كان بيعمل مكان الصور بالشنيور شاف صورة وحيد حامد وباصلها باستغراب وقالي اعجب حاجة سمعتها في حياتي.. قالي: معلش يا استاذ في السؤال ايه اللي يخلي حضرتك تحط صورة صبري نخنوخ مع الفنانين دول

ذات مرة قال الحكيم الصيني حما قي سي تونج: (لو هو باع احنا نجيبله لمون نعناع)

الدموع بتنزل من عيون الممثلين الكوريين على خدهم ولا كإنها في زحليقة في اكوا بارك.. ده يرجع لصفاء البشرة الكورية أم لجودة الجليسرين الكوري؟

فى حاجة صغنونة بس بسطتني... انا فاتح الآب من الـ Browser فلقيت على اليمين قايمة بالـ Trending.. تالت تريند كان عن .. U.S. Israel Relations دخلت عليه لقيت كمية أجانب بيشتموا الكيان والنتن بطريقة تشرح القلب حاجات يمكن مابشوفهاش ع فيس بوك نهائي

طب فى تويتر اسمها تويتة وفى تروث كانوا بيقولوا تروثاية اومال هنا اسمها ايه؟؟؟؟

كعرب على بلو سكاي، عددنا حالياً بين 50 لـ 150 ألف مستخدم. دي فرصة ذهبية مش لجمع أرقام ومتابعين، الهدف أعمق بكتير: نحط البذرة من دلوقتي عشان نأسس مجتمع حقيقي، نظيف، ومحترم. البداية دايماً بتبدأ بخطوة، والجمهور الصغير دلوقتي هو اللي هيقود المنصة بكرة. 👇

علشان كده انا جايلك م المستقبل وبقولك شوية وهتزهق وترجع لمنصتك المفضلة.. فانا هستنى هنا أسيأ المكان وأحرسه لحد ما ترجع تاني

بجملة الاعترافات بقى.. يوم ما تطبيق ثريدز فتح تقريبا انا الوحيد اللى مانزلتوش ولا حبيت فكرته يمكن علشان تبع "ميتا".. لكن تطبيقين بس اللى دخلتهم وتفاعلت معاهم حبة حلوين mastodon وtruthsocial فقط لا غير وزعلت ان الناس زهقت فيهم ومشيوا ورجعوا لتويتر تانى كإنه الزوجة الأولى اللى لازم يرجعولها فى الآخر

حاسس شكلي عبيط اوي وانا بستخدم آب شعاره فراشة زرقا

الشيء الغريب انى أكون حابب المكان ده رغم انى أصلا أصلا مش من مستخدمي تويتر أو اكس واخري فيه متابعة حاجات بسيطة متعلقة بشغلي

صباح الخير 🍵🩵

انترستيللر فيلمي المفضل على mbc2 وانا بصراحة ماليش نفس اعيط. سامعك يا ابو لسان طويل ياللي بتقول هو لسه حد بيتفرج على mbc2. لا مافيش، بس القهوة هي اللي مشغلاه

واقع في مشكلة لذيذة.. في الحضارة هيرجع بكرة وانا اساسا متراكم عليا حلقات الدحيح الجديدة... ما العمل؟

بقالى فترة مُقبل على المسلسلات الكورية الاجتماعية والرومانسية بشكل خلاني أكّون صورة عن المجتمع الكوري وصعوبة بيئة العمل وقسوتها الشديدة والتفاوت الواضح فى الطبقات الاجتماعية بخلاف الأزمات الاقتصادية العنيفةوالتضحم اللى خلوا الشاب الكوري يبعد عن الحب لأسباب اقتصادية عاوز أقرأ أكتر عن الموضوع ده

هادف

أكثر شيء عبثي ان السوشيال ميديا اللى اتوجدت علشان تكون مساحات للرأي وحاجة فيها براح وحرية.. تكون هي نفسها اللى بتقيدك ومكتفاك.. ده حالى مع كل المنصات اللى انا نشط عليها زي فيس بوك وانستجرام وإكس وتيك توك مابقدرش أقول فيهم أى حاجة انا عاوزها علشان كده لما بلاقي منصة جديدة بقول يمكن ألاقي هنا ضالتى

الآب ده فكرني بأول يوم الناس نزحت فيه لتروث سوشيال أول ما فتح.. والمصريين لموا بعض وقضوها فولو ولا كإنهم في الغربة..