نيجي بقى للمهم، هو كان هيحصل ايه ف الدنيا لو خدت القدر الأدنى من الحاجات اللي بتمناها؟ ليه لازم دايماً أشوف كل الحاجات اللي أنا محتاجها تكون أدامي وقريبة مني بس مقدرش أوصلها؟ لدرجة إني وصلت لقناعة إن أي حاجة أنا بتمناها حتى لو غيري كتير بيتمنوها عمرها ما هتتحقق بسببي أنا لأني عايز الحاجة دي

أنا مبقتش مستكتر ع نفسي الحلم، لأ أنا بقيت أكره الأحلام لأني مفتكرش إني حققت حلم واحد بس من أحلامي ع مدار حياتي كلها

سماح يا زمان سماح في اللي راح.. يا سنين متكمليش في الجراح وانسيني شوية وأنا هرتاح.. ويا هم سيبني حلني وانزاح

نيجي للسؤال المهم؟ ازاي المسلسل دا عدى من تحت ايد الرقابة؟ بربع جنيه تركيز في الأحداث أي حد يقدر يعرف إنه مش مسلسل اجتماعي ولا كوميدي ولا حتى درك كوميدي دا مسلسل كله إسقاطات عن الواقع اللي بيعيشه أغلب الشعب النهاردة من فقر وغلاء أسعار وإهمال ومرض وفساد

طول ما أنا بتفرج ع المسلسل وأنا بدعي ربنا متجوزش حد زي شروق، من أول حلقة إنسانة أنانية ومش مسؤولة عشان غريزتها خانت الاتفاق اللي بينها وبين جوزها وخدت قرار مصيري من غير أي اعتبار للطربوش اللي متجوزاه بحجة إن الرحم بتاعها

أنا بجد خايف أموت قبل ما أحضر ماتش في لابومبونيرا مع Le Doce 💛💙 نفسي ع الأقل من وسط كل أحلامي اللي مقدرتش أحققها أحقق الحلم دا

يشهد ربنا أنا عمري ما حسيت إني إنسان ليه حقوق وصوت وممكن يحلم من غير خوف إلا في الفترة من ٢٠١١ ل ٢٠١٣ وعشان كدا أنا هفضل مؤمن بيها ومتعصب ليها لحد أخر يوم في العمر وعايش على أمل إنها في يوم ترجع تاني وترجعلي معاه آدميتي

المشكلة إن اللي بيقولو ثورة ٢٥ يناير خربت البلد هم هم نفسهم شوية المرتشين اللي بينزلو كل انتخابات أو استفتاء يبيعو صوتهم للي يدفع أكتر ولا أجدعها ركلام بتبيع جسمها للي يدفعلها ٢٥ يناير هي أشرف حدث في تاريخ البلد دي وكان هدفها تنضفك وتنضفني وتنتشلنا من القاع اللي احنا فيه

نشبه حكايات عشتها أو حلم ناقص وانتهى

شهدائنا وسام على صدورنا.. شهدائنا تاج على رؤوسنا شهدائنا عظماؤنا شهدائنا تاريخنا شهدائنا كل أمجادنا

أول farmer مصري

للأسف بكل فخر صنع في مصر يا ريتني كنت facke account!!

أقسم بالله حياة الفلاحين دي حياة رايقة! أخيراً عرفت لما أكبر نفسي أكون ايه، إن شاءالله هبقى فلاح 😂

نفسي أبقى فلاح كفاية مدنية وحضارة لحد كدا عايز الدولة تديني حسبة ١٠ ١٥ فدان في الصحرا استصلحهم وشغلي الشاغل في الحياة إني كل يوم أصحى الصبح أفطر فطير مشلتت وعسل وجبنة وفول وطعمية وجرجير وبعدها أعزق في الغيط وجماعتي تشيعلي الغدا ع العصرية كدا 😂

الأندلس 1478: محاكم التفتيش الإسبانية تويتر 2025: محاكم التفتيش الافتراضية

ألعب مع الفطرة وأسكتلي بالفترة وأسحلني في التفاصيل 🎶

حد من اسكندرية سمع صوت غريب من السما مش طيران ولا رعد

صورة ريحتها المليار الذهبي وهرم عليه عين وصنم بافوميت

حالة الطقس توحي بالكئابة الشديدة وتشجع ع تقطيع الشرايين سما باهتة وشبورة أو سحب ف الأفق حاجبة ضوء الشمس ولون السما المبهج بس الحمد لله الجو حر ❤️

وأنا بكتب البوست تخيلته مقبوض عليه وبيغنيها ف الزنزانة 😂😂😂

[إنما هلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد] هنحبس بتوع المهرجانات والتيك توك تمام وزي الفل، هنحبس محمد رمضان والعوضي وعمرو سعد اللي بيمارسو نفس الأفعال ف التلفزيون ولا هنسيبهم عشان هم مشاهير؟

أنا عندي تروما من ال bookmark بتاعة تويتر وبحس إن لما حد بيعملها ع تويت بيحطها ف الليست بتاعته للناس اللي هيرشد عنهم اخر اليوم مثلا عشان يحقق التارجت 😂 ف ايه اللي جاب ال save هنا كمان 🙆🏻‍♂️

البرشام سايق في كل حتة 😀

اعتقد مفيش ٢ في مصر يختلفو ع سلوكيات الشريحة العريضة من سواقين التكاتك والميكروباصات كمان، لكن لو فكرنا نلغي مهنة من غير توفير بديل عارفين ايه تبعات القرار؟ باختصار معدل بطالة وجرائم أكبر، فالحل هو تقنينهم وفرض الرقابة عليهم واللي يخالف يتطبق عليه القانون لكن فكرة الحسنة تخص والسيئة تعم مش حل

معلومات تافهة 👏🏻

أيام ما كان أجود أنواع منظفات الوش هم الخميرة والبيبسي والخل والبصل ❤️😂 ويا ويلك وسواد ليلك لو أتهفيت في عقلك وغسلت عينك بالمياة

مجزرة محمد محمود

‏محمد محمود خليك فاكر.. كانو ديابة وكنا أسود

أنا وصاحبي في مرة كنا واقفين ف أمان الله وسط الناس، لاقينا الضرب اشتغل ف طلعنا نجري في شوارع جانبية هوب ٢ طلعولنا from no where بيحاولو يمسكونا فلتنا منهم بأعجوبة بس مسكو صاحبي من الجاكيت راح قلعه وطلع يجري تقريباً دا كان أول يوم أنزل فيه قبل ما أعرف تكتيك البلطجية والمرشدين 🤡

وبحكم إن دي أول مرة أشارك في مظاهرة وأول مرة أتعرض للمسيلة للدموع مكنتش فاهم ايه دا لكن لاقيت طلاب وطالبات مدرسة خاصة في محيط الاشتباكات بيساعدو الناس بالخل والبصل والخميرة - في السياق ذاته: كنت بسمع من الناس اللي جنبي إن القنابل دي مختلفة عن قنابل ٢٥ وبعدها عرفت كدا فعلاً

أحداث ١٩ نوفمبر ٢٠١١ تحديداً دون عن باقي أيام الثورة ليها مكانة خاصة في قلبي لأنها كانت أول مرة في حياتي أشارك في مظاهرة وأول مرة أحس إن ليا رأي وصوت. والطفل اللي قبلها ب ١١ شهر كان مجرد مشاهد لأحداث ثورة ٢٥ يناير، بقى مراهق وشارك في ١٩ نوفمبر!

مفضلش من يناير غير ذكراها وحكاوينا اللي هتفضل خالدة في عقولنا لأخر نفس فينا حتى لو زورو التاريخ على حياة عيننا، عمرهم ما هيسرقو نوستالجيا الثورة ولا هيزيفو الأحداث اللي عشناها ١٩ نوفمبر ٢٠١١ - أحداث محمد محمود we will never forget ❤️

كنا هنا ولن ننسى أبداً! محمد محمود ملحمة الصمود

Remember, remember the 19th of November لو للثورة يوم واحد غير ٢٨ يناير فهو ١٩ نوفمبر ٢٠١١ لو للحرية يوم هو يوم ١٩ نوفمبر ٢٠١١ لو منتصرناش غير في يوم واحد فاليوم دا هو ١٩ نوفمبر ٢٠١١ كل اللي شارك في أحداث شارع محمد محمود / ١٩ نوفمبر في المحافظات المختلفة نجى بجسده بس

رجع تاني الحمد لله وهقدر أتابع صياح الانتخابات بكل سلاسة ❤️

هي بس الحماسة بتاخد الشعب الغلبان دا وتسوحه مرة كل كام عقد من الزمن ويفتكر إنه اتعلم من أخطاء الماضي و "المرة دي بجد مش هنسيبها لحد" 🥳

محدش بيعملك حساب لا أنت ولا أجدادك

ربنا ياخده بقى عشان أنا جضيت ومش متخيل أعيش ٢١ سنة ف العبث دا وكان فيه ١٣ قبلهم تحت حكم مبارك! قال ايه وأنا اللي كنت مشفق ع الناس اللي اتولدو في عصر عبد الناصر وعاصرو مبارك 🤡🤡🤡

أي حد فاكر إن صوته مهم من ٢٠١٤*

أي حد بينزل الانتخابات من ٢٠١٥ بدون تنسيق فاشخني ضحك***

🙋🏻‍♂️ والسبب إني شوفت حالة أدامي وكانت من الدواير المقربة وسمعت صوت غريب منها وشوفت والدي وهو بيقرأ عليها قرآن وبيكلم "اللهم احفظنا" اللي لابسها 😂😂😂 والفكرة إني سمعت المحادثة كاملةً لايف

تويتر فيه مشكلة عندكو؟

يا راجل صلي ع النبي وخلي البساط أحمدي، بلا حياة نيابية بلا سلطة تشريعية هو احنا بتوع الهمبكة دي؟ الغيهم وكبر مخ معاليك

@معالي البيه الكبير 🥳

تخيل لما حالنا يصعب ع اللي ربنا ياخده لدرجة إنه يطلع يعترض!! تخيل كم التزوير اد ايه؟

تتفتح أيامي وتتفرم أدامي

للأسف البلد دي بقت غرقانة في الأمراض النفسية ومليانة بالمختلين عقلياً

أنت إنسان مش محترم @كمال أبو رية 😂😂😂

{وكيف تصبر على مالم تحط به خبراً}

مبطلة اطلب مساعدة بقالي كتير كل ما تعطل اقعد ادعي بس مطلبتش من حد