Balentziaga eremuan 20 alokairu sozialeko etxebizitza eraikitzeko plana behin betiko onartu du Gipuzkoako Foru Aldundiak. 2026ko maiatzaren 11n eman zen foru aginduaren bidez gauzatu da onespena, eta horrekin amaitutzat eman dira proiektuak behar zituen administrazio-izapide nagusiak.

Asteburu honetan, XIV. “FLOREN MEMORIALA” futbito Txapelketako zazpigarren jardunaldia jokatuko da.

Bihar hasiko dira San Isidro jaiak Meaga auzoan. Hiru egunez luzatuko dira festak, igandera bitartean.

Ostiral honetan, maiatzak 15, Euskal Herriko Itzuliaren lehen etapa gure herritik igaroko da, eta eragina izango du gure errepideetan.

Udal langileen Udalhitz lan hitzarmena hobetzeko asmoz ELA eta LAB sindikatuek greba deialdia egin dute biharko, maiatzak 14.

Honatx Artzaperen 25. urteurreneko zozketako zenbaki sarituak!

Maiatzaren 23an ospatuko da X. Getariako Triatloia - Garbigras Saria, eta izen-emateko azken egunak dira, izan ere, astelehenean amaituko da, maiatzaren 18an.

Abuztuaren 7an, Elkanoren Lehorreratzea behar bezala antolatzeko, boluntario bila dabil Getariako Udala. Deialdia zabalik izango da ekainaren amaiera arte.

Abian da Egunean Behinen 21. denboraldia. Euskal Herriko milaka jokalariren eguneroko hitzordua bihurtu den galdera-erantzunen jokoak aste honetan eman dio hasiera denboraldi berriari, eta uztailaren 12ra arte luzatuko da txapelketa.

Getariako Udalak eta CEBANC-ek elkarlanean “Erlaxazio, meditazio eta mindfulness teknikak” izeneko ikastaroa antolatu dute, herritarren ongizate emozionala eta buruko osasuna sustatzeko helburuarekin. Prestakuntza 55 urtetik gorako herritarrei zuzenduta dago eta doakoa izango da.

[ARGAZKI GALERIA] Euskal Herriko hainbat txokotatik iritsitako haur eta gaztetxo dantzariak elkartu ziren Dantzari Txiki Egunean, urtero bezala euskal dantzaz eta elkartze giroaz gozatzeko.

Ostiralean, Eusko Legebiltzarreko Hezkuntza Batzordeko hainbat legebiltzarkide izan ziren Getariako Iturzaeta ikastetxea bisitatzen. Helburua, ikastetxearen egunerokoa eta bertan garatzen diren hezkuntza-proiektuak bertatik bertara ezagutzea izan zen.

Gaurtik aurrera abian da UEMAren “Egin nirekin ere euskaraz” kanpainaren hirugarren edizioa. Helburua, euskaldun arrrazializatuen inguruko aurreiritziak gainditzea da, eta bertan protagonista dira getarian bizi diren hainbat euskaldun.

[ARGAZKI GALERIA] Larunbatean ospatu genuen Artzaperen 25. urteurrena, urte hauetan guztietan bidelagun izan zaituztegun herritar, bazkide eta lagunekin batera. unea da, herritik eta herriarentzat euskaraz sortua.

Juan Sebastian Elkano hil zela 500 urte igarotzen dira aurten. Urteurren horren baitan, hainbat ekitaldi antolatu ditu Udalak, tartean lehenengoa gaur arratsaldean Elkanoren heriotza liburuaren aurkezpena.

Gaur arratsaldean, 16:15ean hasita, haurrentzako antzerki tailerra izango da liburutegian. Maite Aizpurua Olaizolak gidatuko du, eta aukera ona izango da haurrek sormena landu ahal izateko.

Katxopa Gaztelekuak Urritza Aisialdi Elkarteko kideekin batera udarako antolatuko dituzten udalekuetan izena emateko epea ostiralean amaituko da, maiatzaren 15ean.

Prestaketa lan ugariren eta pilatutako ilusioaren ondoren, iritsi da unea: bihar ospatuko dugu Artzapen gure 25. urteurrena. Mende laurden honetan herriko kontakizunak, albisteak eta ahotsak jasotzen aritu gara, eta urte hauetako ibilbidea herritarrekin batera ospatzeko egun berezia prestatu dugu.

Maiatzaren 7an abiatu da Nesken Binakako Pala Txapelketa, eta lehiaketak ekainaren 4ra arte iraungo du. Partidak ostegunero jokatuko dira, 18:30etik aurrera.

Datorren astean, maiatzak 15 izango da San Isidro eguna. Hori dela eta, Meagas auzoan asteburu guztiko egitaraua antolatu dute festa giroan murgiltzeko.

Udaren atarian, Sahatsaga kiroldegiak haur eta gazteei zuzendutako kirol eta aisialdi eskaintza erakargarria aurkeztu du. Programaren barruan antolatutako jarduerak ekainaren 29tik uztailaren 30era bitartean egingo dira, goizeko 9:30etik 12:30era arte.

Nerea Iribar eta Andoni Galarragaren lagunek, euren aldeko V. Pala Memoriala antolatu dute. Aurtengo edizioa ekainaren 13an izango da, eta izen-ematea zabalik dago maiatzaren 31ra bitartean.

Antxua Eguneko egitarauan antolatutako Herri Kirolen ikuskizuna larunbat honetan izango da. Eguraldi txarra medio, Elkano Arrantzaleen Kofradiak antolatutako erakustaldia larunbat honetan izango da, portuan egingo dute 12:00etatik aurrera.

Getariako Musika Bandak igandean kontzertua eskainiko du Salbatore Elizan. Elkano Arrantzaleen Kofradiak antolatutako “Antxua eguneko” jaiei amaiera emateko ekitaldia izango da 12:30ean Salbatore Elizan.

Maiatzaren 10ean ospatuko da Getarian 2026ko Dantzari Txiki Eguna, herriko kaleak dantzaz eta giroz beteko dituen hitzordua. Euskal Herriko hainbat txokotatik etorritako haur eta gazte dantzariek parte hartuko dute egun osoan zehar antolatutako ekitaldietan.

Atzo udaletxean Santiago Peñalba arkitektoak eta Haritz Alberdi alkateak Getariako etorkizuna zehaztuko duen Hiri Antolamenduko Plan Orokorraren behin-behineko dokumentua aurkeztu zuten. Herritarrek ekarpenak egiteko aukera izango dute kainaren 8ra bitartean.

Gaur, maiatzaren 6an, Artzape Euskaltzaleon Plazak antolatuta, “Kuir bizitzak herrietan” izeneko elkarrizketa-saioa izango da Zarautz Jauregian, 18:30ean hasita.

Urola Kostako Udal Elkarteak hainbat programa jarri ditu abian. Alde batetik, adimen artifizialari buruzko hainbat tailer izango dira turismo sektoreari zuzenduta. Bestalde, Soldadura Zentroan Oinarrizko Mailako Heziketa Zikloa ere martxan jarriko du irailetik aurrera.

Gaur, maiatzak 5, asteartea, Errigorako udaberriko produktuen banaketa egingo da Eskualtxetan. Eskaerak jasotzeko aukera arratsaldeko 16:00etatik 20:00etara izango da, Urritzaren atetik sartuta.

Bihar, maiatzaren 5ean, asteartea, 16:30ean, haurrentzako antzerki tailer berezia egingo da herriko liburutegian. Jarduera Maite Aizpurua Olaizolak gidatuko du, aktore eta zuzendari zumaiarrak.

Asteburu honetan Gipuzkoako Trainerilla Ligako bi jardunaldi jokatu dira, Orion eta Getarian. Herriko Arraun Elkarteko hainbat trainerilla izan dira maila ezberdinetan parte hartzen, emaitza ezberdinak erdietsiz.

[KOMUNITATEA] EAJ Udal Taldeak paperontzi gehiago, edukiontziak maiz hustea eta hondakinen gorakadak gehien kaltetutako puntuen garbiketa indartzea eskatu du.

[ARGAZKI GALERIA] Antxoaren Egunaren karietara, fedeak eta tradizioek bat egin zuten atzo goizean Getarian. Salbatore elizan ospatu zen Arrantzaleen meza, giro hunkigarri eta bilduan.

Getariako Udalak, Iturzaeta eskolako hobekuntzak eta Malkorbe hondartzako izozki-postua lizitaziora atera ditu. Lizitazioak aurkezteko epeak maiatzaren 21ean eta 11n amaituko dira hurrenez-hurren.

Datorren asteartean Hiri Antolamenduko Plan Orokorraren (HAPO) aurrerakinaren aurkezpen publikoa egingo da, eguneratze prozesuan aurrerapauso berria emanez. Ekitaldia arratsaldeko 18:30ean izango da.

Herritarrak bete-betean murgilduta daude asteburu honetan Antxoaren Eguna ospatzen, itsasoari eta arrantzaren kulturari lotutako ekitaldiek herria giro bereziz jantzi baitute. Bezperako ekitaldiek eta atzoko jendetzak berretsi dute Antxoaren Egunak Getarian duen indarra.

Artzaperen 25. urteurreneko festaren baitan antolatutako herri bazkarian parte hartu nahi dutenek azken aukera dute. Bihar, maiatzaren 2an, amaituko da txartelak erosteko epea.

Asteburuan herrian zehar herritar guztiei zuzendutako jarduera ezberdinak izango dira Antxoa Eguna eta Arrantzale Egunak ospatzeko. Maiatzaren 1etik 10era bitartean luzatuko dira ospakizunak.

Urola Kostako Udal Elkarteak inguruko langile eta enpresen garapenean lanean jarraitzen du, eta horretarako hainbat egitasmo martxan jarri du. Adimen artifizialari buruzko tailer bat bereziki langileei zuzenduta, eta enpresei zuzendutako produktibitatea eta errendimendua hobetzen laguntzeko programa

Bihar arratsaldean bilduko dira Katukale irakurle taldeko kideak; oraingo honetan, Zaldi bat (2026) izango dute aztergai. Hitzordua Udal Liburutegian izango da, 18:30etik aurrera, eta, ohiko moduan, lanaren inguruko gogoetak partekatuko dituzte.

Maiatzaren 2ra arte luzatu da urteurren festako txartelak erosteko epea. Magdha dendan egongo dira, eta eskuratzeko mahaia ere izango da larunbatean.

Katxopa Gaztelekuak eta Urritza Aisialdi Elkarteak antolatzen dituzten udalekuak uztailaren 1etik 30era izango dira, eta izen-ematea ostiral honetan zabalduko da, maiatzak 1. Interesa duen orok, maiatzaren 15era bitarte izango du izena emateko aukera.

Asteburu honetan, Azpeitia euskaltzaleen topalekua izan da, Euskal Herrian Euskaraz elkarteak, ostiraletik larunbatera bitartean Euskaltzale Independisten II. Topaketak antolatu baititu. Jardunaldia oso arrakastatsua izan da, eta balorazio positiboa egiten dute antoltzaileek.

Taiko Judo Klubeko bi kide (Karle Esteban eta Haize Subijana) Gipuzkoako Judo Txapelketako Finalera sailkatu dira. Maiatzaren 16an lehiatuko dira Urnietako Kiroldegian.

Maiatzaren 1etik 3ra bitartean, herriko kaleak Kantauriko arrain preziatuaren usainez eta giroz beteko dira, baina aurtengo edizioak berritasun nagusi bat dakar, lehen aldiz, zesta-punta profesionaleko jaialdi handi bat jokatuko da.

[ARGAZKI GALERIA] San Prudentzio auzoak asteburu bizi eta jendetsua izan du, eguraldi onak lagunduta, jai giroak ermitaren ondoko plaza nagusia bete duen egunetan. Gune horren bueltan elkartu dira herritarrak, eta egitarauak erantzun zabala izan du.

Itziar Aizpuru aktore getariarra ETS musika taldearen kontzertu erraldoiko protagonista izan da, oholtza gainean, 15.000 zalerekin batera Mikel Laboaren “Txoria-txori” abesti ezaguna abesten.

[ARGAZKI GALERIA] Amaitu da Getariako 25. Literatura Lehiaketa. Ostiralean egin zen aurtengo sari banaketa ekitaldia gainezka zegoen udaletxeko batzar aretoan. Guztira 104 aurkeztu dira, eta lan hauek laster izango dira irakurgai gure aldizkarian.

Eusko Jaurlaritzaren Gazteria eta Emantzipazio Sailak urtero antolatzen duen Auzolandegiak programan parte hartzeko aukera dago oraindik.

Getarian zesta-puntaz gozatzeko aukera izango dugu. Antxoaren Eguneko egitarauan, "Winter Series Desafioa" antolatu da, hau da, zesta-punta profesionaleko jaialdia. Gizonezkoen zein emakumezkoen partidak izango dira Kiroldegian 18:00etatik aurrera.