Onte debuxei unha meiga chosca e hoxe non sei se meterlle cor (que era a idea inicial) ou deixala así. #bigdecisions

Aínda que pasase hai unhas horas, supoño que xa se pode dicir que isto é historia da televisión: youtu.be/zG0HFw0edXY?...

O Breo está rematando a tempada de xeito espectacular no campo (nas últimas xornadas o equipo case parece os Warriors do 73-9) pero tamén nos despachos (no que vai de semana renovaron Aranitovic, Andric e Francis).

Poucas partidas de carto público haberá máis amortizadas que a suscrición ao ChatGPT da TVG. É certo que os resultados sempre son terribles, pero uso danlle abondo.

Tremendo temazo sacaron o venres Pablo y los Ciervos Dorados (son 8 minutazos. Eu aviso por se ides con présa). pabloylosciervosdorados.bandcamp.com/track/vino

O outro día escoitei que ultimamente só se lle adica o Día das Letras a mulleres. Coido que nesta ocasión o comentario non se fixo con mala intención, pero dáme pé para ver como están as contas no 2026 (e para facer unhas gráficas!). (1/3)

Collín un anaco de pan de pasas e noces na panadaría de confianza porque, aínda que en xeral non son o maior fan dese produto (xa que na maioría dos sitios a proporción pasas/noces tende a favorecer as primeiras por moito), este gústame porque, en fin, non leva moita pasa. #nontepasescoapasa

Estas catro viñetas conforman a primeira páxina do que será a seguinte referencia de Edicións Defectuosas, con data de publicación indeterminada.

Abriu un sitio novo en Betanzos e chantou unha terraza de tamaño considerable NO MEDIO E MEDIO dunha praza porque a vía pública para quen a traballa, supoño.

Nos resultados da analítica do recoñecemento do choio saiume (un pouco) alta a bilirrubina. Xa me ten pasado outras veces, e o único no que me afecta é en que boto uns días coa canción de Juan Luis Guerra na cabeza (incrible discazo o "Bachata Rosa", por certo).

Será que non son cliente de ningún dos dous, pero acabo de caer no parecidas que son as iconas de Abanca e Anthropic (tamén é verdade que non teñen un deseño moi arriscado) e paréceme guai que dous sectores tan perversos como o bancario e o da IA coincidan nesas cousas.

Esta é a primeira viñeta, por certo. Xa tedes o inicio e o final. Como dicía onte a primeira páxina aínda non está debuxada, pero este primeiro cadro leva feito case dende o comezo porque isto está a ser un descontrol. (en realidade non é para tanto. Está todo controlado)

Isto é (máis ou menos) a última viñeta de O MONSTRO DOS GATOS, vindeira referencia de Edicións Defectuosas. A cousa vai ben e máis ou menos está debuxado a metade do conto, pero de xeito caótico: a primeira páxina sen facer, a última feita, polo medio hai paxinas soltas rematadas ou a medio cocer...

Nunca entendín ben como se botan estas contas. Xa me parece difícil abondo poñerlle un "prezo" á cultura, pero é que ademais quero pensar que, de non existir o Gaiás, algunhas desas actividades terían sucedido igualmente noutro sitio, non? www.cidadedacultura.gal/gl/novas/cid...

Está moi ben o disco novo dos KNEECAP, e na penúltima canción ademais sae Radie Peat facendo un featuring que case parece tirado dun tema perdido de Portishead.

Os domingos dominguean especialmente cando a fin de semana dura máis do normal. A solución a isto, evidentemente, sería implantar a semana laboral de catro días. kokoshca.bandcamp.com/track/los-do...

Esto que vedes aquí (diante dunhas tremendas astromelias que apañei na casa dos pais) son as páxinas 2 e 3* de O MONSTRO DOS GATOS, a nosa vindeira referencia que sairá nuns meses *A páxina 1 aínda está sen debuxar porque ten algo de choio.

Non sei se é una sinal boa ou mala que o cartel do Noroeste vaia anunciarse con tempo logo dunha chea de anos saíndo case que na véspera. www.lavozdegalicia.es/noticia/coru...

Xa podes ler o noso fanzine de OH! AYATOLLAH en calquera dispositivo conectado á Internet. Como? Premendo nesta ligazón: drive.google.com/file/d/1WN9U... (A tecnoloxía, eh? Que movida) En caso de que prefiras lelo en papel (que é o seu, a verdade) aínda quedan un par de copias dispoñibles.

Xa esquecera que debuxara un candelabro no calendario o día do concerto de Candelabro e fíxome graza agora cando o atopei ao ir cambia-lo mes. Ben xogado por parte do meu eu do pasado.

A próxima referencia de Edicións Defectuosas será a nosa primeira incursión no xénero do terror. Farémolo dende unha perspectiva bastante novidosa, porque resulta que non vai dar medo.

O xoves iremos a Correos, así que se queres un fanzine de OH! AYATOLLAH (ou algunha das nosas referencias anteriores, polo que explicaremos no seguinte chío) é unha boa oportunidade de conseguilo sen ter que agardar 15 días para que cho mandemos.

Na nosa publicación sobre os incendios do pasado agosto tiramos moito do seguimento que fixo a xente de Praza, pero como se pode ver na imaxe non tentamos ocultalo. A info que sacan hoxe volve ser estupenda.

Un anaco da sección adicada a Hevi dentro do noso último fanzine (adicado a Oh! Ayatollah).

Hai uns meses regalara a miña copia do SUNNY 16, así que unha das cousas que fixen no #autobom foi mercalo de novo.

Vaia fantasía a "autoversión" de todos.xuntos.unidos.sempre que pecha o disco de Portosanto! youtu.be/ZliculjzzxA?...

Gañou o Breo. E o algoritmo do Youtube acaba de poñerme que Ethel Cain tocou "Thoroughfare" (que é a miña canción súa favorita) na Triple J. Para ser domingo, nin tan nal. youtu.be/Fbr1vdTqkLo?...

Estiven por Lugo esta mañá e foivos bastante proveitosa (as usual): 1. Fun ata Don Disco para facerme co novo de @uneteakokoshca.bsky.social (que non sei se conta coma recopilación ou coma disco normal, pero si sei que vai ser un dos meus discos favoritos do ano)...

Ollo aí, @pantuflasdecor.bsky.social (e non o digo por Loquillo, aínda que sexa o que sae na foto): www.mondosonoro.com/noticias-act...

Rematei este debuxo mentres tiña unha pota ao lume. Está inspirado nunha muller que vin o venres pola rúa e que pretendo que sexa o meu modelo este seguir nos meses de calor (explícoo no texto alternativo, pero tampouco agardes unha xustificación moi elaborada).

Última chamada (alomenos nun tempo) para os que queirades unha copia do noso fanzine de OH! AYATOLLAH: o luns iremos a Correos para enviar a primeira tanda. Así que se queres un avísanos por aquí ou mándanos un mail e xa miramos como amañamos.

O fanzine dos OH! AYATOLLAH xa o rematamos hai uns días, pero non dixemos nada porque non imos poder mandalos ata a semana que vén (por incompatibilidade horaria coa oficina de Correos). De tódolos xeitos, quen queira un que avise (por aquí ou polo mail, coma sempre) e tomamos nota!

Non sabía que Clo Plas fixeran un videoclip para "anana". E moi chulo, ademais! Vouno deixar por aquí por se vós tampouco o sabiades, que estas son cousas que deberían saberse. 🤞 youtu.be/GhrH6b5GyXk?...

Xa ía tocando cambia-lo meme do salón.

Buá, vaia marabilla isto. Chicharrón sendo os mellores coma sempre.

No fanzine de OH! AYATOLLAH (que xa está listo!) hai unha sección sobre grupos que mudaron de nome que rematamos cun caso imposible de entender...

O fanzine dos OH! AYATOLLAH que estamos a facer xa vai bastante avanzado, e nel tratamos temas coma os videoclips, os produtores (con) estrela ou os grupos que cambian de nome.

Malas novas, @amedoenoxo.bsky.social. Disque se van separar os Nerve Agent. www.reddit.com/r/independen...

Moi ben o disco novo de Niños Luchando (coma o primeiro), moi mal que non vaia ter edición física (coma o primeiro). raso.bandcamp.com/album/ni-os-...

Resulta que o mercado de Betanzos, logo de botar os praceiros para facer unha reforma integral que leva rematada dende hai máis dun ano, vai volver abrir en xuño... sen mercado (para sorpresa de ninguén, agora vai estar adicado principalmente á hostalaría). www.laopinioncoruna.es/gran-coruna/...

Velaquí os retratos (no habitual estilo rectilíneo dos nosos CLÁSICXS) dos membros de Oh! Ayatollah, grupo ao que adicamos o noso vindeiro fanzine que sairá nun par de semanas (seguramente).

"Nido de Urracas", o proxecto de stand-up que montaron Iggy Rubín, Marina Montalbán e Miguel Campos arrincou con dous valores seguros (Danny Boye Bianca Kovacs), pero ollo ao último que subiron de Beñat Iturbe! youtu.be/iEmhk4z1pho?...

O disco de Sofía (saiu o ano pasado, pero eu aínda o descubrín hai pouco e estou enganchado) é tan bo que pode permitise deixar este tremendo temazo para o final: sofia333.bandcamp.com/track/tlatel...

Así comeza unha das seccións do noso vindeiro fanzine. De quen poderemos estar a falar?

O máis forte de toda esta historia de @yukfunwow.bsky.social resultou ser o final: uns tipos que plaxian un debuxo queixándose porque o artista plaxiado lles deixe unha reseña dunha estrela "sen coñecelos".

Unha das poucas cousas mellores que facer fanzines é intercambiar fanzines. E resulta que hoxe apareceu no correo esta fantasía de @javier.bsky.social, en retorno (non solicitado, pero moi agradecido) por un zine de Betanzos que lle enviaramos.

Recupero este debuxo de Mitski amolada de hai un tempo en sinal de protesta porque os vinilos de Dead Oceans xa non inclúan código de descarga. O disco novo está moi ben, iso si (coma sempre, vaia), aínda que non sei se entendo ben o rollo conceptual ese da casa e os gatos.

Acontecementos recentes (non, non é polo de Irán, aínda que xa é casualidade) fixéronnos cambiar o tema do noso seguinte fanzine (que aínda non tiñamos anunciado, así que se cadra esta aclaración non era precisa), que agora pasa a ser...

Cunha canción nova dos Planta Industrial un arrinca a fin de semana con outra enerxía. youtu.be/j8om6yZpNRw?...

Facía moito tempo que non me interesaba nada do que se publicaba no Record Store Day, pero este ano hai un par de cousas que me enchen o ollo. E como n'A Coruña (que é o que me pilla máis a man) non hai ningunha tenda participante, a solución (coma case sempre) vai pasar por Lugo. #amellorprovincia