Fanzines enviados! O de que Correos leve tempo subindo o prezo da carta "básica" preto do 10% cada ano é algo do que non se fala moito porque, en fin, case ninguén manda cartas. Pero é un tema.

O luns iremos a Correos a enviar o fanzine de Betanzos e non voltaremos ata dentro de 15 días (polo menos). Así que se tes prevista unha visita a terras betanceiras non dubides en facerte cunha copia, porque tratamos asuntos ben útiles para desfrutar do concello.

Estivemos estes días montando fanzines. Quedounos unha panorámica da vila bastante completa: falamos de urbanismo, obras públicas, botánica, telecomunicacións, portas ao inferno... o típico, vaia. Mandaremos a primeira remesa a semana que vén, así que tes tempo para pensar se queres unha copia.

Temporal de Vento (unha traxedia en tres actos) Un debuxo desta fin de semana. O orixinal (á esquerda) é un A5 feito con tinta chinesa.

O fanzine de Betanzos vai collendo forma e contamos con telo listo a próxima semana. Coma sempre, se alguén quere un que avise por aquí ou que mande un mail. O fanzine inclúe un debuxo dun león xigantesco.

Para que logo digan que hoxe en día os discos teñen unha vida curta: "un aire" foi unha das miñas cancións favoritas do 2024, "memoria nova" un dos mellores discos do 25 e o vinilo (que acaba de chegar) apunta a ser un dos mellores deseños de disco do 26. Mirade esta contracapa!

Acabo de ver que o título portugués de "Cumes Torboentos" de Emily Brontë é "O Morro dos Ventos Uivantes" ♥️♥️♥️

Como é o noso primeiro achegamento ao sector turístico non estamos moi seguros de se a información que estamos incluíndo na nosa guía de Betanzos é a que lles gusta aos turistas, así que para compensar estamos pensando en engadir un apartado sobre o eclipse de agosto #engagement

Volve Mitski, que iso sempre hai que celebralo, e ademais faino na súa versión ruidosa e cun vídeo tolísimo, así que a festa xa é completa. youtu.be/1mOGviDFRQU?...

Pois está moi ben a adaptación de COUSAS PEQUENAS COMA ESTAS, e iso que non parecía un libro doado de levar á pantalla. A peli puxérona estes días en Filmin e o libro tédelo en galego nunha edición ben xeitosa de Rodolfo e Priscila.

Este 2025, coma sempre, fun botando a unha playlist as cancións do ano que me ían gustando. Agora toca deixala en 75 cancións (número que no seu momento considerei "aceptable") e este ano parto de 169, así que hai bastante poda que facer.

O primeiro debuxo do 2026 é unha morea de xente mirando cara a esquerda, que tal e como arrincou o ano boa falla vai facer.

Acabo de ver por casualidade que un debuxo que fixen hai tempo inspirou (ehem) unha ilustración que está no Adobe Stock. Todos temos copiado debuxos doutra xente e non pasa nada, pero mellor non facelo para unha malvada multinacional.

Se hai algo polo que destacamos en Edicións Defectuosas é pola nosa mentalidade de tiburón, así que era cousa de tempo que buscásemos o xeito de sacar tallada do asunto turístico. Pois ben, chegou o momento. Proximamente...

O 2025 de Edicións Defectuosas pechou con FUME, unha crónica dos incendios de agosto feita dende o enfado e a frustración (pero tentando que non se notase moito).

En NOVXS, a nosa terceira publicación do ano, fixemos un repaso por algunhas bandas galegas actuais. Temos dito que é o noso traballo máis ambicioso, pero a estas alturas xa non sabemos se o diciamos en serio ou en broma.

A segunda publicación defectuosa do 2025 (e tamén a segunda entrega dos nosos Contos da Rúa Nova) estivo protagonizada por unha parella moi berrona. Este ano houbo motivos para berrar na Rúa Nova (dende casas caendo ata novos veciños "peculiares"), mais o destes dous érache máis revirado.

Esta mañá estivemos no Gaiás vendo a expo de Asorey, e para subir ata aló pasamos pola rotonda subterránea de Área Central á que lle adicamos unhas palabras na nosa primeira publicación do 2025.

Non estamos vendo moito nas listas do mellor do 2025 (seguramente por ter saído a finais de ano) o CRUSEIRO de Tona nin o PUNK WAVE SIN BARRERAS de Planta Industrial, dous epés que estamos queimando nas últimas semanas.

Fixemos un paquetiño coas nosas catro publicacións deste ano. A primeira persoa que nos mande unha mensaxe cun enderezo ao que envialo lévao para casa.

Aínda que na Casa Defectuosa non poñemos decoración de nadal, é doado saber cando chega esta época do ano porque o fío musical pasa a estar monopolizado polo "'Sno Angel Like You" de Howe Gelb . Pois ben, esta fin de semana entrou o disco no équipo. youtu.be/VZf5uBj1OgQ?...

FUME, a nosa publicación sobre os lumes do pasado agosto, abre cunhas liñas falando da hectárea, esa unidade de medida que aparece cada verán nas nosas vidas para falar dos incendios.

Onte apañamos o calendario de Julia Lago no mercadiño de nadal de Betanzos, así que xa estamos listos para o 2026! Se queredes un, aínda estades a tempo de pasar pola caseta de Lacón con Grelos no mercado (pero bulide, que remata hoxe ás 3!).

Este ano non haberá postal de nadal de Edicións Defectuosas porque o presuposto que lle iamos adicar gastámolo na nosa última referencia (aínda temos copias!), pero o Sr. Defectuoso probou a facer unha cunha IA medio rara que atopou. A cousa non foi ben. Deixámosvos unhas capturas de pantalla (1/3).

Leváronos! É certo que tardaron case un mes en retiralos, pero xa estabamos bastante convencidos de que ían botar o Nadal aí.

Volvemos cambiar o meme (xa que o Sr. Defectuoso vaise ir agreando segundo se acheguen as festas, esta vai ser a decoración de nadal na Casa Defectuosa).

Levamos uns días de loito polo pasamento, logo de case 20 anos de servizo impecable, do móbil do Sr. Defectuoso. Non sería moi smart pero foi duro como unha rocha.

Os cascallos aínda seguen aí, por se volo estabades a preguntar.

Na Casa Defectuosa leva uns días soando sen parar o último disco de Pablo Wilson (que saiu hai un ano, si. Imos algo tarde), que pensamos que pasou bastante desapercibido. Querémolo físico, @estudiomazmorra.com. Gravade uns CD-R ou algo, aínda que sexa. youtu.be/k_8JNHEpcmg?...

O tocadiscos da Casa Defectuosa móvese agora ao ritmo que marca o Mestre Reverendo por cortesía de @kalvinger.bsky.social.

Disque os de Netflix andan estes días rodando unha serie por Betanzos. Polo que sexa non escolleron a Rúa Nova entre as localizacións...

En Edicións Defectuosas fixrmos hai un par de anos un fanzine repasando a traxectoria da banda (e pedindo a súa volta!), por se alguén precisa refresca-la memoria. drive.google.com/file/d/1RbsV...

Os Oompa Loompas de Edicións Defectuosas estiveron montando a nosa última publicación, e xa está lista. Se queres un avisa, que iremos por Correos estes días. Como o tema é un pouco antipático e non imos facer máis promo tamén o deixamos xa subido ao noso Drive (pero mellor en papel, coma sempre).

Pois xa imprimimos a que (agora si) será a nosa última publicación do ano. Fixémola (maiormente) en setembro estando enfadados. Vai sobre os lumes deste agosto, non é graciosa nin ten ningunha información novidosa. Se queredes unha copia avisade por aquí ou mandade un mail. Este é o texto da contra:

O de Sony sacando o vinilo da Rosalía a 50 (cincuenta!) euros xa era demencial, pero isto é directamente perverso.

A nosa seguinte publicación (que trata o tema dos incendios deste agosto) incluirá entre outras cousas este mapiña. A zona negra representa a superficie que ardeu dende o ano 2015.

Vaia cousa chula o disco de Rachid B. rachidb.bandcamp.com/track/glesst...

O noso anterior fanzine ía ser a última publicación do ano, pero en setembro xuntamos unhas páxinas sobre os incendios de agosto e seguramente en novembro publiquemos o que saiu de aí. Os nosos fans OG estarán contentos de saber que voltamos aos mapiñas absurdos.

Vale, hai novo grupo favorito na Casa Defectuosa: youtu.be/iz7SIAAyDFM?...

Pedinlle un disco por bandcamp o 28 de setembro a unha disqueira d'A Coruña. Chegou hoxe. En Edicións Defectuosas estamos a favor de tomar as cousas con calma, así que ok, supoño.

Caamaño & Ameixeiras estarán esta tarde n'A Coruña dando un concerto canda Sús. E tamén están no noso último fanzine canda outras seis formacións galegas.

En setembro xuntamos unhas liñas sobre os lumes de agosto. Decidimos deixalas repousar un tempo para que non parezan froito da rabia do momento (tampouco é que digamos nada polémico, é puro dato). Así que (seguramente) nalgún momento dos próximos meses sacaremos isto.

Este é o único terraplanismo que apoiamos dende Edicións Defectuosas: youtu.be/NTzRfDINQxM?...

A tope co novo de Juarma, pero aos de Blackie xa lles vale co de cascar tremenda promo na contra. Iso ponse na faixa, ho!

Pois foi certo, voltaron The Homens. Iamos con medo por se miraramos mal o cartel e no canto de The Homens saían The Hamens ou algo así (coma os Red Hot Chily Peppers e os Red Hot Chilly Pipers) pero non, eran os auténticos.

Acabamos de subir ao noso Drive o noso último fanzine, por se queredes botarlle unha ollada ao que a xente califica como a nosa obra máis ambiciosa (somos nós esa xente? Pode ser). Aquí a ligazón: linktr.ee/Ed_Defectuosas

Supoño que mañá a estas horas estaremos todos en Sigüeiro no concerto de The Homens, ou?

Así locen os Carabela no noso último fanzine.

Saiu o disco de Lontras, un grupo que metimos no noso último fanzine cando só tiñan catro cancións publicadas.

Hai uns días, cando xa ninguén se lembraba del, rematamos con este debuxo: