Mi havis belorusan mentoron kaj ni priparolis nur teknikaĵojn. Nur ĝis la fino de mia staĝo ni ekparolis pri niaj vivoj. Ĉiuj miaj studentoj estas latinamerikanoj. Mi eĉ organizis neoficialan kunvenon kun ili nur por konatiĝi kaj klaĉumi, ĉar ni latinamerikanoj tiel amikiĝas.

Mi ĵus ekzamenis studenton pri BDD kaj Cucumber. Mi nervoziĝis, sed mi eĉ donis al ŝi scion kaj konsilojn. Tago 19-a: miaj studentoj ankoraŭ ne rimarkas, ke mi tute ne scias, kion mi faras 😂

Mia koramiko havas multegajn amikojn, do mi finfine vivas la kutime plenkreskulajn spertojn. Ekzemple, ni estas invititaj al geedziĝo. Mi neniam estis invitita al geedziĝo de amikoj, nur de familianoj. Mi havas 3 monatojn por akiri adekvatan robon 😅

Mi nun havas 8 studentojn: 1 venezuelano, 2 meksikanoj kaj 5 argentinanoj. 1 virino, 7 viroj. 7 lernas JavaScript+WebdriverIO, 1 lernas Python+Playwright. Ĉi tiu sperto multe malfacilas por mi pro mia manko de organizaj kaj sociaj kapabloj. Mi tamen multege ĝuas ĝin 🥲

Mi neniam vere deziris havi gefilo(j)n, sed nun mi multe pripensas tiun eblon, ĉar mi tre amas mian koramikon. Freneze. Ni preĝu por nova denaskulo estontece (sed ne tro baldaŭ) 😂

Hodiaŭ mi konatiĝis kun pli da miaj studentoj. Ni vidis unu la alian per kamerao. Mi estis la nura virino. Unu el ili demandis al mia estro: "Kiu estos nia mentoro?" Mi pensis: "Ĉu nekredeblas, ke virino instruos al vi? Mi ja aspektas dolĉa, sed neniu suferigos vin kiel mi." 😈

Mi antaŭ seksumado: Mi malŝaltos la komputilon, ĉar tiu brueto ĝenas min. Mia koramiko: Kiu brueto? Mi aŭdas nenion. Kaj mi ankoraŭ ne volas akcepti, ke mi aŭtismas 😂

Hodiaŭ mi ekhavis mian unuan studenton. Li lernos JavaScript kaj WebdriverIO. Mi antaŭĝojas esti severa trejnisto, sed mi precipe ĝojas ne plu partopreni stultajn Scrum-kunvenojn 😁

Mia koramiko diris al siaj amikoj, ke mi estas aŭtismulo. Unue mi sentis min strange, eĉ iom kolere, ĉar mi ne permesis tion, sed nun mi liberas por ne plu ŝajnigi. Estas bele. Krome la amikoj konsentis, ke mia aŭtismo estas tiel evidenta, ke ĝi neniam vere estis sekreto 😂

Kiom mia koramiko kaj mi fidas unu la alian? Nu, mi rakontis al li, ke dum miaj danclecionoj mi neintence tuŝis ies penison kaj poste tiu ulo sendis al mi mesaĝon. Nun ni multe ridas kune kaj li mokeme avertas min: "bonvole tuŝu nenies penison".

Mia koramiko ŝatas nigrajn virinojn, sed mi ne zorgas ĉar li diras, ke mi havas korpon de nigrulino. Li diras, ke mi estas lia "blanka nigrulino" 😂 (Mi ne taksas min blanka, sed mi ja estas laŭ la meksika vidpunkto.)

Amikino de mia koramiko demandis al li: "Hej, ĉu via koramikino havas Asperger-sindromon?" Kaj mi kredis, ke mi bone kaŝas ĝin 😂

Estas malfacile klarigi mian laboron al uloj ekstere de la fako. Taksiisto demandis pri kio mi laboras kaj mi respondis: "mi estas ia programisto" (fakte mi estas aŭtomatigisto de testoj). Li diris: "ho, vi estas hacker, ĉu?" Mi ekŝatis. De nun mi diros, ke mi estas "hacker".

Se vi ŝatas aŭtomatajn testojn kaj parolas la hispanan, jen mia blogo 😊 spenalozacortes.github.io/posts/2025-0...

Mia koramiko ŝatas mian voĉon kaj petis, ke mi parolu dum amorado. Mi demandis "kion vi volas aŭdi?" kaj li respondis "ion ajn", do mi elparolis F = ma, E = mc^2 kaj V = RI. Mi provis rememori la leĝon pri universala gravito kaj la kulomban leĝon, sed malsukcesis 😔

Dum almenaŭ la sekvaj 2 monatoj mi trejnos la novajn staĝantojn en mia laborejo. Mi timas, sed mi ekscitiĝas. Mi ja volis iĝi ia instruisto iam en mia vivo kaj scivolis, kia instruisto mi estos. Mi kredas, ke mi estos severega trejnisto, sed ankaŭ mojosega 😈

Mi facile pasigis 10 jarojn sen seksumado, sed nun mi seksumas preskaŭ ĉiutage kaj eĉ plurajn fojojn tage. Tio konfirmas mian teorion, ke mi havas nur 2 eblajn agordojn: aŭ monaĥino aŭ nimfomaniulo.

Mia panjo kaj mi ridas, ĉar mi kreis ĥaoson amante eksterlandanojn, sed mi finfine koramikiĝis kun ulo el mia naskiĝurbo 😂

Mi serĉas mian ekskoramikon nur por kaŝe ŝteli liajn ludlistojn, ĉar malgraŭ ĉio, li havas perfektan muzikguston.

Mi multfoje dubas, ĉu mi fakte estas neŭrodiverĝa, sed tiam mi rememoras, ke mi pasigis duonhoron observante la mariskarabojn en mia ĝardeno kvazaŭ mi neniam antaŭe vidis tiajn insektojn, babilante al ili kaj pensante "kiom belaj!". Mi preskaŭ ploris.

Antaŭ 1 jaro mi havis nek laboron, nek amikojn (realvive), nek koramikon. Mi estis deprimita kaj kredis, ke mi estos sola mian tutan vivon. Nun mi havas ĉion kaj estas malfacile kredi tion. Mi volas diri, ke se vi nun travivas malfacilan tempon, ĉio eblas kaj ĉiam estas espero 💚

Oni pensus kontraŭe, sed ju pli mi feliĉas, des pli mi aŭskultas metalrokon kaj des pli ĝi estas malhela, forta, demona, timiga, freneza, skandala.

Mi lastatempe feliĉas kaj ne plu povas elpensi miajn klasikajn ruzajn skribaĵojn. Mi eble estas kiel tiaj muzikistoj, kiuj ekhavas romantikajn rilatojn, ĉesas esti malfeliĉegaj kaj ne plu povas verki bonan muzikon.

Feliĉan Tagon de Esperanto, karaj! 💚

Mia vizaĝo kiam mi ĝuste direktis kanton je la unua provo ludante la videoludon The Legend of Zelda: The Wind Waker kaj mia koramiko ekkriis "vi estas perfekta!" kaj rigardis min per amemaj okuloj: 😳

Mia koramiko estas tiom bela, ke multaj virinoj kaj eĉ samseksemaj viroj koketas al li. Mi ne certas, ĉu tio maltrankviligas min aŭ plibonigas mian memestimon (ĉar li elektis min).

Mi: Ne eblas, ke mi estas aŭtismulo, ĉar mi ne havas sensajn problemojn 🤔 Ankaŭ mi: Mi portas nek ringojn nek orelringojn nek braceletojn nek kolumojn, ĉar mi ne toleras ilin sur mia haŭto 😭

Ĉu vi memoras la ulon el mia pasinta telenovelo? Ni ĉesis paroli, sed li pentis kaj deziris, ke mi revenu. Mi ridas, ĉar mi nun havas koramikon, kiun mi amas. En festo la ulo kisadis kun virino apud mi. Nun mi havas draman rakonton pri dancado kaj povos senti la kantojn pli bone.

En la festo unu el miaj instruistoj pri dancado diris, ke mi estas unu el liaj plej bonaj lernantoj, inter la 3 plej bonaj virinoj. Li diris, ke mi havas tre bonan korpan esprimon. Mi tre ĝojis aŭdi tion. Mi profitos mian neatenditan talenton 🥲

Mi lastatempe konsciis, ke mi ridigas homojn per miaj rimarkoj kvankam mi ne celas esti amuziga. Ŝajne ili trovas miajn pensojn ŝokigaj, originalaj, strangaj, maldecaj, tro homaj. Mi simple diras tion, kion mi pensas. Mi ja ŝatas ridi kun ili. #AŭtismaĜojo

Hieraŭ mi iris al festo. Unuafoje virino invitis min danci salson. Ŝi rolis kiel viro kaj mi sekvis ŝin. Estis iom konfuzige, sed tre mojose. Mi diris al miaj amikoj: "Ŝi sentigis min bela. Ŝi sentigis min, ke mi estas virino." Ili ridis 😂

Aliaj virinoj petas al siaj viroj esti vojaĝigitaj al luksaj kaj malproksimaj lokoj kiel Dubajo aŭ io. Mi petis al la mia, ke ni iru al unu el la plej malbelaj kaj danĝeraj kvartaloj en Meksikurbo, ĉar mi neniam kuraĝis iri sola tien, sed mi tre volas koni ĝin.

Kiam mi havas koramikon, li iĝas mia speciala intereso. Tio kutime ne bonas. Tial mi nepre iru al la festo kun miaj amikoj kvankam mi ne plu emas, ĉar mi ne volas ripeti miajn pasintajn erarojn 😔

Mi konfesis al mia koramiko, ke mi estas aŭtismulo nur kelkaj minutoj post kiam li demandis, ĉu mi volas esti lia koramikino. Mi timis, ke li bedaŭros pri sia peto kaj finos la rilaton, sed surprize li trovas aŭtismon tre alloga kaj ni tuj ekseksumis 😂

Mi timis havi koramikon denove, ĉar mi ne volis ĉesi danci, sed mi iros al dancfesto ĉi-sabate kaj li diris "mi ne scipovas danci kaj vi rajtas danci kun belaj viroj". Kaj ekskoramiko ĵaluzis, simple ĉar mi deziris iri al koncerto kun amikiĉoj 🤯

Hieraŭ mi ĉeestis klubon pri konversacio en la angla. Antaŭ ol ĝi komenciĝis, ni babilis hispane kaj mi diris preskaŭ nenion. Tamen angle mi estas pli ekstroverta, mi parolas pli flue ol ĉiuj kaj ni babilis pri landoj kaj ties flagoj kaj lingvoj, do mi preskaŭ ne silentis 😂

La lastaj 2 homoj, al kiuj mi konfesis mian aŭtismon, diris "jes, mi suspektis tion" kaj "jes, tio estas evidenta". Kaj mi kredis, ke mi bone kaŝas ĝin 😂

Mi: Eŭropanoj havas fetiĉon pri latinamerikanoj. Li: Ĉiuj havas fetiĉon pri latinamerikanoj. Eĉ latinamerikanoj havas fetiĉon pri latinamerikanoj.

Dum seksumado li petis, ke mi diru "malpuraĵojn" al li en Esperanto. Iom post iom mi diligente Esperantigas lin. Tio estas mia humila servo al la movado 🫡

Inter miaj novaj amikoj estas fizikisto. Vendrede ni bierumis kaj mi fiere parolis pri la nuklea reaktoro kiun mi iam vidis. Mi ekscitiĝis pri la Ĉerenkov-radiado kaj diris ŝercojn. Mi neniam antaŭe povis paroli pri tiaj aferoj kun neniu. Estis eĉ strange vortigi miajn pensojn 🥲

Estas bone, ke mi havas nur 1 nevon kaj nur 1 nevinon, ĉar mi povas diri "vi estas mia plej ŝatata nevo" aŭ "vi estas mia plej ŝatata nevino" kaj mi fakte ne mensogas.

Li sendis al mi voluptajn fotojn de li, kiujn mi petis, kvankam mi ankoraŭ ne sendis tiajn fotojn al li. Li volontulis lavi la telerojn kiam mi invitis lin al mia hejmo. Li admiras mian inteligentecon, mian scion kaj mian laboron. Li estas la perfekta viro 😍

Mi montris al li multajn longtempajn kantojn. Li: Vi ŝatas la longajn, ĉu ne? Mi: Jes, kaj ankaŭ la kantojn 😉 Mi ne certas, ĉu la meksika humuro bone tradukiĝas 😂

Stereotipo pri aŭtismuloj estas, ke ni tute ne seksemas. Nu, mia nuntempa speciala intereso estas seksumado, do mi jam serĉis librojn kaj filmetojn pri la temo. Mi havas ankaŭ multan energion, nenian honton kaj tre sekseman partneron, do ŝajne mi tute detruos tiun stereotipon 😂

Dum seksumado mi petis al li, ke ni malŝaltu la lumon, ne ĉar mi hontas pri mia korpo, sed ĉar la lumo ĝenas miajn okulojn. Mi petis ankaŭ, ke ni aŭskultu la muzikon malpli laŭte, ne ĉar mi ne ŝatas ĝin, sed ĉar ĝi distras min. Kaj mi ankoraŭ dubas mian diagnozon de aŭtismo 😂

Tuj post seksumado mi diris al li, ke Esperanto havas 16 gramatikajn regulojn, ke ĝi estas perfekte fonetika, ke ĝia konjugacio estas facilega, ke ĝi ne havas esceptojn kaj ke la angla estas feka imperiisma lingvo, ĉar oni ĉiam profitu la ŝancon por varbi pri Esperanto.

Universitate mi kutime ĉeestis la bibliotekon pri homaj sciencoj. La bibliotekistoj trovis tion stranga ĉar mi studis inĝenieradon. En la feminisma klubo estas filozofoj, artistoj, juristoj, socialaj laboristoj, instruistoj, ktp. Mi ĉiam estas la stranga inĝeniero en tiaj grupoj!

Dum retkunveno mi iom hontis pri la strata bruo ĉe mi, sed tiam mi rememoris, ke mia kunlaboranto estas el Barato kaj ni estas preskaŭ samaj 😂

Neatendita efiko pri la lernado de Esperanto: Kiam mi aŭskultas internaciajn novaĵojn, estas ĉiam esperantistoj, pri kiuj mi zorgas 😭

Mia karulo aŭskultas hiphopon el la tuta mondo, sed mi demandis "ĉu vi volas aŭskulti hiphopon en Esperanto?" kaj li ne kredis, ke tio ekzistas. Ni aŭskultis ĉi tiun kanton kaj li ŝatis ĝin. Mi profitis la ŝancon por paroli pri la historio de Esperanto 💚 youtu.be/jLe9NVPejLg