No bytta akkurat Sør-Afrika inn More mi i 1/16-finalen mot Canada. Det er ein stor dag for heile familien!

Dei nekta å lytta til formaningane frå staten. No er dei mest eigenrådige av vestlendingane på full fart inn på verdsarvlista. www.ba.no/no-ma-staten...

Kulturpris til dronning Sonja? Ja, dette kulturpolitiske krumspringet fortener nesten ein pris. www.ba.no/dette-politi...

Av og til er det tilfeldige så eminent regissert, at ein nesten kan lura. Eit kort hjørnespark unna ølteltet på Nygårdstangen, gøymer det seg ei sterk historie. Om fotball, alkohol og lagkameratar som ikkje fekk hjelpa ein venn i naud. www.ba.no/skamma-som-s...

Når det er VM om natta, er gode høgdepunktvideoar veldig vesentleg. Det KI-genererte rasket me får servert, er rett og slett ikkje godt nok. Om du kuttar John McGinn si skåring for Skottland før jubelen, mistar du heile essensen av kva fotball dreier seg om. Veldig dårleg klipping elles, òg.

Pssssst… Justine Kielland. Putt ho på bana, Grainger, så skal du sjå at det løsnar.

Når me først er inne på vikingkjøret. Norge kjem til å tapa mot England (slaget ved Stamford bridge). Britane kjem til å vera høge på seg sjølv nokre dagar, før dei tapar mot Frankrike (slaget ved Hastings). Guillaume erobraren, alias Didier Deschamps, kjem til å kunna ta det roleg fram til sin død.

Nærmare undersøkingar viser at Pesen, ikkje Kniksen, skåra for Norge mot Sverige. At ein videokonferanse hindrar at Wolfe gjentek bragda er ikkje mindre irriterande av den grunn.

Her kunne Wolfe vorte første bergensar sidan Kniksen som putta for Norge mot Sverige? Og så skal den pokkers videogjengen øydelegga absolutt alt.

Den mest kontroversielle avgjerda til styret i Sportsklubben Brann sidan 24. mars 1995. Gratulerer!

«Hamstring, lyske, kne og tå, kne og tå. Akilles, albu, gilmores groin, hei og hå. Vi ê brannskadet fra topp til tå. Men Kniklas ê frisk, og kan på vannet gå!» Før kampen: Brann - Bodø 10-1.

Slettebakken ❤️. Då verda kom til Bergen var det der det skjedde. Det første kjøpesenteret i byen og to modernistiske signalbygg, men òg storbyutfordringar. Sterk identitet, men òg stigma. Så måtte fortidas synder gravast opp. No! Ja, no kan det heilt store skje på Slettebakken. Om Bergen har lært.

Sidan Norge i dag arrangerer finalen i verdas største klubbturnering, nyttar eg sjansen til å dela denne på nytt: Det er på tide at norsk fotball både tar kvinnene og publikum på alvor. Òg i kvardagen. www.ba.no/desse-er-vik...

Spør for ein venn: Midt i historieforteljinga om at me eigentleg er nokre hardbarka vikingar, som har vakse opp under ekstreme forhold, og slettes ikkje er verdas mest bortskjemte gjeng. Er det sosialt akseptert å først og fremst sjå på VM som ein (for ein gong skuld) etterlengta landslagspause?

Løkke te!

Er ekstremt glad for at Freyr i Fotballpreik er tydeleg på at Brann ikkje skal parkera bussen. Lukeparkering med buss har vel aldri vore den sterke sida til Sportsklubben, for å seia det litt forsiktig.

Terminlista i Toppserien er det nærmaste ein kjem ei oppskrift på korleis norsk fotball ikkje skal nå eitt av sine viktigaste mål. Les kommentaren! www.ba.no/desse-er-vik...

NFF. Å påstå at Dragsnes er ein meter i offside i den situasjonen er ein bløff. Ein bløff!

Taklar systemet køen i år, tru? Får angst berre av å logga meg inn på billettsystemet til NFF.

Kjekt å sjå at ein har slutta med var i eliteserien. Men meir «clear and obvious» trøyehalding er det lenge sidan eg har sett. Såg ikkje Saggi det?

Men NFF, berre… 🤯

To lag med totalt 14600 partoutkortinnehavarar som skal spela cupfinale på eit stadion som tar 28000. Det burde vera ei smal sak å få nok billettar til dei som er fast inventar, og i tillegg setta av litt til organiserte supportarmiljø og dei store diasporaane til begge lag i Oslo. Kom igjen, NFF!

Bilbao viste det i 2024 og San Sebastian viste det i 2026. I Baskerland kan dei verkeleg feira eit cupgull!

Kjenner litt på det, ja…

Semifinale i cupen på Brann Stadion? Det er spinnvilt, det. Det er 10226 dagar sidan sist (!), og kanskje er det like greitt. Alle dei tre semifinalane eg har opplevd på Stadion har merka meg for livet. Mønsteret er: Brann kom under tidleg, men greidde på spektakulært vis å skapa noko skummelt: håp!

Etter ein laaaaaang vinter er det endeleg litt vanskeleg for Freyr å ta ut laget.

Dersom 17. mai-komiteen i Oslo er interessert i å finna ut korleis ein arrangerer nasjonaldag, og rekrutterer folk til 17. mai-komiteen, så kan dei lesa seg opp her. Det er langt betre å støtta seg på sivilsamfunnet, slik Bergen gjer, enn å prestera å gjera dagen partipolitisk.

Då den nye landslagsdrakta vart lansert denne veka skulle den vera ei «modig og kompromissløs hyllest av Norges rike historie og nasjonale stolthet». Då er det ganske oppsiktsvekkande at bruken av det aller viktigaste norske nasjonalsymbolet er så unorsk og historielaus. www.ba.no/ein-glorete-...

Like mange poeng som Bodø/Glimt etter to kampar! Dette går vegen.

Fordelen med tullecup er at du plutseleg kan vera i semifinalen utan at byen har fått med seg at èin eigentleg burde ha bygd opp eit umenneskeleg forventningspress.

Rett farge på kortikken, jo!

Sett på Nymark: Restavfall og spesialavfall. Eller boss, om du vil.

Koffor har ingen fortalt meg at fleire av karakterane i Calle Hellevang Larsen sin nye serie er kalte opp etter gamle Brann-spelarar? Geirmund Brendesæter vert funnen død i ei campingvogn, Frank Strandli er statsminister, og Martin Andresen er kuratoren til dronninga. Må visst sjå resten òg …

Til deg som trudde barn berre var på skjerm: Neida, på Nymarksbanen vert klassikaren «Proff og loff» utøvd av unge og håpefulle.

Bergen var ein gong byen som var villig til å satsa, sjølv om staten var gniten og treig. Nærmast utan hjelp greidde byen å bygga bygg og institusjonar som ikkje stod tilbake for noko. Den byen er ikkje heilt til å kjenna igjen. www.ba.no/kor-vart-det...

– Modig, klok og kynisk, sa Freyr i pausen. Hallo, Freyr! Dette er Brann! Her er det feig, dum og naiv som har vore oppskrifta i nesten kvar kamp sidan 1908.

Palle sitt skyhøge tenningsnivå smitta over på både Huseklepp og Viaplay-reporteren i før-kampen-intervjuet. Dei skrudde opp intensiteten ti hakk. For ein mann! Euro-Palle fiksar biffen i kveld. ❤️‍🔥🔥❤️‍🔥

Den norske idrettsmodellen, som dei siste dagane gar fått internasjonal merksemd, er under press og vert ofte latterleggjort på heimebane. Det er no på tide at fleire stiller opp for ein modell som ikkje berre skapar gull, men gode lokalmiljø, folkehelse, og demokratilæring.

Idrettsleiarar som veivar med flagg på avslutningseremoniar. Der har du litt av ein gjeng …

Seremoni på arenaen i Verona er fint det. Men kjem ikkje Sissel snart?

Denne hockey-finalen i OL er på høgde med det aller beste eg har sett i Badekaret på Slettebakken.

Atle Lie McGrath har noko å læra til alle menn som ikkje greier å snakka om kjenslene dine, og slit med sjølvregulering. 1. Kast eitt eller anna. 2. Gå ein tur i skogen. 3. Skaff deg litt åleinetid. 4. Still opp og forklar deg med rak rygg på norsk, engelsk og tysk.

Dagurdraumar i februar.

🇳🇴🫎🌲Norge var annleislandet der kongen tok trikken, statsleiarar fekk servert makrell i tomat heime hjå utanriksministeren, og statsbesøk skjedde på hytta eller garden til statsministeren. Den norske livsløgna er no stein daud. Likevel: Leve livsløgna. Den er langt mindre usmakleg enn alternativet.

Kva googla du i 2011?

Beklager, folkens! Eg har meldt meg på diskusjonen eg burde ha halde meg langt, langt unna. Heilt rett; den diskusjonen som er like smal som som skiene austlendingane vert fødde med. Ja, den om det er lov å ploga i skiløypa eller ikkje. Eg kan ikkje anna enn å åtvara deg. www.ba.no/toler-ikkje-...

Viaplay tar ingen risiko. Promoterer neste europaligakamp med dei to spelarane dei er sikrast på at ikkje vert selt før vinduet vert smelt igjen.

Per-Ove har ein plan, Per-Ove har ein plan, Per-Ove har ein plan, Per-Ove har ein plan, Per-Ove har ein plan, Per-Ove har ein plan, Per-Ove har ein plan, Per-Ove har ein plan. Kom igjen, alle saman: Per-Ove har ein plan.

Typisk Brann å vinna utan å vinna.

Ikast FS/Herning Fremad har vore effektive, men dette kan Brann ta!