🌧️ Mañá espertaremos co marabilloso son da chuvia na meirande parte de #Galicia. A borrasca está lonxe pero a súa fronte asociada tocaranos de cheo durante a xornada do domingo. A sacar os paraugas! ☂️

👉 Bo día, venres xa!!! De novo xornada marcada polas altas presións con risco de brétemas costeiras no litoral atlántico. No resto, sol con nubes altas. Seguen as temperaturas elevadas para a época do ano. Ás 10:05, o prognóstico para a fin de semana 🥰

👉 Bo día! Por diante un xoves, de novo, anticiclónico. Sol e nubes altas decorando o ceo. Máis nubes na Mariña e risco de brétemas nas Rías Baixas. Os termómetros baixan un chisco. A poñerlle lombo 🙂‍↕️

🌧️ Dende aquí, con moita felicidade (non me escondo), coido que xa podo anunciar a primeira fronte activa do que levamos de mes, prevista para o vindeiro domingo 19. E é que a partir do sábado estaremos baixo a influencia das baixas presións durante días. Segue o fío ⬇️

👉 Boa noite! Abrimos a #xaneladiaria do mércores e vemos moito sol con nubes altas sen importancia, algunhas nubes na Mariña e tamén en zonas altas do interior. Vento frouxo. 🟢 Termómetros sen cambios #AbreAXanela, e comparte! 🥰

🌤️ Bo día! Imos a por un martes anticiclónico, de sol con máis nubes na Mariña/Ortegal e tamén pola tarde no interior sur onde, de novo, poderá caer algún chuvasco de tipo treboento. As temperaturas, seguen sen grandes cambios, calor para a época. A poñerlle lombo 🙂‍↕️

👉 Boa noite! Abrimos a #xaneladiaria do martes e vemos moito sol en xeral. Máis nubes na Mariña e Ortegal e tamén pola tarde no interior sur, con risco dalgún chuvasco. Vento frouxo. 🟢 Temperaturas sen grandes cambios #AbreAXanela, e comparte! :)

👉 Bo día! Imos a por un luns de moito sol en xeral. Teremos risco de nubes baixas na Mariña e tamén nubes de evolución pola tarde no interior que poderían deixar algún chuvasco. As temperaturas, sen cambios, elevadas para a época do ano un día máis 📈

📈 Estas son as temperaturas máximas de hoxe en #Galicia. Outro día de verán, e van.... e quedan uns cantos. Ás 19:00, o prognóstico da semana

☀️ Bo día! Seguimos con este verán tardío, moito sol en xeral, agás na Mariña onde o nordés acumula máis nubes. Pola contra, no mediterráneo as chuvias seguen a ser protagonistas, con moita intensidade na maior parte dos casos. Feliz domingo! 🥰

🌤️ Bo día! Comeza un venres e un fin de semana anticiclónico, con máis nubes na Mariña e Ortegal debido ao nordés e moito sol no resto de #Galicia con valores que volverán rondar os 25/26°C. Pola contra, no Mediterráneo segue chovendo forte.

👉 Boa noite! Abrimos a #xaneladiaria do venres e vemos moito sol con algunhas nubes na Mariña e Ortegal. Vento do nordés. 📈📉 Máximas en ascenso e mínimas en descenso #AbreAXanela, e comparte! 🥰

👉 Bo día! Por diante un xoves de máis nubes no extremo norte, onde se dará algún chuvasco feble. Moito sol no resto de #Galicia, coa circulación de nordés como protagonista. Os termómetros, sen grandes variacións. A polo xoves!

👉 Bo día! Perdemos transitoriamente a plena influencia do anticiclón. Nubes na metade norte con algún chuvasco, máis sol no sur. Volve o nordés coas temperaturas en descenso, agás nas Rías Baixas, onde subirán moi lixeiramente. A poñerlle lombo 🙂‍↕️

👉 Xa reparaches en como o tempo en Galicia marca cada momento da nosa vida? Non só pasa, deixa pegada Segue o fío ⬇️

👉 Bo día! Martes marcado polas nubes altas que irán decorando o ceo galego. Tamén chegarán nubes baixas a partir da tarde ao oeste debido ao aporte húmido do vento do mar. As temperaturas, en descenso na franxa atlántica, sen cambios significativos no resto de #Galicia.

👉 Boa noite! Abrimos a #xaneladiaria do martes e vemos nubes altas. O vento do oeste achegará máis nubes de tipo baixo á marxe atlántica. Risco dalgún chuvasco treboento no interior pola tarde. 📈 Maximas en lixeiro descenso (na mariña subirán), e mínimas en ascenso. #AbreAXanela, e comparte! 🥰

☀️ Bo día! Por diante un luns de moito sol en toda #Galicia con algunha nube alta sen importancia. O fresco da primeira hora da paso a un mediodía e primeiras horas da tarde con temperaturas elevadas para a época, rondando os 26°C en moitas zonas. Feliz luns! 🥰

👉 Boa noite! Abrimos a #xaneladiaria do luns e vemos moito sol en xeral con algunha nube de tipo alto. Vento frouxo en xeral. 📈 Temperaturas en ascenso, volve a caloriña nas horas centráis. #AbreAXanela, e comparte! 🥰

🌤️ Bo día! Por diante un domingo anticiclónico, volve o nordés polo que hai que agardar máis nubes no extremo norte, especialmente na Mariña e Ortegal. No resto, moito sol e temperaturas en ascenso nas horas centráis 📈

🌧️ Bo día! Por diante un sábado gris e húmido debido a unha fronte pouco activa que cruzará #Galicia de norte a sur, deixando as chuvias máis intensas na metade norte, no sur pouca cantidade caerá. As temperaturas, en descenso 📉

👉 bo día! Venres de nubes altas, as cales anuncian o cambio de tempo que teremos o sábado. Polo momento, xornada tranquila con vento do suroeste que aportará máis humidade á costa oeste onde haberá algunhas nubes de tipo baixo (máis contra a noite). Descenso térmico 📉

👉 Boa noite! Abrimos a #xaneladiaria do venres e vemos nubes altas decorando o ceo. O vento do suroeste podería aportar máis nubes de tipo baixo ao litoral oeste. 📉 Temperaturas en descenso #AbreAXanela, e comparte! 🥰

👉 Bo día! Por diante outra xornada anticiclónica onde teremos nubes altas paseando polo ceo galego. O vento vira a noroeste polo que na costa oeste poderá haber máis nubes de tipo baixo. As temperaturas baixan lixeiramente.

👉 Bo día! Comezamos outubro con influencia anticiclónica, seguimos con altas presións, tempo seco, vento frouxo e temperaturas cálidas nas horas centráis, o clásico veranillo de san Miguel. Que teñades un bo mércores! 🥰

👉 Boa noite! Abrimos a #xaneladiaria do martes e vemos moito sol en xeral con máis nubes na Mariña, estancadas polo nordés. 📈Máximas en ascenso e mínimas en lixeiro descenso #AbreAXanela, e comparte!

👉 Bo día! Por diante un luns anticiclónico con máis nubes no extremo norte e moito sol no resto. Segue a circulación do nordés, que por momentos soprará bastante forte. As temperaturas diurnas, sen grandes cambios, aínda que poden subir moi lixeiramente. A poñerlle lombo 🙂‍↕️

🌧️ Importante masa de chuvia fronte as Rías Baixas agora mesmo (09:18h), veremos como se comporta. Polo de pronto, xa está a deixar precipitacións puntualmente intensas en bastantes lugares.

O que queda de Gabrielle, ao oeste de #Galicia. Moi hipnótico mirar a animación do satélite 🌀

🌦️Primeiras liñas de chuvia achegándose dende o mar. Irán entrando nas vindeiras horas deixando chuvascos puntualmente intensos, especialmente no oeste onde tamén poderán vir con treboadas.

👉 Bo día! Fermosa imaxe de satélite co centro da borrasca Gabrielle moi preto da península. Achegarase ao longo do día, as nubes irán en aumento e as chuvias aparecerán dende o mediodía, podendo caer en calquer punto pero con especial incidencia nas Rías Baixas 🌧️

☀️ Bo día! Por diante un venres de sol con entrada de nubes altas co avance do día. Vemos a #Gabrielle pasando por riba das illas Azores, irase achegando, pero semella que en #Galicia afectaranos de refilón.

👉 Boa noite! Abrimos a #xaneladiaria do venres e vemos moito sol con entrada de nubes altas pola tarde, sen máis. Vento do suroeste. 📈 Máximas en ascenso no norte de #Lugo. Mínimas en ascenso xeneralizado. #AbreAXanela, e comparte! 🥰

☀️ Bo día! Imos a por un xoves anticiclónico no que o sol volverá ser protagonista, todo con temperaturas moi suaves nas horas centráis.

☀️ Bo día! Imos a por un mércores de moito sol, con nubes altas decorando o ceo, sen máis. As temperaturas nas horas centráis serán moi suaves e mesmo cálidas, pero levadeiras. Iso si, frío nestas primeiras horas da mañá. A poñerlle lombo 🙂‍↕️

👉 Boa noite! Abrimos a #xaneladiaria do mércores e vemos moito sol con nubes altas decorativas, risco de nubes baixas na Mariña. Vento do leste/nordés. 📈 Máximas en ascenso e mínimas sen grandes cambios. #AbreAXanela, e comparte! 🥰

👉 Bo día! Martes anticiclónico con máis nubes na Mariña onde aínda se darán algúns chuvascos. No resto, moito sol con ascenso térmico e vento do nordés. A polo martes! 🥰

📉 Bo día! Frío para comezar o luns en boa parte de #Galicia con mínimas que rondan os 5-6°C en moitos lugares do interior. Durante a xornada teremos máis nubes no norte onde se darán chuvascos, máis frecuentes na Mariña. Canto máis ao sur, menos nubes 🌤️

🌦️ Clásica situación de entrada de aire frío, sucédense os chuvascos que en moitas zonas descargan con forza e baixan moito a temperatura en pouco tempo. Por momentos non parece setembro 📉📉

Por #Lalín amencimos con 8,8°C, néboas pero de momento sen chuvia. Agárdase que cheguen chuvascos contra o mediodía. Pasade bo domingo! 🥰

Bo día! Comezamos o domingo con temperaturas frías na meirande parte de #Galicia, vaia descenso térmico respecto ao venres! Hoxe teremos chuvascos intermitentes, máis probables no norte e centro, no sur apenas choverá con esta compoñente norte que se agarda que sopre hoxe

Tras ela, quedamos con aire máis fresco, con vento do oeste/noroeste e con risco dalgúns chuvascos no extremo norte, os cales serán máis frecuentes e intensos mañá domingo. No sur xa pouco ou nada volverá caer.

📉 A fronte pasou, foi moi pouco activa como estaba previsto e no seu avance cara o interior perdeu aínda máis forza, polo que apenas caeu gota no sur de #Lugo e #Ourense 🤦

🌧️ Bo día! Xa temos a fronte atravesando #Galicia de oeste a leste, non é moi activa pero ao seu paso pode descargar con intensidade moderada. Pola tarde, remitirán as chuvias e abriranse claros. DESCENSO térmico 📉

👉Boa noite! Abrimos a #xaneladiaria do venres e vemos nubes altas percorrendo o ceo galego. Poderían chegar néboas ao litoral oeste e tamén á Mariña. Ventos do suroeste, moderados pola tarde. 📈Temperaturas en ascenso, máximas e mínimas. Último día. #AbreAXanela, e comparte!

☀️ Bo día! Unha mañá fresquiña dará paso a un xoves de calor na maior parte de #Galicia. As máximas superarán os 34°C no miño de #Ourense e sur de #Lugo. Tamén subirán no extremo norte. Chegarán nubes altas, pero só con función decorativa 🌤️

comezando a estar xa influenciandos por un pequeno centro de baixa presión que nos traerá vento do noroeste e un brusco descenso térmico. Mirade a diferenza das anomalías da temperatura a 850 hpa (1500 metros de altitude. É tremenda! ☺️

📈📉 MONTAÑA RUSA térmica nos vindeiros días. Actualmente estamos baixo unha masa de aire cálido que nos devolve ao verán con máximas amplamente por riba dos 30°C no interior de #Galicia, pero dende o sábado a situación mudará radicalmente.

☀️ Bo día! Por diante unha xornada anticiclónica. Como novidade teremos máis nubes pola mañá no litoral norte que axiña romperán. Moito sol no resto con bastante calor nas horas centráis. A poñerlle lombo 🙂‍↕️

👉 Boa noite! Abrimos a #xaneladiaria do mércores e vemos moito sol en xeral, con máis nubes pola mañá no litoral norte, pero irán rompendo. Vento frouxo. 📈 Termómetros en ascenso, rexistros superiores aos 30-32°C no interior. #AbreAXanela, e comparte!