Lios an Mheatha

An bhfanfaidh 'dul faoi' mar a bhí sé: firinscneach?

Bhíos i lár na cathrach ar maidin agus - rud nár tharla riamh - tholg mé aicíd na hAoine Duibhe. Agus caithfidh a rá go raibh mé an-shásta leis na praghasanna.

Fíricí fánacha: 1. Sa bhliain 2024 comhaireadh 350,000 eitilt trasatlantacha. 2. Is ionann an dochar don aeráid mar thoradh ar an cogadh sa Chorrán Méith sa bhliain 2003 agus an dochar a dhéanfadh 150 milliún eitilt trasatlantacha ó Pháras go Nua-Eabhrac.

Táim ag féachaint ar shraith Dhanmhargach iontach darb ainm Borgen atá á taispeáint ar sheirbhís sruthaithe cháiliúil. Is faoin pholaitíocht í - ciallaíonn Borgen "an dún" nó "an caisleán" & is é an caisleán atá i gceist ná Christiansborg a bhfuil an dáil, an rialtas agus chuile shórt lonnaithe ann.

Ar feadh meandair chuir sin an seanfhód sna 1960í i gcuimhne dom: an bóthar (beagnach) dubh le rothair. Bhíodh rothar dubh téagartha ag na daoine fásta: an cuimhin le héinne an t-ainm nó an déantóir? Bhí an rothar céanna cineál caighdeánach.

Nach breá an rud é a bheith ar an taobh deisil de dhráma an nóiméid dheireanaigh!

🧵🥩 D'ith mé Schnitzel i mbialann le déanaí. Bhí amhras orm an túiscé a chonaic mé é mar bhí an cumhdach as grabhróga aráin dúdhonn, crua agus greamaithe den fheoil - ba chóir an cumhdach a bheith ní ba ghile, beagáinín rocach agus ina luí go héadrom ar an bhfeoil.

"mórthír" ?

An bhfuil leagan sásúil Gaeilge den nath nua-aoiseach sin: Ag caint na cainte, ag siúil an tsiúil?

Nach íorónta é gur don choimisinéir ón seanfhód (tír na "n-easaontóirí ciapacha" sna blianta beaga) a tugadh an cúram sin an réimeas nua faisnéise a chur i bhfeidhm? 🤔 Ní foláir nó gur bhain sé seitgháire as duine nó dhó sa cheanncheathrú.

Deacair a bhréagnú. youtube.com/shorts/kqwQX...

Bhíos i gKarlsruhe inniu. Chuir síad cuid den chóras tram faoi thalamh tamall de bhlianta ó shin. Ba thionscnamh conspóideach é (mar is gnáth). Is rud suntasach é cé chomh ard is atá an tsíleáil. Cén fáth a bhfuil an tsíleáil chomh ard sin?

Mo cheiliúradh beag uachtaránach: Tá an bheoir seo ar na sé bheoir is fearr sa Ghearmáin.

Deirtear nach bhfuil sé ag teacht le cúinsí an tsaoil sa lá inniu. Ach, in ainm Dé, cad a chuirfí in ionad na foclaíochta sin? a. "I láthair an nualiobrálachais uilechumhachtaigh" b. "I láthair an nuachoimeádachais uilechumhachtaigh" c. "I láthair na bhfathach teicneolaíochta uilechumhachtach"

An é go bhfuil fíric mhíchompordach (alt a dó) curtha in iúl ag an Uasal Yates agus, fiú amháin, gar déanta aige don phobal (an chuid de, ar aon nós, a bhí dall ar an bhfíric chéanna)? Dar ndóigh, dá mhéad agus dá shaibhre an tír i gceist is ea is mó na coimhlintí leasa.

An fíor é go bhfuil an baol ann go mbainfear an cruinniú mullaigh den stát thall nuair a bheidh uachtaránacht an AE ag an rialtas i mBÁC? De bharr cúrsaí slándála? An bhfuil taispeántas náireach ag bagairt? 😳

An aithníonn aon duine an tsráid?

Tuairiscítear sa mheáin abhus nach dtabharfaidh ceannaire rialtais na tíre leis an ngeilleagar is mó san Eoraip ach sciuird ghearr ar an gcruinniú mullaigh agus go bhfogróidh sé gur tábhachtaí an t-iomaíochas don rialtas atá i gcumhacht faoi láthair.

Nath Gearmáinise an Lae: Papier ist geduldig. ("Tá páipéar foighneach.")

An mbíonn pobal an tseanfhóid ag leanúint cúrsaí i lár an mhargaidh?

An bhfuil an freagra ar eolas ag éinne? 😉

De réir tuairiscí tá COVID ag dul thart abhus faoi láthair. Tá mé tar éis an aicíd chéanna a chur díom le cúpla lá anuas. Agus tá an chuma air go bhfuil an tuirse srl. iar-CHOVID ag trá.

Dála an scéil, cá gcomhairfear na vótaí?

Der réir pobalbhreithe nuafhoilsithe measann 56% den phobal sa tír seo go bhfuil tuairisciú na gcraoltóirí poiblí aontaobhach.

Feicim go bhfuil téarmaí daorchluiche ag téarma.ie 👍 (Ach cén fáth a dtugtar "loca cleachtaidh" ar "pionna tairbh"?🤔) Ar aon nós bhí na hanailisithe ag rá nach raibh seans dá laghad ag na Mairnéalaigh as Seattle sa chéad chluiche den ALCS mar go raibh an pionna tairbh "gásaithe" - ach bhuaigh síad.

An bhfuil leagan Gaeilge den nath "talk the talk... walk the walk"? Aon cheann leis an gcineál amais nó comhfhuaime sin? Fáilte roimh chumadóireacht nua.

Comhghairdeachas libh faoina gradaim! @antainmac.bsky.social @darachoscolai.bsky.social

An bhfuil ainmneacha bhur sin-seantuismitheoirí ar eolas agaibh?

Má tá uachtaránacht na hÉireann le bheith conspóideach sna seachtainí atá amach romhainn, tá uachtaránacht an CG thar a bheith conspóideach cheana féin le tamall anuas. Ach níor thug mé faoi ndeara go gclúdaítear an scéal seo sna meáin - de réir an mhana: má sheachnaítear é, cosnaítear an creideamh.

"Dia duit! Is Finné Darwin muid. An bhfuil cúpla nóiméad le sparáil agat chun labhairt linn faoi Theoiric na hÉabhlóide?" (Ní fheadar an bhfuil "Dia duit" ag teacht leis an gcomhthéacs. 🤔 Agus ní foláir nó gur fhreagair sé, "ní fear creidimh mé. Ní chreidim i dTeoiric na hÉabhlóide.")

Go maire an dreoilín (teaspaigh)! Is é an cúram a bhíonn orm sa samhradh ná na feithidí a thagann isteach a chur amach arís. Chun an cuspóir sin a bhaint amach go síochánta bhí athrú feidhme le bronnadh ar ghloine & cárta poist. Tá mo chara saortha as an tollán mearbhlach & ..😉 ar a sheanléim arís.

Nuair a fhilleann an samhradh ar feadh tréimhse ó lár mí Mheán Fómhair amach agus an fomhar sna crainn cheana féin tugtar "Altweibersommer" (samhradh na seanbhan) ar an tréimhse sin. Bhí Altweibersommer gleoite againn anseo ar feadh cúpla lá ach ní mór slán a ghabháil leis anois.

Cé acu is mó a mhúnlaíonn dearcadh an phobail: an méid a chlúdaítear nó an méid nach gclúdaítear? 🤔

Glacann an clár le ÄÖÜäöüß & feidhmíonn gach rud: UTF-8 abú! 😀 Glacann an clár le ÄÖÜäöüß & feidhmíonn gach rud: UTF-8 abú! 😀 Glacann an clár le ÄÖÜäöüß... ach cén fáth nach bhfeidhmíonn sé san áit mhallaithe sin!! 🥵😡🤢 Cad atá ag tarlú? MAsciiGA ? Saoirse feidhme do shínte fada & für Umlaute!!

Ceacht Gearmáinise an Lae: An Tuiseal Tabharthach. youtube.com/shorts/TukOv...

An é go bhfuiltear, i ndeireadh an lae, ag tacú leis an rud céanna a bhfuiltear in ainm a bheith ina choinne?

Tá Uachtarán nua ar Chomhthionól Ginearálta na Náisiún Aontaithe ón lá inniu. Is é an post is airde sna NA. Ní ritheann aon seanfhocal cuí liom, faraor...

Na dathanna!

Arbh fhearr dúinn filleadh ar an gcic agus ruathar?

Ba sa bhliain 1972, i lár na ré draíochta úd, a cuireadh Simon and Garfunkel's Greatest Hits amach ar an margadh agus níorbh fhada go raibh an ceirnín i mbeagnach gach teaghlach ina raibh déagóirí.

Nach bhfuil crógacht an chait seo le moladh? Bhí dhá ghéarchéim os a chomhair & ba ghnách leis breathnú ar ghéarchéim amháin le leathshúil oscailte & an leathshúil eile dúnta. I gcás na géarchéime eile ba dhroim ar ais a bhí sé. Ach anois coinníonn sé a dhá shúil ar oscailt! & nochtann rudaí chuige!

🧵 Ón mbliain seo chugainn beidh ar gach ógánach sa Ghearmáin ar theacht in aois (18) dó ceistneoir ar líne a líonadh amach & dul faoi scrúdú dochtúra le haghaidh seirbhíse míleata.

Níl ach daonra 57,000 sa Ghraonlainn agus is dócha go bhféadfaí a rá go bhfuil aithne ag beagnach gach duine ar bheagnach gach duine eile. Cad a chiallaíonn sin ó thaobh tionchar a imirt ar an bpobal ann: an mbeidh sé níos fusa nó níos deacra dá bharr?

Bhí mé i mbun comhrá le cara liom le déanaí faoin ábhar seo a leanas: ronnaigh. Na cianta ó shin bhí mé in Aird Mhór i mo chúige dúchais agus bhí mé amuigh ar toinn ag iascaireacht - bheadh "ag bailiú isteach" ní ba chruinne is dócha mar tharla go rabhamar os cionn báire ronnach.

Tháinig mé ar an nath "scread mhaidine ort!" arís ar maidin. Bhí sé ar eolas gan amhras cheana féin agam ach rith sé liom an babhta seo nach bhfuil a shárú le fáil. Ach go háirithe sa lá inniu nuair is gá a bheith cúramach nach gcuirfeadh aon duine an dlí ort (abhus ar aon nós).

Luaitear neamhréir thíos a chuireann, de réir dealraimh, ionadh ar dhaoine ar an seanfhód.

Deir an seansailéar abhus nach bhféadfaí an córas leasa shóisialaigh a mhaoiniú níos mó & go bhfuil ciorraithe géara i gcúrsaí leighis, pinsin & íocaíochtaí leasa shóisialaigh ar na bacáin. An scéal céanna ar fud na hEorpa is dócha. Ní chuirtear riamh an bille mór faoi bhráid an phobail roimh ré.

I bhfianaise a bhfuil ag tarlú faoi láthair?

An bhfuil an grianghraf sin ón mbliain 1958? An ghruaig, na héadaí?