33°C sna bolaí seo inniu - i mBealtaine cheana féin. Más buan mo chuimhne bhí práinn - práinn scaollmhar, go fiú - le cúrsaí aeráide deich mbliana ó shin. An díol spéise do lucht síceolaíochta é conas mar a lean an scéal ar aghaidh go dtí an lá inniu? (Ceist á cur agam thar ceann carad. 😎)

Nath Gearmáinise an lae: "Wes brot ich ess, des lied ich sing." Bunchiall an natha: Seinnim port an té a thugann an t-airgead dom. Is sean-nath é.

Is iontach an físeán seo chun "feidhmiú inmheánach" na hanailíse Fourier a léiriú.

Tá an rialtas i mBeirlín tar éis an t-acht um théamh lárnach i dtithe cónaithe a mhaolú go suntasach - acht nua atá ann anois chun a bheith cruinn. Thug an sean-rialtas an reachtaíocht isteach 2023 - faoi cheannaireacht an aire eacnamaíochta óna Glasaigh, ach bhí go leor daoine míshásta leis ón tús.

Agus cad é an Ghaeilge air: Ard-Rúnaí?

Ar eagla na míthuisceana (agus go gcuirfí duine óna bhéile am éigin amach anseo), ciallaíonn "Tageshit" -> Tages - Hit = "amhrán mór" an lae. Moladh an lae: péirse Eorpach (Egli).

Is minice a fheictear an téarma "Zuckerbäckerei" (milseogra - 'báicéireacht siúcra') san Eilvéis ná sa Ghearmáin. Tá "Konditorei" níos coitianta sa Ghearmáin.

Ba mhaith an cinneadh é leas a bhaint as an dea-aimsir agus cúpla lá a chaitheamh ar bhruacha Loch Konstanz (nó Bodensee, mar a deirtear anseo).

🎶 "No ships today, tá an t-uisce gone away... 🎶

Tá an ceann seo níos mó ná cineál Paul-Klee-ach. Ach ní dóigh liom gur "Glazial Additivity" an teideal atá air.

Tugaim "die schöne Jahreszeit" ar an tréimhse seo den bhliain.

Cineál Paul-Klee-ach?

Chaith go leor den phobal cuid mhaith den lá inné ag scrúdú dhaonáireamh na bliana 1926. Cé go bhfuiltear cineál cleachta ar an ngnó ó cuireadh an dá cheann roimhe sin ar fáil is constaic fós iad na toghranna ceantair & na bailte fearainn. Níl an pobal (uirbeach) chomh eolach sin orthu feasta.

Níl sé de nós agam aon rud a scríobh ar leabhair chlóite, ach, a thiarcais, nár dhein mé anois beag é. I leabhar le matamaiticeoir mór le rá (an tríú heagrán!) bhí botún i gcothromóid mhatamaiticiúil a chuir mearbhall orm - agus soir mé - gur léir dom go gcaithfeadh gur bhotún a bhí ann.

An bhfuil na hagóidí breosla thall ar na seanfhóid ag cur isteach go mór oraibh go pearsanta? Samhlaím go bhfuil cúrsaí ag éirí sách deacair tar éis trí lá? 🙁

Cé go mbím nósúil go leor faoi bhia is breá liom Mettbrötchen - ach is thuas i gceantar na Ruhr a fhaightear iad de ghnáth. Chuaigh mé i dtaithí orthu ar dtús nuair a bhí mé i mo mhac léinn ag obair i rith an tsamhraidh sa cheantar sin. youtube.com/shorts/P6wA8...

Ubh! 🐥

"Ealtaí Loch Ainninn": nach bhfuil cuma ainm poirt thraidisiúnta air? Níl ach an port féin de dhíth. 🎶 Cé a bhuailfidh suas é?

Smaoineamh dearfach an lae: Tar éis an tsaoil, is fearr gealach ná dorchach. 🤔

Bíonn lánghealach beagnach uair sa mhí, agus beidh lánghealach anocht! B'fheidir beidh tú in ann é a fhéicáil! #SeachtainNaGaeilge #DIASdiscovers @snagaeilge.bsky.social @dias.ie

Thosaigh sé ag cur sneachta inné agus ar maidin bhí brat tiubh de ar an talamh nach bhfaca mé a leithéid le roinnt blianta anuas. I ndeisceart na Gearmáine is mó atáthar ag streachailt leis na coinníollacha. An geimhreadh ina steillbheatha. ❄️🌨️☃️

An raibh an t-ochslaíoch in úsáid sa tSean-Ghaeilge, nó an toradh é ar an Laidin a bheith in Éirinn leis na cianta cairbreacha go bhfuil an téarma - téarma chomh Gaelach sin - sa Ghaeilge?

30°C an difríocht sa teocht faoi láthair idir áiteanna i lár Florida agus áiteanna i Georgia atá go díreach ó thuaidh de.

Tá rud atá as an ngnáth le sonrú ar an lipéad seo.

Nuair a bhíodh teaghlach i mbun sicín rósta a ithe (le haghaidh an dinnéir; uair amháin sa tseachtain ar a mhéad) bhíodh áthas ar an té a fuair an cnáimhín súgartha. An bhfuil an nós sin ann fós?

Caithfidh go bhfuil seanfhocal Gaeilge ann dó.

Ó "mo dhuine" nó droim ar ais? youtube.com/shorts/eXNVM...

B'fhéidir go raibh amhrán acu a chantaí sa tábhairne agus é ag dul anonn san oíche, braon ar bord, cá bhfios? 🎶 Ár seanbhaile dil seo Lá éigin ní bheidh fágtha de Ach aimhrialtachtaí geolaíocha Agus beidh siad chomh doiléir Nach bhfeicfear iad ach ón spéir (Nach dtarlóidh go mbeidh dróin san aer) 🎵

Is fada ó bhí an geimhreadh bruegheleach ar bhonn rialta.

Brat sneachta ar an talamh ar maidin -agus an lagrach stoirm Elli ar an mbealach chugainn le tuilleadh sneachta. Bhíodh an geimhreadh an-fhuar & sneachtúil i ndeisceart na Gearmáine sna 1980í (bhí an téamh domhanda le brath cheana féin sna 1990í). Blaiseadh beag den tsean-aimsir romhainn mar sin?

Ceist agam ar lucht scríbhneoireachta: an bhfuil an aimsir chaite den chopail ag gabháil - nó gafa - as úsáid in úrscéalta agus a leithéid (mar shampla, "níos mó" seachas "ní ba mhó")?

Deir roinnt iriseoirí criticiúla go bhfuil cuid den phobal éirithe chomh spléach sin ó thaobh na mothúchán de ar thráchtairí a chuireann leagan teolaí dá bhfuil ag tarlú ar fáil dóibh go bhfuil siad imithe go ró-fhada síos an bóthar cheana féin le bheith in ann déileáil leis an bhfírinne. Suimiúil.🤔

Cad iad céimeanna comparáide an fhocail 'ficsean? Ní hansa - Bunchéim: ficsean Breischéim: beathaisnéis Sárchéim: dírbheathaisnéis

Dála an scéil, bhí m'abhatár nua thuas cheana féin (cuireadh suas ar Lá na Bliana Nua é). 😉

Athbhliain faoi shéan is faoi mhaise dhaoibh!

Mura bhfuil rún na hAthbhliana agat fós, seans go dtiocfaidh tú ar rud éigin anseo. (Mar shampla: Rud éigin a bhaineann le bheith i do sheasamh ar chúl piongaine...)

Le coinnle na n-aingeal tá an spéir amuigh breactha, Tá fiacail an tseaca sa ghaoith ón gcnoc; Adaigh an tine is téir chun na leapa: Luífidh Mac Dé ins an teach seo anocht.

Dála an scéil, tarlaíonn an grianstad inniu ar aon am le héirí na gréine ag domhanfhad i ngar do chósta thiar Mheiriceá. @kingdonncha1.bsky.social 🌄☕

Gach uair tar éis dom féachaint ar chluiche rugbaí: "och ochón, nach mé atá ró-ghallda!" 😂

Dá gcuirfí cinntí an AE faoin inneall dócháin inmheánaigh ("ná lean an eolaíocht" ?) agus faoin iascaireacht ("lean an eolaíocht" ?) i gcomparáid lena chéile...

Tá ginearál mór le rá - ar uachtarán ar an Acadamh Feidearálach um Pholasaí Slándála abhus é - ag moladh go n-oibreofar 48 seachas 40 uair sa tseachtain amach anseo le costais mhíleata & costais an bhuneagair a bhaineann leo a sheasamh. Uain an-chrú-ar-an-tairne buailte linn?

An ar nós turais i scinnárthach an saol sa lá inniu i gcomparáid leis an saol a chaith ár sinsir 150 bliain ó shin agus gan an dara rogha acu ach a bheith de shíor "ag treabhadh na dtonn go tréan"?

Léaró dóchais i ngéibheann an Gheimhridh: ó thaobh am dul síos na gréine de is lá sroichte an ghrinnill an lá inniu. Fanfaidh sé mar seo ar feadh ceithre lá agus ansin beidh na tráthnónta ag dul i bhfad arís. 🌄 Wenn das keine gute nachricht ist!

Feicim go bhfuil sé seolta ... www.focloir.ie/ga/dictionar...

Lios an Mheatha

An bhfanfaidh 'dul faoi' mar a bhí sé: firinscneach?

Bhíos i lár na cathrach ar maidin agus - rud nár tharla riamh - tholg mé aicíd na hAoine Duibhe. Agus caithfidh a rá go raibh mé an-shásta leis na praghasanna.

Fíricí fánacha: 1. Sa bhliain 2024 comhaireadh 350,000 eitilt trasatlantacha. 2. Is ionann an dochar don aeráid mar thoradh ar an cogadh sa Chorrán Méith sa bhliain 2003 agus an dochar a dhéanfadh 150 milliún eitilt trasatlantacha ó Pháras go Nua-Eabhrac.

Táim ag féachaint ar shraith Dhanmhargach iontach darb ainm Borgen atá á taispeáint ar sheirbhís sruthaithe cháiliúil. Is faoin pholaitíocht í - ciallaíonn Borgen "an dún" nó "an caisleán" & is é an caisleán atá i gceist ná Christiansborg a bhfuil an dáil, an rialtas agus chuile shórt lonnaithe ann.