It Fryske kolleezje fan deputearre steaten lit it jild rôlje. Der wurdt de kommende jierren 100 miljoen ekstra ynvestearre. It jild giet ûnder oare nei ‘ikoanyske eveneminten’, it nije treinstasjon Ljouwert-Middelsee, religieus erfguod, wetterwaarmte en de bestriding fan ondermijning.

De flagge kin út op Skylge. Troch de tasizzing fan minister Karremans dat it Ryk ‘de helte’ fan de renovaasje fan haven en Willem Barentszkade betellet, is der wer perspektyf foar it eilân.

Minister Vincent Karremans fan Infrastructuur en Wettersteat besjocht de sinkholes yn de fearhaven fan Skylge mei de Skylger boargemaster Roel Cazemier, deputearre Matthijs de Vries en oaren. De manlju sille oerlizze oer de minne haven en Willem Barentszkade.

Grutte spanning tusken de BBB-steatefraksje en it kolleezje fan DS oer brief oan boeren oer pestisiden. De partij easket dat it brief ynlutsen wurdt. Kin liede ta politike krisis. www.omropfryslan.nl/fy/nijs/1844...

Provinsjale Steaten fan Fryslân slaggen der hjoed yn om mear as 8 oeren oer ien agindapunt te fergaderjen. Nei 8,5 oeren diskusje, tsientallen ynterrupsjes en 34 moasjes wie in romme mearderheid foar it Fryske plan fan oanpak stikstof. 26 steateleden stimden foar, 12 stimden tsjin.

De ekstra gearkomste fan Provinsjale Steaten oer stikstof is los, hjoed mei nestor Harry Graansma as praeses. De FNP trapet ôf mei fragen oan DS oer it ôfsluten dan kwelders en de Boschplaat op Skylge foar minsken. De provinsje hat hjir op himsels gjin rol yn, seit deputearre Matthijs de Vries.

In dei nei de ferklearring fan boargemaster Kanter Breuker wurdt yn de ried fan Tytsjerksteradiel hielendal neat sein oer it ‘ongewenste gedrag’ fan guon riedsleden op it yntroduksjewykein fan de nije ried op it Amelân.

GrienLinks yn Provinsjale Steaten wolle Waarm Heech helpe mei provinsjale garantstelling, sadat dizze pilot op it mêd fan aquatermy ek trochgean kin. De PVV stipet de moasje net. Neffens steatelid Graansma is aquatermy ‘freegje om nije problemen’.

De wethâlders Van Opzeeland fan Opsterlân en Van Weperen fan Eaststellingwerf binne kritysk oer it stikstofplan fan de provinsje. Sy dúdlikheid en ‘in yntegrale oanpak’. Sy freegje har ôf oft it plan fan de provinsje de súdeasthoek wol fan it stikstofslot helje sil.

De leden fan Provinsjale Steaten krije it dizze simmer drok mei de behanneling fan de POVI (Provinsjale Omjouwingafyzje). De behanneling giet yn 8 stappen. Fryslân rint net foarop; ferskate oare provinsjes binne al fierder. Yn de agindakommisje waard hjoed wiidweidich oer dit skema diskussearre.

Gaswinning ûnder de feangreide draait út op in gigantyske, strukturele kostenpost, seit steatelid Robert Lenes út namme fan BBB en PvdA. As it gas dochs wûn wurdt, moat Fryslân de rekken nei Den Haach stjoere. Oer de moasje wurdt sa stimd yn Provinsjale Steaten.

Nul froulike listlûkers fyn ik in wol hiel meagere skoare yn Weststellingwerf. De emansipaasje docht hjir blykber in stap tebek. Wol hear ik yn Wolvegea in waarm pleit foar in ‘wolffrije sône’.

Drok agrarysk ferkiezingsdebat yn Wolvegea mei ferskate nije partijen. De partij Lokaal Rechts wol dat swarte pyt wer werom komt. VVD-lieder Roelof Theun Hoen baalt dat Hart voor Weststellingwerf net by it debat oanwêzich is.

In bysûnder polityk foarum op ‘e Gordyk. Jongeren fan 15 en 16 jier nimme de 8 listlûkers fan Opsterlân ûnder fjoer. De earste ûnderwerpen: feilichheid op strjitte en strjitlantearns mei grien ljocht, sadat de flearmûzen der gjin lest fan hawwe. De wolf komt ek foarby.

De Fryske CDA-deputearre Friso Douwstra wie de ôfrûne tiid de grutte motor fan de lobby tsjin gaswinning yn de feangreide. Mar hy hat de keamerfraksje fan syn eigen partij net oertsjoegje kinnen. Fan de CDA-keamerfraksje yn Den Haach mei de gaswinning yn de feangreide trochgean.

BBB-kampanje foar gemeenteried hat lest fan krisis yn de partijtop. Dat meldt RTVNoord. www.rtvnoord.nl/politiek/138...

Dit binne de dielnimmende partijen yn de gemeente Hearrenfean. Mei twa gemeentlike listen. Fierder stiet Lidewij de Vos wol op it affisje, mar net op it stimbiljet.

It Fryske Parlemint praat hjoed oer mooglike Olympyske Spullen yn Thialf yn 2030. Der is entûsjasme, mar it moat gjin ‘blanco cheque’ wurde. “Fryslân kin dit net allinnich drage.” De FNP tinkt dat ‘Thialf 2030’ wolris grutter wurde kin as de Kulturele Haadstêd yn 2018.

Provinsjale Steaten stelle hjoed de kearndoelen foar it fak Frysk fest. In mylpeal, seit BBB-wurdfierder Froukje de Jong yn it Biltsk. Neffens de kearndoelen leare alle learlingen yn it Fryske taalgebiet Frysk praten en skriuwen op skoalle.

De gearkomste fan it Fryske parlemint begjint hjoed mei in petysje. Aksjegroep Skjin Fryslân pleitet foar in plattelân sûnder pestisiden en mei mei mear flinters. Kommissaris Arno Brok nimt de petysje yn ûntfangst.

De dielnimmers oan it Waddendebat binne ienriedich: it Ryk moat Skylge helpe om de wrakke haven en kade op it eilân wer takomstbestindich te meitsjen. Neffens demissioner minister Tieman ‘komt it goed’. It Ryk wol yn april in beslút nimme.

Moat Ljouwert op ‘e nij meidwaan oan de race foar European Youth Capital? B. en w. wolle hjir moarn al in ‘foarbeslút’ oer nimme, mar in diel fan de ‘âlde ried’ hat twivels. De nije ried mei letter in definityf beslút nimme.

Is it wol in goed idee dat Ljouwert fuortendaliks op ‘e nij meidocht oan de race foar European Youth Capital? Riedslid Otto van der Galiën hat syn twivels. Ljouwert moat earst de gong fan saken fan ôfrûne jier evaluearje, is syn miening. GroenLinks/PvdA neamt it in ‘non-discussie’.

Goeiemoarn! Ik soe nei de Twadde Keamer yn Den Haach foar it 2 minutedebat oer it Frysk en de maiden speech fan CDA-keamerlid Luciënne Boelsma. Mar dat wurdt him net hjoed…

It Ryk moat elts jier 400 miljoen euro sparje foar de Lelyline advisearret Lelyline-gezant Klaas Knot op it Lelylinekongres yn Den Haach. Mar der is ek in komplikaasje: yn it hjoed presintearre koälysje-akkoart fan D66, CDA en VVD komt de Lelyline net foar.

De provinsje Fryslân moat it eilân Skylge finansjeel helpe mei it fersterkjen en it takomstbestindich meitsjen fan de haven en kade op it eilân, fynt de steatefraksje fan de Partij van de Arbeid. De partij wol de Skylger opsinten hjirfoar ynsette, want provinsjale diken binne der net op it eilân.

Klaas Knot is Lelylijn-gezant wurden om wat werom te dwaan foar it noarden, fertelt er op de nijjiersresepsje fan Noord-Nederland yn Grins. Hy sil oan ‘e ein fan ‘e moanne ‘in earlik advys’ presintearje oer de kosten en finansiering fan de Lelylijn.

In goed overleg is er voor gekozen om iemand te begeleiden naar een nieuw dienstverband, seit waarnimmend boargemaster Stieneke van der Graaf oer de hege kosten fan de fertrekregeling fan de gemeentesiktaris. Dy kosten wiene 262.000 euro.

De polityk fan Weststellingwerf praat jûn oer de hege kosten fan de fertrekregeling fan de gemeentesiktaris. De man wurke 8 moanne by de gemeente, de regeling koste 262.000 euro, dat is omrekkene 33.000 euro foar eltse moanne dat de man yn tsjinst wie. Hart voor Weststellingwerf fynt dat tefolle.

Moarn gjin nijjiersresepsje by de provinsje Fryslân, mar hjoed wol yn Gouden Plak It Hearrenfean. De positivistyske takomst wurdt útsprutsen troch lokoboargemaster Sybrig Sytsma, want Avine Fokkens moat noch thúskomme út Súd-Afrika.

In alternative nijjiersdûk mar dan krekt wat waarmer. Yn swimbad De Welle yn Drachten. Der kamen op nijjiersmoarn sa’n 130 swimleafhawwers op ôf.

Folle lok en seine! Frijsteat De Folgeren hat hjoed de wurkleaze sinnepont fan de gemeente Smellingerlân even yn it lân lein. De frijsteat hat al sûnt 1963 elts jier in nijjiersstunt. Foar de besikers is der kofje, bier en muzyk lykas de tophit Heen en weer fan drs. P.

De Fryske tekst boppe, Nederlânsk dêr ûnder. Dat is de kearn fan de ferkearsboerdpetysje dy’t de Fryske Beweging fan ‘e moarn oanbea oan Provinsjale Steaten. De kâns dat der yn it Fryske parlemint in mearderheid is foar dizze fariant liket net hiel grut.

Yn in folle Lawei ropt LTO-foarsitter Ger Koopmans de boeren út Fryslân, Grinslân en Drinte op om op 18 desimber te demonstrearjen yn Brussel. De Europeeske Kommisje wol folle minder útjaan oan it lânboubelied. Boeren yn Nederlân sille dêr lest fan krije, tinkt LTO.

In stevige Fryske delegaasje waard hjoed ûntfongen op it Gouvernemint yn Mestreech foar in wurkbesite. Provinsjes mei eigen taal en identiteit kinne mear gearwurkje, is it idee. Limburg wol de eigen taal befoarderje ta offisjele taal en kin dêrby wol wat advys brûke.

Op it mêd fan de menukaarten jout Mestreech Ljouwert it goeie foarbyld. It Steatekomitee Frysk en Kommissaris fan de Kening Brok binne yn oantocht en kinne jûn sels ek genietsje fan kiesblökskes mei selderijzaajt. De kaart is kreas twatalich Mestreechs/Ingelsk.

Lâns betroubere boarne berikt my it berjocht dat Ljouwert gjin European Youth Capital 2028 wurdt, want dy eare giet nei Podgorica, de haadstêd fan Montenegro. No guts, no glory!

Nijsgjirrich artikel oer it Frysk, Katalaansk en Baskysk yn de Britse krante The Guardian mei ek omtinken foar de muzikale foarkar fan Mirjam Vellinga.

Provinsjale steaten fan Fryslân hawwe niiskrekt mei 40 stimmen foar en 2 tsjin advisearre om de regionale omropkonsesje ek de kommende fiif jier oan Omrop Fryslân te jaan. Allinnich de PVV-fraksje stimde tsjin. Diskusje wie der hjoed net: it advys waard ôfdien as in hammerstik.

Kommissaris fan de Kening Brok nimt hjoed ôfskie fan steatelid Maarten Goudzwaard, dy’t no keamerlid is foar JA21. Ien fan de grutste wapenfeiten fan Goudzwaard yn PS wie sûnder mis de leafdesrelaasje mei CDA-steatelid Wieke, dêr’t er no mei troud is. “Ik haw hjir in moaie tiid hân”, seit er sels.

In spesjaal oanklaaid ûntfangstkomitee fan Extinction Rebellion hjit de steateleden hjoed wolkom. Se sille dit tenei eltse moanne dwaan oant de provinsje wat docht oan glyfosaat en oar lânbougif. Se wolle dat de provinsje hanthavenet yn it belang fan de folkssûnens.

De FNP ‘wol leare’ fan de mislearre ferkiezingskampanje. It sittende bestjoer sil net wer foarstelle om oan keamerferkiezings mei te dwaan, seit foarsitter Jan Arendz oan it begjin fan de evaluaasjegearkomstr yn Jirnsum.

Measte partijen yn provinsjale steaten hawwe net folle fidúsje yn de plannen fan alternative regionale omrop ORT FRL. “Als we met ORT FRL in zee gaan nemen we een heel groot risico.” De steaten sille nije wike advys útbringe oer de konsessy foar 2026-2030.

De Fryske polityk praat jûn oer de regionale omropkonsessy foar de kommende 5 jier. It stiet op de wurklist, omdat der 2 gadingmakkers binne. ORT FRL wol de konsessy graach oernimme fan Omrop Fryslân mei in minder Frysk profyl. It Fryske parlemint moat hjir advys oer útbringe.

Fjouwer Fryske keamerleden hawwe woansdei de eed of belofte yn it Frysk ôflein. Luciënne Boelsma (CDA) sei “Sa wierlik helpe my God almachtich.” Maarten Goudzwaard (JA21), Habtamu de Hoop (GL/PvdA) en Femke Wiersma (BBB) keazen foar “Dat ferklearje en ûnthjit ik.”

Oant no ta hawwe mar fiif Europeeske minderheidstalen in film of searje op Netflix krigen. Foaral de Katalanen, Basken en Galisiërs dogge it goed, mar de measte minderheidstalen bestean net op it populêre platfoarm, konkludearret it Memmetaalforum op it Noordelijk Filmfestival NFF.

It Frysk Filmfûns dielt út. Op it Noordelijk Filmfestival NFF krije alve projekten jild tasein foar it ûntwikkeljen en meitsjen fan in koarte film, film of dokumintêre yn Fryslân. It fûns wol de produksje fan Fryske films stimulearje.

De grutske partijfoarsitter Jan Arendz iepenet de FNP-ferkiezingsjûn op ‘e Jouwer. Arendz ferwachtet dat de kampanje fan no de partij mear stimmen opsmite sil by de riedsferkiezings. Hy is dúdlik oer de ambysje: de FNP wol de grutste partij fan Fryslân wurde.

Der is fansels mar ien partij fan de regio’s, seit BBB-kopstik Femke Wiersma op de grutte ferkiezingsjûn fan har partij yn De Pleats yn Burgum. Wiersma rekkenet op in ‘goeie útslach’ nije wike. “It giet mei golfbewegings, mar wy bouwe troch.”

De FNP fear hjoed mei kampanjeskûtsje De Brijbek nei Den Haach. In hele reis, dy’t moarns om 04.00 oere yn Warkum begûn. It sintrum fan Den Haach waard tsjin tolven berikt, mar earst moast de mest noch in kear ekstra del fanwege in brêge dy’t net iepen gie.