No caption needed

مافيش أمنية دلوقتي باتمناها اكتر من اني أموت وانا نايم بكل هدوء وبدون معاناة، الحياة بقيت قاسية اكتر من اللازم ومابقاش عندي القدرة على التحمل ولا الرغبة في الاستمرار

لو حد عنده اصدقاء موثوق فيهم عايز يجيبهم هنا يقولي، معايا دعوتين وماعنديش حد تاني اجيبه هنا خلاص

غالبا النظام عندنا مبسوط باللي بيحصل في غزة، ومع كل مجزرة جديدة بيتبسطوا اكتر ان الانظار والضغط بقى بعيد عنهم ويقدروا يعملوا اللي هما عايزينه والناس مشغولين بغزة، ومع انعدام وجود اي رد فعل يخسرهم اي مكسب بقى عندهم ثقة في استمرارية وجودهم على الكراسي، نظامنا شريك اسرائيل في جرايمها

احنا مش قادرين حتى نهدد بسحب السفير، ولا قادرين ناخد اي موقف قصاد تجبر اسرائيل في غلق معبر رفح، ولا عارفين نفتح المجال لكام مظاهرة يبيضوا وشنا قصاد العالم، خوف ورعب وجبن وخزي وعار لا يمكن كنت اتخيل اشوفه من النظام الحاكم، موقف يعرفك فعلا مين اللي بيحكم مصر

احنا في عصر عجب العجاب فعلا، الانحطاط واصل لمرحلة لا يمكن كان الواحد يتخيلها ابدا، الزمرة الحاكمة ما شاء الله عليهم ماسابوش ملف الا وفشلوا فيه سواء بتعمد او لدواعي الغباوة، واللي جاي كمان مافيهوش غير أسوأ من اللي فات، الا لو صفقة القرن تمت، ساعتها يمكن نشم نفسنا شوية لحد ما نرجع تاني للمربع صفر

اللي فهمته ان موقف الدولة المصرية لحد دلوقتي هو السعي بقوة نحو الافراج عن الرهاين الاسرائيليين في غزة! تخيلوا؟ الدور المصري كله بجلالة قدره بقى في خدمة رهاين اسرائيل مش اكتر من كده، يخرب بيت الهوان وقلة الحيلة والله

مفيش موقف معلن ليه علاقة بالكيان الا بالتشاور اولا معاهم، ومفيش تصريحات عشوائية وليدة اللحظة، بيكون في هدف وخطة بأجل للوصول ليه وكل ما سبقه تمهيد

الأيام هتثبت ان الأزمة الاقتصادية كانت مصطنعة ومقصودة بغرض تحقيق هدف واحد فقط، وهو اللي بنشوف بداياته دلوقتي، مماطلة مصر وادعائها رفض تهجير الفلسطينيين لسينا مجرد اثبات موقف مش اكتر، بعد كده هيرضوا بحجة قرب اعلان افلاسنا، وهيقولوا اننا رفضنا زي ما شفتوا بس مضطرين نقبل علشان متجوعوش، والايام بيننا

الأمنجية اياهم على تويتر مش عاجبهم ان الناس هتفت عيش حرية عدالة اجتماعية ونازلين شتايم فيهم علشان نزلوا ضد صاحبنا مش علشان فلسطين، يا عيني اتصدموا انهم مش قطيع بهايم زيهم بينفذوا اوامر اسيادهم وبس

أي إسرائيلي "مدني" شايف إن في خطر على حياته لو فضل موجود في إسرائيل ياريت يحافظ على روحه ويمشي، أو يقتنع بالحق والأمر الواقع إن الأرض دي مش ملكهم لوحدهم وإن في بشر كانوا عايشين فيها قبلهم ويا نعيش كلنا عيشة فل يا نموت إحنا الكل

ايه نوع التدريبات والعمليات الاستخباراتية والتمويه واللوجيستيات وكفاءة التخطيط والتنظيم والتنفيذ اللي يطلعوا عملية بالشكل ده ضد واحد من أقوى ١٥ جيش على مستوى العالم؟ وبالمناسبة، التاريخ أثبت وبيثبت أهوه ان العالم دي بيظهر فشلها وجبنها وعدم ايمانها بأي قضية بمجرد ما بيتضربوا فجأة

مش قادر أتخيل رد فعل اللي بيهاجموا طرد المستوطنين من مستعمراتهم لو كانت شرم الشيخ مثلا لسه تحت الاحتلال وحصلت عملية زي دي لطرد المستوطنين منها، حقيقي عقلي مش مستوعب ان ممكن شخص عاقل يهاجم فعل زي ده لأي سبب مهما كان

في مشاهد عظيمة جدا بتتذاع ع الهوا دلوقتي لأسر مستوطنين اسرائيليين وهروب غيرهم جري في الصحرا كده بشنط هدومهم، ماهي مافيش دولة ظلم واحتلال الا وإلى زوال والله

غالبا اكتر حاجه مخلياه منفسن من مبارك انه كان طيار وهو كان ثانوية جوية وسقط في الكشف الطبي بتاع الكلية الجوية وحولوه حربية، ومن ساعتها وهو معلق صوره في قصوره وهو لابس بدلة الطيران يا ولداه

بمجرد ما تبدأ تستخدم ميليشات مدنية ضد معارضيك اعرف انك وقعت في الشلاحات والدنيا هاتفلت منك ومش هاتعرف تلمها تاني

عصر الأسرة النخنوخية

كيلو اللب الأسمر وصل ل٢٠٠ جنيه والأبيض ٢٤٠، من عشر سنين بالظبط "مش من السبعينات يعني" كيلو اللب الأسمر كان ب١٢ جنيه والأبيض ١٦ ‏End of text

الواحد ماكنش ممكن يتخيل أبدا انه هايحسد نفسه ويتحسد علشان عاش فترة التمانينات والتسعينات! أطفال ومراهقين الزمن ده صعبانين عليا فعلا ان الحقبة دي كانت المفروض تبقى أحلى فترات حياتهم

الصياغة صياعة

انتي لابسه ايه يا غادة احبيبة قلبي دلوقتي؟ #وطنية_احمد_التباع

السمنة بتنز تأثرا بانتصار أكتوبر اللي لا شارك فيه ولا يعرف عنه حاجه أكتر من اللي احنا عارفينها غالبا

ك*ميات نجيب سرور بترفرف في سماء المحروسة وروحه بتقولنا كل كلمة كتبتها عن البلد دي عمرها ما خيبت

ماليش نفس اهزر ولا اقلش على اعلان ترشحه والمهازل اللي عاملها في الشوارع، الحكاية ماتضحكش واللي جاي مأساوي ومرعب لأقصى درجة

الست سنين الجايين دول هايكون فيهم دم، المره دي مش هاتعدي على خير

مع أول خناقة بين أنصار طنطاوي وبلطجية الترامادول قدام مكاتب الشهر العقاري أو في احتفاليات التأييد هاتتدحرج كرة التلج وهاندخل في منطقة سودا ماحدش عارف هانخرج منها ازاي

هاينزل الترامادول على بطاقة التموين باين

الواحد مكسوف من نفسه أوي ان اللي باكتبه هنا مابقيتش قادر اكتبه على تويتر او الفيسبوك، ربنا ينتقم من اللي كان السبب

رحلتي من "ده انا لو ينفع اتباع هاتباع" ل"بيعوا دمكم واعملوا قرشين"

خطاب الترامادول ده هايبقى علامة فارقة زي خطاب الشرعية بتاع مرسي كده، أول مره من ساعة ما مسك الحكم يتعمل مونتاج لخطابه ويتعمل ريبورتات للفيديو على كافة المواقع اللي نشرته علشان ماحدش يشوفه، هما عادة بيبقوا خايفين منه ومش بيقطعوا ولا بيحذفوا كلامه، المره دي واضح انهم قالوله فضحتنا واسكت بقى

هذا الشعب لم يجد من يظبطله دماغه

النمو والتنمية والترامادول الوفي

فيما معناه، لو حد فكر يثور ضدي او لو حد متخيل انه ممكن يكسب الانتخابات او حتى لو حصل عليا انقلاب عسكري هابقى جاهز بالبلطجية بتوعي يهدوا اليلد على دماغكم، هايقعد لما شاء الله مرفعنا بالسلاح والبلطجية، وزي ما عملها في ٢٠١١ (باعترافه) هايعملها تاني وتالت ورابع

ده بيقول في اخر الفيديو : "زي ما نزلتهم -مش انا- زي ما نزلناهم في ٢٠١١" twitter.com/SherifOsmanC...

عبد السند مش هايتعمله كشف طبي، هايتعمله كشف يمامة

2023-1997=26 يا سنة سوخه!

خلونا نتفق من دلوقتي، اللي هاياخد ال٢٠ تأييد المطلوبين من مجلس النواب للترشح للرئاسة هو اللي متفق مع النظام على تمثيل الدور في المسرحية، قولا واحدا

لما طنطاوي عمل كل الزخم ده مع الناس، أمال لو جيمي حبيب الملايين نزل هايعمل ايه؟ هو اه كله عبث في عبث، بس الطوفان اللي هايهتف لجيمي هايبقى شوكة في (….) فولدمورت

‏مشهد محلي لطيف تحت عنوان الجنازة حارة والميت كلب

يعني هما لما يعملوا كده خلاص بقى ده دليل على الشعبية الجارفة؟ طب ولو ماعملوش كده ومشوها باللي بيحبوه وبيدعموه سواء من المهابيل او المنتفعين او المماليك مش هايلموا على الاقل ١٠٠ الف توكيل؟ الحركات البلدي دي مالهاش أي مبرر غير المكايدة والردح بعيدا عن أي شغل سياسة عليه القيمة

مستوى الخيال والعبث وصل لدرجة ان الناس عايزين طنطاوي لما يتسأل عن المثليين يطلع يقول اه والله انا مع حقوقهم ونعملهم مسيرات فخر في شوارع امبابة والسبتية وعزبة ولاد علام واكسب بس الانتخابات وهاعملهم جمعية شرعية بإسمهم، يا اخوانا فوقوا بقى، لا في انتخابات ولا في مرشحين ولا هايجيلنا رئيس من سويسرا والله

طبق السلاطة ٢٠٢٣ بنفس سعر كيلو اللحمة ٢٠٢٠

البداية تبشر بانتخابات ديموقراطية حرة كلها نزاهة تحت عنوان أحسن من الشرف مافيش يا سكلانس، بس اوعوا تقاطعوا يا جماعة لاحسن تبوظوا العرس الديموقراطي ولازم نشارك بكثافة علشان نحرجهم بطوابيرنا #السذاجة_في_التلاجة

من يومين كتبت على جوجل "كم يبلغ سعر كيلو البصل؟"، ربنا يستر بقى

تعريصة ان الرشوة تبقى حلال علشان نسلح الجيش دي كانت هتبقى حلوة أوي لو طلعت وقت ما السادات كان بيخلع من الاتحاد السوفيتي وبيترمي في أحضان أمريكا، وقتها القطط السمان كانوا هايهللوا لعبقرية ودهاء التعلب المكار اللي حارب اسرائيل برشوة الامريكان اللي بيدعموا اسرائيل، بس دلوقتي انتي بترشي علشان تتسلح ليه؟

هو فونت العربي فيه حاجه غلط؟ الكلام مش ظاهرلي مظبوط، دي مشكلة أيفون ولا مشكلة عامة ولا مشكلة عندي بس؟

الهجرة الأولى من تويتر لبلوسكاي، عقبال الهجرة التانية لكندا قريبا بدون مقاطعة