عقبال ما يجي رمضان وانا خريجة واخلص من هالبلد🙏🏻

يامادا الياباني عنده وطنية وحب اتجاه سوريا اكتر من كل قرابتي

انا من اول حياتي كنت قول طب بس لو ما صار ما كان عندي مشكلة و بفترة الثانوية كنت عم فكر عنجد صير محامية لأنه كنت حس خرجي بالواقع بس سحبت عالفكرة لأنه اهلي ما بدهم حدا من ولادهم يدخل هيك سلك و لسبب ديني كمان، كان ممكن ادخل هندسة عمارة كمان حلوة بس خلص لفيت ودرت ورجعت للطب

ليش الاشياء الحزينة بتطلع حلوة اكتر؟ (دراسة انا عملتها) يعني مثلا اناشيد، اغاني، القاء شعر، روايات، عطول يلي بتكون حزينة احلى و قليل تلاقي حدا عم يسمع شي سعيد مثلا، او يمكن هي انا بس مع انه كشخصية ابعد ما يكون عن النكد والسلبية بس كلشي حزين بيجي أفخم و احلى عالسمع

هَوّن عليكَ فما الدُنيا بِدائمةٍ ولا المَقاديرُ تَجري كُلها سَعدُ

اشتقت للأيام يلي كنت صوّر فيها كانت لقطات بسيطة بس بتعجبني

في شي كتير زاعجني ما بقدر احكي فيه بالواقع، انتشار قصة عدم الرد عالرسائل لمدة ايام او اسبوع والشخص نفسه موجود بتطبيقات تانية ما بنم إلا على قلة احترام للطرف الآخر واستحالة اله مبرر، والإختفاء بنص محادثة "بلا سبب حقيقي" بس لأنه رسائل؟ انت بالواقع بتقدر تنسحب؟ لا لأنه قلة ذوق، نفس الشي بالرسائل عفكرة

الفعالية كتير حلوة عحبتني كتير أبيات وحفظتها عندي، نتمنى التكرار كل فترة🙏🏻

كان كتير صغير بالعمر بس الله راد يفتح بصيرته للصح رغم عن رفض اهله، الواحد بيزعل عليه بس بيتذكر انه بالآخر في جنة وهو كان جاي ومستعد للشهادة ونالها، الله يرحمه ويتقبله شهيد يارب

راحت عليي ولا لسا هي اول مرة بفتح مجال للأسئلة مع انه ما عندي شي سرّي يعني

المجلى اكتر مكان بالعالم كله بخليك تعيد التفكير بكلشي وتحلل وتربط وتتذكر احداث وتفتح دفاتر قديمة وتتدايق من مشكلة الها شهور وسنين حتى👍🏻

6.2.2023 انا بكره هاد التاريخ و بكره هي الليلة والذكرى كل سنة، ليلة الزلزال، الفجر يلي انمسحت فيه المدينة مسح، كانت تاني مرة منفقد بيت، فقدنا ناس وذكريات وحياة كاملة، صارت المدينة مُشوهة لدرجة رغم كل السنين يلي عشتهم فيها ما قدرت اعرف شارع واحد، هي الذكرى تُضاهي ذكريات دمار وطني.

هيك كل الفعاليات يلي عم تنعمل لأول مرة راحت علينا كمغتربين حتى معرض الكتاب رغم انه معطلة ما صرلي نصيب انزل (لو نزلت اهلي ما رح يطرقو مشوار كرماله اصلا) معرض الكتاب ذكرى التحرير ذكرى الثورة مليار احتفال بسبب وبلا سبب لن نحسدكم يا يلي عايشين جوا🫵🏻 بس معلش تذكروا قراءة المعوذات😔

هي القصة صارت انفتحت ولا عشرين مرة بتويتر من اول التحرير مرة عالشوام مرة عالحلبية مرة عاللاذقية و يلي بحب ينتشر حسابه بيحكي عنن، الحق على يلي برد انا ببلك و بمشي و ما بقا بيطلع النشح بوجهي، كل ما حدا رد كل ما انتشرت اكتر لو الكل يزبلهم كان انخرسو من زمان

اكتشافك بكل عطلة حقيقة انه حياتك عبارة عن دوام وبس موجعة شوي🌹

مبارح مدري الصبح شفت تعليق بتويتر وحدة كاتبة انه الشطارة تمنع الجريمة قبل ما تصير مو تمسك المجرم بعد ما تصير و كتبت كمان "انتو كتير بتخجلو كتير" مستحيل يمكن هاد اغبى شي شفتو بتويتر من سبع سنين لهلق😭 كل مرة بنصدم شقد في مستويات غباء بالعالم

كنت على وشك اكسر نظارتي الغالية يلي لففت اهلي السوق لحتى عجبتني على تكة بس كانت طقت😍 و مرة نمت فيها طول الليل بالغلط الله حماها للمرة الما بعرف كم🙏🏻

كنت عم اتفرج على هجوم العمالقة و ختمته المهم باقي بس انا و الكاتب عايشين🫶🏻 كل حلقة بيقتل حدا لو حاقد عالشخصيات ما هيك

مزعوجين من المشهور يلي اخد صف واضح؟ اساسا مو اول مرة ببين هن مع مين واقفين، انزعجوا من الرمادي الساكت المخروس يلي عامل حاله عايش بكوكب تاني وهو محسوب علينا فكرة الكنسلة صعبة و حتى مستحيلة لأنه اصلا اغلب متابعينهم اطفال و

ليش الأغلب بشوف انه دخول العواطف بالنقاشات خطأ مُطلق؟ الحياة هيك وهيك انت ما بتقدر تكون منطقي دائما مشان نكون واقعيين شوي، و لما ناخد القرار الصح بالعقل بس نحنا فعليا ما بدنا اياه رح نعيش بتعاسة لحد ما نتعود على هي التعاسة و نتعايش معها، ليه دائما في تصدير للفكر العاطفي انه يا لطيف ما بصير تفكر هيك؟

صديق العطلة الجديد✨

ستاند اب كوميدي ابيخ و اتفه شي وصل من الأجانب للعرب👍🏻 تافهين و بايخين و ما بضحكوا و عالأغلب عالأغلب بتلاقيه عم يحكي أشياء ما بتنحكى مشان يضحك الناس

بعد خمس شهور من الدوام و الاختبارات و فيقة الفجر اليومية، اليوم بدأت الحرية المؤقتة و رجعت من الامتحان طلع خبر موتة المجرم يعني اروق و احلى من هيك يوم مافي ولا كأنه يوم عيد🙏🏻 حتى الهوا غير والله

حكيتو عن التعدد مع مزح بس اذا بدنا نجي للجد انا ما بفهم يلي بعدد "بلا سبب حقيقي" واحد حياته زابطة بيشتري المشاكل؟ مهما حاول رح يلاقي طن مشاكل فوق راسه، الاهل رح يتقاتلو و البنتين رح يتقاتلو و انت رح تلاقي كومة مشاكل فجأة هبت عليك من كل الجهات و ممكن توصل انه مرتك الاولى تطلق منك، باللّٰه مستاهلة؟

عالسيرة من كم يوم اجا عالعيلة طفل جديد و ابوه سماه عز الدين🥹 حلوة هي الأسماء يلي بتعطي فخامة

"لازم اعطي رأيي بكلشي" هاد مرض "انا بفهم بكلشي" كمان مرض "التهور وتصديق كل ما هو مكتوب و عدم الانتظار والتروي و بالتالي كتابة آراء في لحظة جهل" هاد تالت مرض "انا ماني بأرض الواقع بس مع هيك بفهم اكتر من يلي حطو ارواحهم للموت و استشهد منن كتير" هاد رابع مرض اي اي 80% من اهل تويتر مصابين بهالأمراض

أربع أيام تفصلني عن يوم الحرية المنتظر من خمس شهور🙏🏻

بشهر الامتحانات بسبب انعدام الوقت بنجبر ما اطبخ و اطلب من برا اكتر من العادة و كل مرة بندم نفس الندم بعد كتير تجارب اقتنعت انه المطبخ المصري👎🏻

بهيك ليلة بحب انه جدد اشمئزازي و كرهي لليالي مصر والغربة مع تعدد الأسباب🫶🏻

مادة الأدوية مستفزة على قد ما بتخربط بتدرس و بتحفظ و بالآخر ولا كأنك درست

بدي اطلب منكم تدعوا لماما الله يشفيها

اعتقلوا الكاتب أيمن العتوم و لسا ما صرلهم عشر ايام يمكن معتقلين ابنه بعدين مطالعينه و لسبب سخيف مشتهية شوف الأردنيين يلي اكلوا راسي بالواقع انه الأردن بلد الحريات

كل مرة، كل مرة ما بتروح غير على أهل الشهيد بمختلف المواضع و الظروف.. دائما المتضرر المستمر هو الجريح وأهل الشهيد الله يعين و يصبر قلب الأهل...

نصيحة مفيدة🙌🏻 لا تتعود تاخد دوا من اصغر وجع بالأخص وجع الراس لأنه كتير بيتكرر اذا وجع بسيط لا تاخد لأنه مع الوقت الحبة الوحدة ما بقا بتأثر فيك و بتحتاج تاخد تنتين و تلاتة لتفيدك و اذا استمريت على نفس النهج كل مرة بترتفع الجرعة اكتر بالحالة العادية ما لازم يكون خيارك الأول هو الأدوية عطول

في كتير مفضلين عندي بس هاد بحبه كتير ولهلق ما تخطيت كيف بعد ما لقته لجورج و اكتشفت انه عايش مات هو و ويليام مشان هي ما تموت😔

احترموا مشاعر يلي من 2015 ما شافت تلج😔

مبارح كان حفل تخرج دفعة طب اكبر مننا وانا تركت كلشي عليي و قعدت شوف كيف عم يتحرروا من حياة العبودية الطويلة ياااه متى دورنا بس😔

انحرقت شاشة تلفوني الأصلية قبل مبارح الواتس يلي عليه ما بقدر افتحه لأنه الرقم متوقف بسبب الإقامة تقريب ال12 الف صورة و كله مهم إذا ما تصلح و رجعوا رح جن قدمت امتحان صعب من خمس ايام اليوم قدمت امتحان من 300 صفحة بس 30 سؤال و كله أدوية وأمراض بعد بكرة عندي برزنتيشن مع جروب ما اشتغل شي ملخص آخر اسبوع

جزء من يلي داقها برا و جرب الشعور ما تغير و لسا بيتعنصر على غيره مثلا بتركيا رغم كل العنصرية علينا شفت سوريين داقين ببعض من نفس النوع بحس مستحيل يخلص الموضوع بعد ما كبرو بهيك بيئة و افكار اصلا

انا عم اسمع عن اكلات لأول مرة بحياتي شو هاي امامّنة؟ و كلال مدري ضلال؟(جد ما عم اتظارف والله ضيعت التغريدة) و كبة حيلة؟ و ملطوش؟ و كمان مية فرنجي🤨 و نصهم ما عرفت طريقة النطق الصح صار لازم حط ابداعاتي بالموقع ترقبوا الفن الحقيقي

ما بتعنيلي فكرة هو بمثل البلد ولا لا والله آخر همي، في بقلبه شبيح واحد؟ اوك خلص هو تشجيعنا و عدمه ما رح يفرق بس الفكرة هي المبدأ و المفروض انه المبادئ ما بتتغير ما بعرف كيف نص الكارهين للمنتخب قبل التحرير صارو مشجعين فجأة

كل ما بصير أحداث مهمة بكون عندي إختبارات وقتا كانت أسوأ مادة قدمتا بحياتي العشر أيام كلهم بالتخت مع باكيت محارم خلصته مع يوم التحرير ما عملت ولا أي شي تاني بس المعركة بتستاهل😆

شخص معتقل من عشرين يوم بدون ذكر الأسباب حتى لمرته، يمكن الحكي ما رح يغير شي بس السكوت رح يخلي القصة تتكرر، ليش مافي صوت للشارع؟ ليش مافي حتى نتفة تجمع بالشارع؟ لهالدرجة الناس بسوريا غرقانة بالحياة و مالها خبر شو عم يصير؟ عدم إعطاء ردة فعل كبيرة رح يسمح للقصة تتكرر اليوم جاسم... بس بكرة الله أعلم مين

قد ما كانت سوريا سيئة بنظرك و قد ما كنت مو شايف شي منيح فيها بس تجرب تعيش برا و عند أصغر الأمور تحس انك غريب و هالبلد مو الك ولا المكان مكانك و لا رح تعرف تتأقلم اجباري رح تحس بالرغبة للرجعة لبلدك مهما كان وضعه بهوي و مهما كان فيه مشاكل لأنه قد ما حاولت رح تضل غريب برا شو ما كان الظرف تبعك

انا مرة وحدة بعتت تسجيل عشر دقايق عم اشرح مشكلة و مرة بعتت واحد خمس دقايق عم حل مشكلة رفيقتي غير هيك ما ببعت لأنه الأغلب ما بحب يسمع تسجيلات طويلة بس مني و علي بسجل ما بحب استنى شوف الشخص بالواقع لأنه بتموت القصة و بتروح لبين ما نلاقي فرصة

بستغرب من يلي بيكتب عن شي معروف انه مثير للجدل و رح يجبله كتير حكي و بالأخير بيعمل حاله انصدم من كمية الهجوم مثلا، انا بدعم التعبير عن الرأي بكلشي بس إذا رح تنزعج و تزعل من ردة الفعل "المتوقعة" ليش عم تناقش؟ خص نص تويتر بيئة فيها كل فئات البشر، اذا ما بيزعجك و ما بأثر فيك الكلام وقتا اي عبّر براحتك

لو حدا عنده بوتات مميزة لمختلف القصص يفيدنا🙏🏻

كان عندي بوت تلغرام بعتبره كنز بنزل أي مقطع بالنت كصوت و ضاع مني و ما عدت لقيته :)

ليش كبني ادم بتخلي كلشي بتلفونك اسود؟ اعطيني سبب افهمك تويتر اسود انستا اسود غوغل اسود الغاليري اسود لك حتى الواتس اسود ليش كل هالسواد بكلشي بعدين بتقولو ابصر ليش مكتئبين شبو الأبيض والله حلو بيفتح النفس خفف الإضاءة شوي بيطلع رائع

توتر ليلة اختبار الاوسكي لا بد منه والله هاد الوحيد يلي ما عرفت سيطر عليه من أسوأ الليالي الجامعية عنجد