تباً

يكفيهم حديث النبي صلى الله عليه وسلم: أتاكم أهلُ اليمنِ، هم أضعفُ قلوبًا، وأَرَقُّ أفئدةً، الفقهُ يمانٍ، والحكمةُ يمانيَّةٌ.

مرة أنا وأختي ونحنا صغار كنا عم نتخانق ونتضارب (صغار كتير يعني عمرنا ٣-٥) ضلينا نتناقر ونجوص ونلوص ونكركب ونضوج وأزعجنا البيت، وإذا أختي لحقتني بالهجوم الساحق وأنا عم اركد واهرب منها وزعوِط (صرّخ)، بهاللحظة أمي طفح معها الكيل ولحقتنا وعطتنا هديك النظرة، قام أختي حطت إيدها دغري ورا ضهرها ..

اتحاد الدول المنكوبة شي حقيقي :)، هي نبذة عن تعامل رفقاتي اليمنيين معي بالغربة. مستحيل انسى لما كنت داخلة بنوبة اكتئاب ومو محضرة شي للأوسكي ورفيقتي اليمنية أخدتني غصب عني على كوفي وقعدت تشرحلي وتعطيني المهم وقعدنا شي سبع ساعات مثلاً (وهذا نادر بين طلاب الجامعة، كيف لو طلاب الطب؟)

اتفق وشغلة تانية مؤلمة حابة صارحكم فيها، للأسف، غير الي اتواصلوا معهم، إي ما عنّا شعراء

+١ ونفسي أعرف مين أول واحد قال إنو الشيء البايخ المدعو في سبيل المجد لعمر أبو ريشة ! يعني شاعر أكتر شي بميزه الصور البيانية يكون كاتب هيك شي فقير وضعيف بالصور البيانية بكل أنواعها، لك الواحد بس يقرأ المواكب تبعه بيعرف إنو مستحيل يكتب شي بهالغلاظة

إيه شاركونا

هالكلام صحيح ورح ضيف عليه شوية تفاصيل يمكن تفيد. إدمان تطبيق معين بيشبه تماما إدمان السكّر والشراهة، لما شخص يقرر يقطع كل الأكل يلي بحبه تماما فجأة ويتبع دايت قاسي هالشي ما بيعمل عندو إستمرارية ومجرد فترة وبيصير عنده انتكاسة وبيرجع بياكل أكتر بكتير وبيسمن أكتر من قبل، لهيك الحل ماله صفري بل تدريجي ..

طول الوقت كنت مفكرة القمة فيها المثقفين الجديين وهي أفضل شي، لحد ما جربت انزل للقاع المزدحم قام لقيت الناس هنيك ظرفا ودمهم خفيف والله.

صباح الخير عليكم أيضاً، للسخيفين منكم الهاربين من ضغوط حياتهم فقط.

ليش كلكم هاجمين عليه بالتعليقات؟ مافرقتوا عن يلي هاجموا المظاهرة بالشام، كلكون همجيين وللأسف هاد سبب خلافاتنا وتفرقنا من الثورة لهلئ، وبالنهاية بحب قول شغلة وحدة ما لهزا خرجنا

يا جماعة هي بلكتني ليش؟ كل ما يدق الكوز بالجرن بتتفششوا بالشوام حسبي الله

الله يكتبلنا شعور السكينة والأمان بعد هذا السعي والغربة الطويلة

الناظر للمجدرة بنظرة الشفقة أمسك بالقشرة وترك الجوهر. جمال المجدرة كامن في بساطتها وتوفرها وقدرتها على الوفاء بما يلزم: إشباع الجائع وإتخام الشبع بأقل الإمكانيات وأكثرهن مروءة وكرامة. وهذا عندي عين الجمال.

أتفق، دعوا المقارنات جانباً واستمتعوا بهم

يلي بعتوا صهرهم الرئيس جوعان على حماة عم يحكوا

أحيانا بحس الحكومة حاقدين عالبكور وعم يحاولوا بكل الطرق يعملوا عنده كل أنواع الترومات

شهر ٩/٢٠١٩، فقت من النوم الفجر عالبرندة لقيت جدي قاعد جنبي على كرسي وعم يسبح، بعد غياب ٨ سنين، وقت انفتح المعبر بين سوريا والاردن، فزيت من أربعتي قام قلي: خليكي نايمة جدّي لا تقومي🥹 رفعت جوالي وصورته ولهلئ الصورة خلفية أجهزتي، الله يجمعني فيه عن قريب

أشياء لطيفة عشوائية لأنو مافي شي لطيف بالفضاء الإلكتروني هذه الأيام👍🏻

بتعرفوا ليش بكره الهمجية؟ لأنو الهمجية ما بتمثلنا.. نحن الشوام، وكل المحبة والاعتذار لأهلنا بالسويدا…السويدا جزء أصيل من هالبلد ومن روحها

بكره الهمجيّة، الهمجيّة بكل تفاصيل الحياة، من المدافشة على الاصنصير بالداوم، للسعار الغوغائي يلي بالانترنت مشان هيك بكره اتعامل مع الناس بتويتر، دغري بحطوا الناس بقالب معين وببلشوا اتهامات شروي غروي، مافي احتمال يفكروا عشر ثواني قبل الهجوم، وأنا بكره نقاش المنتصر .. يلي مابده يسمعك بس بده يحس إنه جلدك

عم إدرس وغفيت شوي، واجتني أحلام العصر، الحلم كان فيه اللا سارّا عاملتلنا صالون أدبي بالمشفى يلي بداوم فيه والحاضرين هنن أعضاء التايم لاين بالسما الزرقة وفجأة كلنا منطلع ومنصير مندبك I think I need a break

في ناس مهووسة إنها ما تحكي الحقيقة. أكتر المصريين منفصلين عن الواقع، واقعهم، واقع غيرهم، وبيعرفوا كره إسرائيل وآمريكا وحب فلسطين وصلى اللّه وبارك لو إسرد كمية المواقف يلي بتدل إنو الشارع معزول عن العالم ما بخلص،

I hate those *** calories طلعت بالبريك جيب أي شي أكله لقيت كل الي حولي قالبين المنتجات وعم يشوفوا السعرات، وكلهم عندهم سمنة، بالمول نفس الشي بتتطلع كله جايب منتجات أورغانيك وخالي من كذا وبروتين وغيرو، مع العلم إنه هوس الناس بالسعرات والجداول والمنجات المصنفة إنها صحية متزامن مع زيادة معدلات السمنة

بحس كسوريين منستثقل النقّ وعندنا صعوبة بالتعاطف، تعرفنا على صديقة ب٢٠٢١ كانت مغتربة حديثاً مع أهلها وداخلة باكتئاب عميق بسبب فراق -العائلة، كنت ما أفهم أصلا ليش تكتئب يعني -وباقي رفقاتنا نفسي كل تفكيري إنو ليش ل أتحمل كل هالنّق، هاد أقل شي صار بحياتنا بنفس الوقت ماكنت بعرف إذا نحن أسوياء هيك ولا لا

اليوم رجعت من المشفى وجبت أغراض الكيك وعملتو وقررت أعمل لحالي حفلة بدون سبب🥳

عندي مهارة الكتابة، مقالات وقصص ونصوص ومحاولات شعرية (آخر مرة عملت مدونة نسيت كلمة سرها). والرسم، ما المشكلة إني ما بستخدمها بس ما بعرف كيف إستخدمها وبحبشت بالزمنات بس ما لقيت شيء مفيد.

يا جماعة لا تناقشوني هون، هو أنا بالي طويل وما بحب المشاكل بس كمان ما بحب النقاش، يلي بده يناقشني في عندي حساب بتويتر نفس اليوزر، يبلكه.

مبارح ضليت امدح المنصة لرفيقتي الخليجية وانه ونس ومافي محورجية ولا صهاينة واجت لهون قام لقت فادي قالتلي: ضايفين فادي الملحد!!!

هديك المرة لما كان محمد الدبس علقان بيمان لقيت أخي الكبير عم يدور على رقم خانتنا بشنتاية الأوراق الثبوتية😂😂😂

عندي قصص بتضحك عنكم وجعبالي إسردها مشان تزين القعدة بس عم استخير.

Absolutely masterpiece

روح لعند جدّي وستي بالشام وأقعد بأرض الديار

أول سنتين الجامعة كنا لازم نعمل بحث مع كل مقرر، ودائما كنت أتلبس بتصميم الملف وتوفير الفلاشة وعرضه عالبروجيكتور، لأنه طلاب الطب ما بيعرفوا يستخدموا word ومفكرينه بده هكر

‎أنا تعبان يا سيدي من الحياة هون، ‎من أول حرب غزة كرهت الروحة عالجامعة وكرهت الدوام بالمشفى ‎ومن بعد تحرير سوريا كرهت كل شي أكتر ‎نفسي عيش بحرية، كل شيء يزدريك ويهدد أمنك. ‎لا شيء يعجبني ياعمّي، أريد أن أبكي

مالي طايقة الحكومة اليوم على قرار طلاب الحسكة وحفلة السويدا ف رح عبر هون لانو مابدي ينبسط عليي المحورجية والقسدية والفلول والأشقاء هنيك

الرأي المتمرد هو أن يعجبك الشعر الحر لا أن تنتقده وتقول عنه مو شعر، لأنو ٩٥٪؜+ من الناس حتى يلي ما مهتمين بالشعر بقولوا هاد الرأي. بالمناسبة أنا بحب الشعر الحر وهو متل أي أدب فيه ناس يجيدوه وناس لاء، وأفضل شعراء الحداثة حالياً الشاعر السوداني محمد عبدالباري.

نزار قباني بياع حكي، في إلو قصائد جميلة جداً لكنه حوّل شعره لصنعة، الناس بتصفق لأيّ شيء يقوله نزار وهو بيضحك على عقلاتن (النسوان بالذات) وبينشر شغلات حتى هو ما مقتنع فيها، ولو هلئ ينشهرها بصيروا يتمسخروا عليه ولا مين في شاعر بيقول: إن كنت تعرفين رجلاً يحبك أكثر مني فدليني عليه لأهنئه.. وأقتله بعد ذلك..

في شي دائما بفكر فيه لما الناس تكون علقانة مع عمر الشغري، واحد بقلك كونك معتقل سابق لا يشفع لآراءك وواحد بقلك مافي أي احترام لرأيه مع إنو معتقل سابق والأخير مع إنك معتقل سابق بس رح اختلف معك. إيمتى المعتقل السابق بده يتحرر من كونه معتقل سابق ويقول رأيه الصح أو الغلط كإنسان عادي، مو كمعتقل سابق؟

قصة استشهادك أكتر شي أثر فيني، لما صرت بالعشرين كل سنة بحس بالخجل إنه أنا وين وأنت وين، برجع بقرأ القصيدة يلي كتبتها عن شعورك بالتقصير وبحس بكل كلمة وببكي، بسخف كلشي بعالمي وما بخاف على حياتي ولا بهتم لهالعالم لإنك استشهدت بغرفة التحقيق بعز شبابك كرمال الحق، بكره إني كبرت مع عيلة بيخافوا من اسمك.

مستحيل تحزر مين عمل كوكيز -بعد عام من عدم صنع الحلويات- بسبب تحليقة هادي.

قالتها وطارت من السما الزرگة.

طليعة مرتّبة.

لقيت أمي عم تتخانق مع محورجيين بالتعليقات.

ب٢٠١١ لما عملت فيسبوك كنت كل ما حدا يقبل طلب صداقتي نزل بوست باقة ورد مع شوكولا وأكتب شكراً (اسمه) على قبول طلب الصداقة

رفيقتي (القديمة) 😔

يا الله شو بتنرفز من كتابات الشخص يلي اسمه باحث شرعي عن أي شي بخص فلسطين وزادت النرفزة لما كتب عن عبدالرحمن عم يذل نفسه و جايب دليل شرعي وحاطه بسياق عشوائي، المشكلة كمان مافيك تتخانق معو لأنو (باحث شرعي)

لوحة من لوحاتي، عمرها ٦ سنين

أرجوكم كفى