كتير عندي طاقة احكي عن الجانب النفسي وتأثيره بسلوكيات الإنسان الغذائية وكيف ممكن الإنسان يقتل نفسه وهو مو ملاحظ إنه عم يعاني وممكن محيطه عم يدعمه بالعذاب يلي عم يحطه على عقله وجسمه باسم الإرادة والصحة والوزن

ولنا موعدٌ على جبل الشيخِ كم الثلجُ دافئٌ.. وحنونُ

مهما قرأت روايات عربية ما زلت عند قناعتي أن فن الرواية غربي لم يبرع به العرب.

بعتولنا تنبيهات انه رفع العلم فيه ترحيل 😂 يلا العوض ببلدنا وبين أهلنا

"لكأني بجيش النّور يطرد فلول الظّلام وكأني بالليل يولّي بعد أن مكث طويلا" الليل ولّى لن يعود الحمدلله الحمدلله on.soundcloud.com/lh9gix0yJ80w...

بتعرفوا إنو في قرية بفلسطين اسمها بيت جن؟ يعني غالباً الحدث كله فلسطيني وما صار بسوريا. وبعدين مع الطبالة!

بعمري ما خجلت من كوني سورية ولا غيرت لهجتي ولا لبسي ولا تظاهرت بأي شي حتى انتمي لمجتمع بالرغم من اختلاف الأماكن والبيئات يلي عشتها والعنصرية، بس اليوم شعور إنك سوري وثورتك منتصرة وبتكسر فيها عين أي حدا كان يستخدمك كعبرة لغيرك، يقلل منك، يطعن بثورتك، شعور عظيم عظيم، أعظم نهاية لأعظم حكاية.

من جحود نعمة الله علينا إنه ما نستشعر فرجه ورحمته بكل لحظة من لحظات الردع، بصراحة يلي قاتلته الحنكة وما بينسرّ بهيك أيام في بقلبه مرض وغرور، أيّا كانت ظروف سوريا الآن وأيّا كان المكان يلي رايحين إله.

أختي وأخي الكبير، ورفيقتي الإدلبية أمي ضلت مو مهتمة للأخبار وعم تضحك علينا لحد ما تحررت حلب بالكامل أما الشعور مافيني أوصفه، مستحيل. حتى هلئ مابعرف شو عم حس!

mp3.تحميل_قصة_المجد_هنا_تحكي_سنينا.

انا عندي حدود بمتابعة/صداقة اي حدا سواء سوري ولا مو سوري سوري بتشمت بشهداء غزة والقسام وبتعاير المصريين بوضعهم السيء وبتتصهين؟ مافي مجال شكرًا مصري فلسطيني الخ بتشمت بشهداءنا وبتعمم علينا عقدك وعندك حب أفلاطوني للمحور؟ مافي مجال شكرًا

آخر همي كلمة (عربية) وحركات القومية و أمة عربية واحدة زات رسالة خالدة وهالخرط، مشكلتي مع السياق بوجود عصابة عنصرية تحتل جزء من أرضنا

ما قبل التعنف من الباطنة وتعنيف الجراحة والأطفال

صحفيين محورجيين وحكومة إخونجية، يا حوينة الدعم فينا😔 "حكومتنا" قلتيلي اي ذبابة

يستفزونك ليخرجوا أسوأ مافيك ثم يقولون ليش عم تقلنا عَوّي ولاك

أحيانا بشتهي جيب أبي معي عالمشفى وخليه يبهدل الدكتور اختلاف النّهار والليلِ ينسي اذكرا لي الصبا وأيام أنسي😔

خلصت دموعي اليوم بسبب تايم بلو سكاي الشتوي السوري

الله يفرج عالجزيرة وأهلها، والسودان، ويهوّن على أهل غزة ويعوضهم، ويحفظ سوريا وقادتها ويلهمهم من أمرهم رشداً، ويفرّج عن كلّ مسلم مستضعف في أي مكان. آمين

خايفة يستلموا صلعة الوزير متل طبق الكرامة على مستوى الانترنت بسوريا

الموقف هاد من دكتورتي المصرية تبع الجراحة مارح انساه، مرضانة إلي فترة منيحة فروحت الامتحان على حالي وأنا نايمة (يلي أصلا مأجلته) وكنت فايتة بإنهيار عنجد، هي حكت معي -كنت عم شنهق شوي بالمكالمة- وشرحتلا إني كنت المفروض اغفى نص ساعة بس فتت بغيبوبة من المرض ومافي حدا موجود يصحيني وهيك لحالي=

وين وزير الكرافات زبطولهم النت، اشتقت لأمي ماعاد ترد😔

في ناس من الأشقاء ما بدها تعادي أولاد الريان لأنه تصاوب واحد منهم وعاشوا بغزة وأبوهم شهيد، وما بدهم يعادوا الحزب بالمطلق مشان نظرية بندقية الحزب، وبدهم يطبلوا للحوثة يلي برقبته دم، بس لازم نحنا نعادي عمر الحريري مشان شغلة هنن فهمانينها غلط ونعادي هادي العبدالله مشان مقطع رجع عنّه، ربع هالإسحقاقية بس!

لما جاء وحشي قاتل حمزة رضي الله عنه مسلماً إلى رسول الله صلى الله عليه وسلم قال له رسول الله: ( أمَا تستطيعُ أنْ تُغيِّبَ عنِّي وجهَك ؟ ) السكوت وعدم التطبيل بهيك أمور مو غوغائية وشعوبية وقصور سياسي وشعارات عبد الناصر، هي ردة فعل الإنسان الطبيعي.

الكوكيز يلي رح يجربوه مروة وفاطمة اليوم 🪻

نفسي أعرف البنات يلي متزوجات وعندن ولاد -ماشاء الله- معي بالدفعة كيف بلحقوا وبجيبوا امتيازات كمان، لك أنا اليوم يلي بغسل فيه براكم ٥ محاضرات وبينزل معدلي التراكمي

صباحات الجمعة بدون الأهل مو حلوة

رفيقة اليوم، طعميتها صحن معكرونة بجبنة

ليش فجأة بعتلي تحذير وصاروا يلي متابعتهم صفر؟ من حلاوتك يعني تايملاينك معفن كله مفزلكين وفجور بالخصومة وغلاظة، رح ارجع بنّد حسابي وها.

انستي الفلسطينية بالإعدادي مفكرتني رجعت على سوريا وهيك باعتتلي🥹

☝🏻🥰

لا القصة مو هيك، طبعا ضعف المظاهرات مو لأنو الشعب ما بحب الجزيرة أو مابده ياها تتحرر، والمظاهرات تبع غزة مالها أكبر لأنو الشعب فلسطن ومنبطح ومابعرف شو. بكل بساطة لما عم تصير مظاهرات لفلسطين -مثلاً- عم يكون في تنظيم وتجميع للشباب وتواصل وترتيب مو بس منشورات عالانترنت وعم يتواصلوا مع تنسيقيات الأحياء =

ليش يلي كانوا بخافوا على سوريين مصر وبدهم المتظاهرين يتم اعتقالهم ما قالوا شي عالتصريح مع إنه اللجان المصرية مسعورة رسمي، ونفسهم هلئ عم يبرروا التصريح كمان؟ ما فينك تعتذر من دولة مشان كم شب طلعوا مظاهرة بعدين تهاجمها، بغض النظر عن رأيي بالمظاهرة أو التصريح، التناقض وعدم الاتساق بموقف الحكومة غلط.

ادعولي بالتيسير وإنتو عم تقلبوا بالتايملاين، ولكم بالمثل يا رفاق

قررت اطلع من التايم المتمصرن (السوري) بسبب مواضيعه الجندرية واحكي مع قروب الزملاء يلي عليه غبرة، أول رسالة طلعت بوشّي (أصلا أنا ضد ان راجل يفتى ف أمور النساء عمومًا عندنا سيدات كتير كتير متفقهين ف الدين مخلصوش عشان نروح نسأل رجالة) وحالياً عم فكر بخيار القفز من شباكي بالطابق ١١

الله يجبر بخاطرك كتير هيك، هاد من لطفك والله فرحتيني 🤍🤍

She sends love for no reason and at unexpected times :’)

نادي الفلول والإنفصاليين خسران الليلة، محسومة

@marwa764.bsky.social ألطف انسانة بهاد المكان🤍

الصبح رحت عالامتحان وحرارتي ٣٩ ونايمة ساعة وما بعرف شو كنت عم اكتب، المهم قررت راجع بعقلي واستنتجت اني حاطة بالإجابات لأعراض مرض معين بالخيار الأول ألم موضعي، والخيار التاني (poitic lateraly phrase-عبارات تستخدم للتصوير التخيلي) والخيار التالت ألم موضعي بس كمصطلح طبي. يارب يفكروا اني محششة مو متنقلة

برأيي، من المهم أن يقرأ كلّ شخص كتاب الشمائل المحمدية، ليتعرّف إلى الجمال العذب في شخصية حبيبنا محمد ﷺ، بأسلوب متّسق ومرتّب يشمل جميع جوانب سيرته ومواضع الأحداث. من اللطيف جدًّا أن تقرأ عن أبسط تصرفاته ﷺ، من هيئة تَكئته إلى سموّ خُلُقه.

بصراحة، يلي بتسهل إثارة عصيبته مع كل رأي من كل شخص إلكتروني، وبتنتقل إله مشاعر غضب ويستنزف وقت وطاقة ذهنية على شي ما إله أي تأثير فعلي ويمكن يخرب يومه، ما بيقدر يفكر شوي قبل ما يكتب الردود وبيتفاعل دائما تحت تأثير المشاعر، ببساطة الإنترنت ومواقع التواصل مو مكانه، يبعد.

سنة البكالوريا انتقلت عبلد جديد وماكنت بعرف أصلا إذا حكمل دراستي ولا اقطع، بدلت مدرستين كل وحدة منهاج مختلف، لما ثبتت بالمدرسة التانية كانوا مشيانين بالمنهج ٣ شهور تقريبا، وغير يلي مبلشين من العطلة، وأساسا المنهج جديد وأول مرة بدرسه

لا تؤجّل مسرّاتك لوقت ما، بعد ما أخلص امتحانات رح أعمل كذا، لما أتخرج رح صير سعيد بالتأكيد، لما أطلع من هالبلد، لما ارجع عالبلد، لما شوف أهلي، لما أتوظف، لما أترك هالوظيفة، لما تطلع نتيجتي، لما.. رح تمر سنينك بالركض وراء المجهول وما بعده، وأنت تنتظر اليوم المناسب حتى تكون سعيد، ولا تكون.

ذباب الدولة الشقيقة المُحبّة لما تحسس عندي إني مدحت دمشق😔

تباً

يكفيهم حديث النبي صلى الله عليه وسلم: أتاكم أهلُ اليمنِ، هم أضعفُ قلوبًا، وأَرَقُّ أفئدةً، الفقهُ يمانٍ، والحكمةُ يمانيَّةٌ.

مرة أنا وأختي ونحنا صغار كنا عم نتخانق ونتضارب (صغار كتير يعني عمرنا ٣-٥) ضلينا نتناقر ونجوص ونلوص ونكركب ونضوج وأزعجنا البيت، وإذا أختي لحقتني بالهجوم الساحق وأنا عم اركد واهرب منها وزعوِط (صرّخ)، بهاللحظة أمي طفح معها الكيل ولحقتنا وعطتنا هديك النظرة، قام أختي حطت إيدها دغري ورا ضهرها ..

اتحاد الدول المنكوبة شي حقيقي :)، هي نبذة عن تعامل رفقاتي اليمنيين معي بالغربة. مستحيل انسى لما كنت داخلة بنوبة اكتئاب ومو محضرة شي للأوسكي ورفيقتي اليمنية أخدتني غصب عني على كوفي وقعدت تشرحلي وتعطيني المهم وقعدنا شي سبع ساعات مثلاً (وهذا نادر بين طلاب الجامعة، كيف لو طلاب الطب؟)