السلام عليكم يا قوم

جزء من الشباب الي موجود اليوم ما شارك بالثورة وعي على واقع حرب اكبر من فهمه، بس اليوم الوضع مختلف ولو الشباب ضلوا سلبيين بكل القضايا الي بتمسهم رح نزعل بالمستقبل

اخلص شغل بس وافضالكم واعمل جرد للي كتب والي ما كتب

شباب مادامكم فاضين روحوا على تويتر شوفوا موضوع اضراب معلمين في ادلب وتهديدهم بالفصل والقمع، اكتبوا عن الموضوع وحطوا الروابط هون ارتوت x.com/aljobouri99/...

من أكتر قنوات اليوتيوب الترفيهية الي بستمتع بمحتواها

صار في اكاونتات برايفت هون؟

لا اخفيكم سراً يا شباب، كل مرة بوصل فيها للقاع كان كبريائي ينتشلني وينقذني، بس مؤخرا الموضوع قلب نقمة بلحظات كتير كنت محتاج آخد استراحة واستسلم وانكسر فعلا بدل التراكم الغير محمول، وغير الظروف والوقت الي ما بقا يسمح ألا ليت الشباب يعود يوما فأخبره بما فعل المشيب يمكن أتعظ وأغير خيارات كتير كله خير

حاج اليوم قبل ما الشباب يبلكوني

"الدكتورة" عم تقول كل الحلبية شبيحة

برد وقت بقدر وعلى الاسئلة الي بتعجبني ngl.link/aljobouri

لا اخفيكم سراً يا شباب حالة القلق والارق عادت مزمنة، ‏هذه الأيام لا أطلب من الله إلا أن يردَ لي ضالتي وما كانت ضالتي إلا نفسي ما كانت إلا أنا

السيارة اشتغلت يومين، اليوم طلعت مصيبة جديدة فيها التوربو عم يهرب زيت ويضخه بقلب المحرك، تعبت يا اخوان صرت دافع قد حقها تصليح وقطع

لا اخفيكم سر يا شباب انا كل يوم بطلع ببالي فكرة ابيع السيارة واصفي اشغالي هون وانزل على سوريا اشتري بارودة واتدرب وانطر الحرب بلا دراسة بلا شغل بلا بطيخ

الصبح كنت رح احظ ثلث المصاري الي مصمدهم بالفضة، ربنا سترني وشغلني ٣١ بالمية بيوم واحد يا الله

عصرت مخي وكتبت هالتقييم للحكومة بمناسبة مرور سنة على تعيين سيادة الرئيس ولي الأمر المؤقت جدا الى ما شاء الله شيخنا أبو محمّد أدام الله ظله الشريف ومداسه اطاهر x.com/aljobouri99/...

لا تنسوا سورة الكهف

لا اخفيكم سراً يا شباب انا عندي فوبيا من رمضان من ورا رمضان ٢٠١٧ الي صمت فيه اكتر من ٢١ ساعة باليوم ولحد هلق بحاول اتعافى منهه

لا اخفيكم سراً يا شباب الوقوع بين حافتي اليأس والأمل مُهلك

المهم يا شباب انا نازل عالنادي، منكم لله قفلتوا يومي بنصه

محتاجين نناقش موضوع العلاج النفسي الجماعي للشعب السوري ونشر التوعية بين الشباب الي طالع عالأقل الغضب والتوتر والتحفز وانعدام احساس الأمان وغيره من الأشياء الي علمت بنفسية وروح كل انسان سوري محتاجة جهد كبير لحلها بتبدأ بالتوعية اتمنى الحكومة توصف سيبراليكس و بوبروبيون مع التموين للشعب خليه يهدى

بمناسبة الموضوع الي اتفتح وطريقة النقاش الغبية الي بتطلع معه حابب احكي بنقطتين، الاولى اني بكره لما بشوف هالنقاش على تويتر لانه بيقلب حرب جنسية والكره والاحتقار وحتى الفجور بيطلع بشكل مخيف ومقرف، نحن السوريين لحد ما تركت سوريا ما كانت عنا هالمشاكل وهالمصايب هي كلها، الناس بتيسر لبعض طول الوقت...

يخرب بيتكم انتو وهالنقاشات الي بتضيق الصدر

حدا يلاقي حل للموضوع

مبسوط بالدائرة اللطيفة الي كونتوها هون يا شباب، ان شاءالله تدوم وتضل بهالرواق علطول

ورد

Snowz

بحرz

Fresh ones

لحظة إدراكك انك انت المشكلة هي بداية الحل صدقني

هاد الكلام انا ك دكتور نفسي ب أكده، طفولة الانسان ولغته بترسم شخصيته وحياته واختياراته للمستقبل، علاقته ب أهله هي أهم ركيزة. الطفرات النادرة جداً هما بس الي خرجوا من هالفترة بمشاكل وقدروا يفهموا نفسهم ويتجاوزوها ويغيروا كلشيء بحالهم ويعكسوا هالموضوع على محيطهم بمحاولة صنع محيط سوي

أحمد الشرع كل ما بيضطر يجتمع مع مظلوم عبدي وحكمت الهجري:

كم الغضب الي كنت اطالعه على تويتر مبالغ فيه. بامانة، ما بعرف كونت كل هالصداقات بنفس الوقت😂😂

شكلي باجتماع الشركة الصبح

صدقا وب أمانة وبكل تواضع شخصي المفضل وبطلي الاعظم هو انا🙏🏼

؟

انا رايح برجعلكم لما تركزوا

ايشفي شباب تايم لاين فيس بوك ٢٠١٣ الي عاملينه هاد؟!

يوم شاق طويل يا شباب والله شباب الواحد عم يضيع بالعبودية عالفاضي

نعسان يشباب

بحب سيارتي اكتر من ثلثين أصحابي وكل أملاكي بس ممكن ابيعها عادي بسبب الكراسي الجلد، يخي بالبرد بتقلب فريزر

صباح الخير يا شباب❤️ ‏عش ما شئت إنك ميت ‏أحبب ما شئت إنك مفارقه ومعذب به ‏افعل ما شئت سترحل كما جئت وستنسى كأن لم تكن

عموما يا شباب الحياة مو مستاهلة والله

موضوع الصحة النفسية والبيئة الصحية الآمنة والثقافة النفسية عموما عنا محتاج شغل وتوعية وتثقيف محتاج شغل على مستوى انه الناس تقدر تعبر وتناقشه بدون خوف وخجل وانه لو في شخص محتاج مساعدة يقدر يطلب ويحكي بدون خوف وخجل أيّا كان الشخص ونوع المساعدة الي محتاجها

حدا بيعرف الأخ؟

كم سكرين شوت عندك بالموبايل والكومبيوتر؟ انا عندي رقم مهول ضخم ربع ارشيف من ٢٠١٣ لليوم

الفزعة يشباب

ما طلعت بشي من ذكريات طفولتي بحلب الا اربع خمس صور مع بيت جدي معي منهم صورة وحدة بس والباقي محفور بذاكرتي، يمكن هاد الشي كان محفز اضافي اني أحفظ كل تفصيلة شفتها من خوفي انها تتمحي وتروح يا حظكم يا شباب والله❤️