A app AGalega está escrupulosamente deseñada e dotada no aspecto técnico para funcionar mal. Alegoría dun proceso autonómico xestionado e desenvolvido por inimigos deste país. Desde sempre.

Podemos ofrece un chupachús é unha entrada á fase clasificatoria do mundial de curling a cada transeúnte que se comprometa a non votar por Sumar. Aos outros pois tampouco ou depende. E que por siescaso queren que Galicia siga en España.

Vaia alegría acaba de levar Feijoo.

Iso si, comprarei calquera marca de embutido excepto Campofrío de aquí ata que morra. Aínda que poñan o xamón a tres céntimos (pánico a que veña tamén envelenado).

Aínda que paso bastante de tele, acabo de ver en YouTube o anuncio de Campofrío alarmado por todas as persoas que din que é unha campaña publicitaria de ultradereita. Non sei se me explico.

Este fío... 😢

Esperando a que Vox inicie a campaña para denunciar o proceso insidioso polo que apenas un feixe de inmigrantes españois (sobre todo bispos, militares de alta graduación, xuíces e funcionarios da Corte) iniciaron unha modificación, pode que irreversíbel, da nosa identidade nacional.

María Corina Machado di ademais que Venezuela está chea dunha cousa negra e cheirenta que sae do interior da terra, incluso no mar. Pero que por fortuna os EUA, xa ao paso de combater con Hezbollah no Maracaibo e botar as hordas iranís do Orinico, lle prometeron que habían deixar todo limpiño.

Ábrese o pano, vese o Festival de Eurovisión. Israel vai cantar, pero a súa representación é expulsada do escenario por axentes de seguridade. O público aplaude. Péchase o pano. Como se titula a película? Ben-ÚER!! 😂😂 XA MARCHO, XA MARCHO PA CAMA 🤡🙏

O século XX morre e con el a súa cultura pop-rock de homes atormentados, autodestrutivos e narcisistas. Algúns deixaron un legado difícil de esquecer. Pero necesitamos outro modelo agora que a precariedade non é unha elección estética. Isto vai en serio, amigues. A guerra comeza outra vez.

A coalición TVG-PP esixe nos titulares de portada que o BNG rompa co PSOE polo presunto caso Tomé. É certo que os presuntos violadores que aplaude en masa a cúpula o PP, empezando polo Conselleiro acusado por Paloma Lago, non teñen que romper con ninguén. Son cousas que quedan entre homes

A TVG pon en portada o (presunto) caso Tomé como se fose a bomba de Hiroshima. Do asunto aquel do (presunto) violador de Paloma Lago xa outro día un segundiño na sección de sucesos.

Pois estaba a punto de meter na bolsa un polbo de Camariñas e volveu para o conxelador do Gadis cando vin que se collía en "Puente del Puerto". Home, ide rañala.

—Cariño... —Quee... —Que é a policía autonómica? —Duurme... —Xa, pero que é a policía autonómica? —Un corpo policial que hai que depende da Xuunta. —Pero haino? —Noon, Alfonso, aquí non. —E por que? —Porque non queeres, que es o presidente. —Si? —Sii —Ah. ... ... —E se o houbese? —Pero durme!! —Si.

A sanidade, a alimentación, a educación (como mínimo) non deben someterse á lei do beneficio en ningún Estado que mereza chamarse democrático.

Empeza o guión de regreso do 20N "De la Ley a la Ley". Condenar sen probas un fiscal do Estado é pura tese Aznar: se o goberno é "ilexítimo", un golpe de Estado restaura a legalidade. Outra vez. E por suposto puritita Ayuso: "si te metes con mi novio es delito. El que inventemos yo y mis compis".

por favor por favor qué nervios cando a UCO descubra quen era M.Rajoy

Se as urnas volven cumprirá lembrar ás divinas siglas da esquerda en Madrid aquel seu chamamento a nacións enteiras á unidade ("queremos que Cataluña siga formando parte de España" etc.). Porque será clave -dunha previsíbel vitoria da ultradereita- a súa incapacidade para unir dous míseros egos.

Pregúntanse por que a xente nova non sabe nada sobre o franquismo os mesmos que hoxe publican, en exclusiva para suscripción de pago, o testemuño dun home que sufriu torturas. Sonvos os mesmiños que subvencionaron o ensino relixioso, ADN franquista, desde Felipe González (1982) ata hoxe. CÍNICOS

Rueda anuncia que "se unirá' Ribadeo e Tui mediante un camiño que se poderá facerse en bici ou a pé. Un total de 1300 km. O orzamento inicial son... 200.000 euros! 😂😂 Quince céntimos por metro. A ver se aguanta a desbrozadora.

O xuízo a todo un fiscal do Estado semella o comezo dun xuízo á "Transición". Se o condenan, os tribunais europeos derivan -coma na amnistía catalá- en último e precario garante de que o "de la Ley a la Ley" de 1975 non volve proclamarse. Pero esta vez en sentido inverso. Trump move xa esas pezas.

Un dos que comen palomitas mirando na TV o xuízo contra o fiscal do Estado é Núñez Feijoo. A vida sorrille: eliminado Moreno Bonilla da carreira á Moncloa, a absolución de García Ortiz iniciaría a caída de Ayuso. E se o condenan, perde o PSOE pero o fin da súa gran rival só se adiará uns meses.

Oh, pobre tortilla de patacas, nunca debes chamarte española! Pq: -ovos xa había. E será por ovos -as 1ªs patacas baixaron a portos galegos, foron cultivadas en terra mariñá -a cebola? Pois unha posibilidade. Dependía do que houbese na casa, ninguén discute algo así no s. XVI Tortilla galega!

O xuíz Peinado prepara un expediente contra Begoña Gómez pola exección de masa coronaria solar e a UCO investiga a Pedro Sánchez como principal responsábel de non investir medios públicos para a implementación dun Escudo Magnético Español de Defensa. Silencio hipócrita de Felipe VI.

O fiscal xeral do Estado, principal sospeitoso de que MAR inventase e difundise noticias falsas para encubrir un delito recoñecido pola parella de Díaz Ayuso, partícipe necesaria nun acto de corrupción en contrato público durante a pandemia, probablemente para encubrir 7192 homicidios. Por resumir.

Ninguén vai relacionar o rauto espiritual de Rosalía (a deles) co da Madonna en Like a prayer?

intentando coma bon boomer adatarme a linguaxe dos chios que non pon acentos nin pausas que se parece aos monologos interiores que liamos na literatura vella but with some joke en ghuachimén a ver se parezo algo novo ou tal

O que non se entende é que a Ayuso vaia ao hospital por unha cagarria. Nas anteriores os médicos pensaron que estaba razoando.

No seu imprescindíbel esforzo de reivindicación da identidade nacional, La Voz de Galicia conta hoxe que "al quedar aislado del resto de España" (aquela España con capital provisional en Atapuerca) o ADN galego posúe "efectos fundadores". De enfermidades.

—E ti que fas? —Eu fago diálogos paveros no bluesky. —Podes poñer un exemplo?

Hoxe o editorial de La Voz de Galicia dá "tres claves sobre el monte gallego". Chámano "monte": o subconsciente. Mañá explicarán como se unifican a astronomía e a física de partículas, polo mesmo prezo e co mesmo grao de coñecemento.

Por unha morbosidade difícil de explicar fun á web de El Mundo buscar algún recunchiño do scroll con algunha nota cativa sobre o procesamento da parella de Ayuso. E nada. Son vidente ou masoca de sexta feira?

Siro López contra a UPG por "radical" e "terrorista" no xornal que vive das publirreportaxes de Altri, chama "guerra" o xenocidio e "ataques con vítimas" as execucións de Trump. O caricaturista de Manuel Fraga, outro candidato a Nobel da Paz, xustifica así o salario. Que o PP non te mantén gratis.

A vitoria de Milei debería suxerir a Europa que o de "canto peor, mellor" foi ao carallo. Que o pensar antano revolucionario quedou aí, no seu propio onte: clase obreira industrial homoxénea, partidos socialistas e comunistas fortes, sindicatos de clase. A ver se espertamos a este século. Fodido.

Estamos a nada de que empecen a morrer Vanessas.

Outro para os grandes éxitos de La Voz de Galicia: Paloma Lago, de vítima a agresora sexual (do disco "O PP e o inconsciente") por unha preposición www.lavozdegalicia.es/noticia/gali...

O máis terríbel da letra de Teo Cardalda, ademais do espolio de diñeiro público que conleva, é a arritmia. As sílabas empeoran en cada liña ata facernos sentir nostalxia da orde acentual do que se declama por megáfono nos postos do feirón de Pontedeume. E será por poetas neste país, Alfonso.

TRADUTOR SIMULTÁNEO DE TITULARES PARA RTVG / LA VOZ GALICIA Tránsfugas que violentan a soberanía das urnas para implantar gobernos do PP: concelleiros díscolos. Concelleiros/as que cambian o seu voto para arrebatar o bastón da alcaldía ao PP: tránsfugas. Violentan a soberanía popular.

Nin a limpeza étnica se detén aquí nin Trump deixa de ser o seu patrocinador. O que estamos vendo é como se deteñen movementos de contestación que apuntaban pola esquerda un bosquexiño de estrutura mundial. Desmobilizar para continuar a tarefa ao ritmo lento e implacable que deseñou o sionismo.

Alberto Núñez Feijoo é o gran beneficiario local de que Trump decidise interromper provisionalmente esta fase da limpeza étnica.

Pablo Iglesias ameaza con matricular os fillos nun colexio do Opus se o goberno se nega a aplicar o programa íntegro de Podemos.

Por fin as verdades saen á luz: MRajoy era Pedro Sánchez e Trump o brazo político de Hamás.

O PSOE cárgase a toma eléctrica que precisa #Altri e o PP de Rueda condena o xenocidio en Gaza. A este paso de boas novas o BNG vai recoñecer que o seu obxectivo é un Estado galego independente!

Terrorismo. O ataque de Monforte non foi (só) unha chantaxe, foi un acto de terrorismo organizado cuxo brazo político é Vox. O PP dálle cobertura institucional abríndolle as portas aos gobernos que faga falta.

Cando se producira unha deflagración en Baralla foi terrorismo organizado, presuntos responsables detidos, xulgados e condenados a máis de dez anos de prisión en réxime FIES. En Monforte produciuse unha deflagración. Mal feito, ho. Uns espontáneos. Tensión social. Xente nova e leña verde.

Con pánico a que Federico Jiménez Losantos teña unha ECM e volva.

Ayuso decreta que se poña uns 15º torto o Cristo que preside cada aula para que ese símbolo sagrado universal non pareza o tipico intento de adoutrinamento por parte dos colexios concertados.

Vaia. Nunca me parecera Radiohead nada doutro mundo, nin sequera deste (podo dicir sen pestanexar 10 grupos moito mellores ca eles da súa mesma época). Que ademais apoien un xenocidio xa me libera de intentar escoitalos con paciencia algunha vez máis durante o resto da miña vida.

Pois parece que o de Iglesias e Montero levando os fillos á privada non era un bulo. Que diriamos aquí se os levasen a un centro de Semente? 🫣