🗳️La voĉdonado finiĝis! Post la dekalkulo de nevalidaj voĉdonoj, oni povas diri ke 109 homoj —aŭ kontoj— partoprenis. Venkis «Grimm Meisaku Gekijou», «Over the Garden Wall» kaj «Astérix et Obélix, le Combat des chefs». Tri serioj, ĉiu el malsama lando (Japanio, Usono, Francio).

🎃Feliĉan Halovenon! «La alia flanko» (The Other Side) estas noveleto de Eric Stenbock nun legebla en Esperanto. Post «La vampiro» en oktobro 2024, ni nun publikigas unu plian Halovenecan rakonton. La kovrilo jam malkaŝas la intrigon iomete, ĉu ne? xn--esperao-tgb.net/bitlibroj/la...

📚Ĉi-vendrede publikiĝos «Carland Cross #4: Mistero en Lago Ness. 1-a parto» en nia retejo.

📚«Carland Cross #3: Tunelo» publikiĝos la 20-an de junio (ĉi-vendrede). Carland kaj lia helpisto ekesploras la malaperon de multaj masonistoj. Kiel tio povas rilati al la ĥimeraj konstruprojektoj de inĝeniero, kiu forpasis en brulego antaŭ dek jaroj?

🎬Antaŭ monatoj ni komencis projekton restaŭri/serioze eldoni du filmojn, kiuj estis dublitaj en Esperanton inter 1987 kaj 1988. La pasintan vendredon finfine aperis «Mefisto», kun 1080p-a bildkvalito kaj subtekstoj transskribantaj la Esperantan dialogon, faritaj de ni.

🏺Publikiĝis «Carland Cross #2: La dosiero de Carnarvon», la dua volumo de la komiksoserio. Carland kaj lia helpisto Andy esploras misteran ripozdomon, kiu estas ligita al sekto rekreanta la antikvajn egiptajn ritojn de enbalzamigo. Sed kio estas la celo de tio, kaj kial la sektanoj parolas germane?

Aldonaĵoj al nia katalogo en Aprilo! 🏺«Carland Cross #2: La dosiero de Carnarvon». Dua volumo de la komiksoserio. [Ĝi publikiĝos la 11-an de aprilo] 🎭«Mefisto». 1981-a longfilmo dublita en EO, kun subtekstoj kongruaj kun la parolado, prezentita en 1080p. [Ĝi publikiĝos la 25-an de aprilo]

▶️Antaŭfilmo de la tria volumo (epizodoj 9-13) de «Skubi-Du! Kompanio Mistero». La epizodoj jam spekteblas kaj elŝuteblas ĉe nia retejo. youtu.be/HiGF3Rwr4IQ?...

Ni bedaŭras ekscii pri la morto de nia membro, kaj unu el la grandaj esperantistoj de la lasta duonjarcento, Renato Corsetti. Ni funebras kaj kondolencas. esperanto.org.uk/news/charity...

📚«Carland Cross #1: La golemo» jam estas legebla kaj elŝutebla ĉe xn--esperao-tgb.net/bitlibroj/ca... Nebulplenaj stratoj, aŭtaj persekutoj, malhelaj kriptoj kaj vivantaj statuoj... Bona maniero fini la jaron, ĉu ne?

🎄Feliĉan Kristnaskon al ĉiuj festantaj!✨ Paĉjo Kristnasko alportis novan aspekton al ni! Nia retejo refasoniĝis (kun malhela etoso) por disradii pli seriozan/modernan aspekton, kiu similas tiun de aliaj famaj elsendfluejoj, ĉar tion celas ni: esti alirebla fluo de libroj, filmoj, komiksoj ktp.

Hieraŭ estis la tago de Esperanta libro, hodiaŭ ni anoncas unu plian aldonon al nia retlibraro: «Carland Cross»! Franca komiksoserio enhavanta 7 volumojn. La unua («La golemo», 45 paĝoj) baldaŭ publikiĝos komplete, antaŭ la jarfino. Jen la unuaj kvar paĝoj:

🎉Ekzakte antaŭ unu jaro publikiĝis «Via Nomo», la esperantlingva versio de la animea filmo «Kimi no Na wa/Your Name», kiu kunigis la fortojn de dudeko da homoj. Feliĉan datrevenon al ĝi! Ĝi elŝuteblas kaj spekteblas ĉe xn--esperao-tgb.net/filmoj/via-n...

Saluton, BluĈielo! Jen la oficiala konto de esperaĵo.net. Se vi ne konas nin, Esperaĵo estas senprofita retejo, kiu publikigas kaj legaĵojn kaj aŭdvidaĵojn. Pro teknikaj problemoj ni ankoraŭ ne havas la konfirmitan tenilon/heliknomon, sed espereble ni havos ĝin baldaŭ.