📆 Ampliamos o prazo para inscribirte no Startup Programme ata o 14 de novembro! 💡Este programa gratuíto interuniversitario da Fundación Junior Achievement ten como obxectivo impulsar as ideas emprendedoras do estudantado. ✍🏽 Inscribe a túa idea! 🔗 Máis info e inscricións: https://bit.ly/Strtup25

📅Este venres 14/11 ás 11:30 h na aula 0.4 a Facultade de Economía e Empresa organiza a conferencia de Marce Fernández, economista e escritorm autor de "The Wrong Manager". 🧠No seu relatorio, o auto exporá o proceso de toma de decisións na empresa e a importancia do papel do xestor.

🌍A Oficina de Relacións Internacionais (ORI) vén de impartir 11 charlas informativas sobre a próxima convocatoria de mobilidade #Erasmus. 📢En novembro publicarase a convocatoria do próximo curso, adiantándose a anos anteriores co obxectivo de que o estudantado opte a unha maior oferta de prazas.

📢O xoves 13/11 ás 19:00 horas o Salón de Actos Concepción Arenal acollerá a conferencia da Cátedra Jorge Juan baixo o título "Contra Armada, a maior victoria de España fronte a Inglaterra", a cargo de Luis Gorrochategui Santos, escritor e historiador. Anímate a asistir!

📢O sábado 15/11 ás 11:00 h haberá unha xornada de voluntariado para a reparación do Valado de Pedra Seca no Monte da Fraga. 📍O punto de encontro será na porta da Facultade de Ciencias. ✍🏽Máis info e inscricións no QR da imaxe e en [email protected] Anímate a participar!

🎬O 13/11 ás 19:00 h o Salón de Actos da Fac. de CC. da Comunicación e Socioloxía acollerá a proxección de 3 curtametraxes preseleccionadas para os Goya 2026: Disonancia. Baile con la muerte, e Ángulo muerto. Ademais contaremos o produtor de Disonancia para falar do proxecto co público presente.

#CIFaoDía Alumnado da Escola Politécnica de Enxeñaría de Ferrol (EEPF) amosa os seus proxectos no ‘Píxel á Feira’, o primeiro Salón de Videoxogos de Galicia, no Pazo de Congresos e Exposicións de #SantiagoDeCompostela @udc.gal

#CIFaoDía A I Feira de Formación e Educación, organizada polo Concello de Ferrol e a UDC, a través do Campus Industrial de Ferrol, reuníu, este xoves 6/NOVEMBRO, no Auditorio Municipal, a preto de 1.300 estudantes de ESO, BACH e FP de As Pontes, Cedeira, Ferrol, Narón, Neda e de Ortigueira @udc.gal

👮🏽‍♀️👮🏽O Paraninfo da Reitoría acolleu hoxe a VII Xornada de Formación para Forzas e Corpos de Seguridade do Estado con motivo do #25N. ⚧️A vicerreitora de Igualdade e Diversidade Cristina López participou na inauguración desta xornada de reflexión sobre a desigualdade de xénero e a retribución.

📕O Ateneo Ferrolán acolleu a presentación do libro Por que non hei de cantar? de Xosé Manuel Sánchez Rei e Leticia Eirín, publicado polo Servizo de Publicacións da UDC. ✨A obra recolle unha escolma de cantares tradicionais e rende homenaxe ás mulleres que transmitiron o seu saber a nas cantigas.

🌍A UDC acolleu a visita da misión organizada pola #GAIN en colaboración coa Rede de Asociacións de Investigadores Españoles no Exterior #RAICEX. 🫱🏽‍🫲🏽O obxectivo é impulsar a visibilidade da ciencia galega no exterior e favorecer novas liñas de cooperación internacional. 🔗+info: https://bit.ly/VisRcx

🤝Asinamos un convenio de colaboración en I+D+i coa Consellería de Educación. Un total de 5,8 M€, dirixidos a reforzar estruturas investigadoras; consolidar centros de investigación; á captación e retención de talento, ao impulso da internacionalización e á transferencia de coñecementos.

✨A Universidade da Coruña vén de celebrar o acto de entrega dos Premios de Emprendemento no marco de IMPULSA-T, o novo programa universitario de impulso ao emprendemento e ao emprego, no cal repartiu 16000 euros ás iniciativas e proxectos gañadores.  Parabéns!👏🏽 🔗+info:https://n9.cl/sp0c6

🌍Hoxe recibimos a visita de Robert Buttery e Irene Diez, da University of Applied Sciences and Arts of Northwestern Switzerland @fhnw.ch.  Despois do encontro de traballo na Reitoría, desplazáronse a visitar diversos centros da #UDC co obxectivo de coñecer as diversas posibilidades de cooperación.

📅 Venres 14/11 ✅@citicresearch.bsky.social  ⏰ 12:00 h 🤖Conferencia da Cátedra UDC-INDITEX de IA en Algoritmos Verdes.      Concepción Monje, catedrática da Universidad Carlos III de Madrid "Cara á simplicidade no deseño e control dos robots brandos" Acceso libre, inscríbete👉🏽 https://lnkd.in/dPQkpd6S

🫂O @citicresearch.bsky.social celebrou a apertura da VI edición de Talentos Inclusivos, iniciativa que promove a inclusión social a través da ciencia e a tecnoloxía desde as aulas. Este ano súmase ao proxecto a empresa Inditex para achegar coñecemento ao alumnado participante. 🔗https://n9.cl/8sjnr

A Fac. de Ciencias acolle a exposición itinerante de RURALtXA!, o proxecto da #UDC e a#USC coa fundación vasca #HAZI para conservar turbeiras e queirogais e apoiaractividades tradicionais nas zonas de montaña de Galicia e Euskadi. Poderá visitarse  de L-V de 9:00 a 21:00 h ata o 27/11 e na súa web.

A adxunta de Política Internacional María Bobadilla participa no 1º Foro do Grupo de Universidades Españolas en Universidades Europeas celebrado na U. Rey Juan Carlos. O encontro reúne a universidades españolas e institucións integradas en alianzas europeas co obxectivo de fortalecer a cooperación.

📢☕O vindeiro martes, día 11 de novembro, de 16:00 a 16:45 horas, terá lugar na Casa do Estudantado o encontro "Eu tamén falar", un espazo de café e conversa en galego que pretende ter continuidade o segundo martes de cada mes. 👉🏽Inscríbete aquí! https://bit.ly/Eutmfal

E ti? Es dos que coidan ou dos que pasan? Constrúe igualdade coidando🫂. #ConstrúeIgualdadeCoidando #eurestomachismo #sumateerestamachismo #comunidadeU

🏫A Facultade de Ciencias da Educación inaugura unha exposición sobre as colonias escolares segovianas. ✨A mostra, organizada pola Área de Didáctica da Expresión Corporal, estará aberta ata o 30/12 na biblioteca e andar -2 do centro e poderá visitalo tanto a #ComunidadeUDC como o público en xeral.

A IV xornada anual do @cispac.bsky.social reuniu a persoal investigador das tres universidades galegas baixo o título “Investigando para un futuro sen lumes” co obxectivo de analizar os incendios forestais desde unha perspectiva transdisciplinar. Máis info: https://bit.ly/CispacLum

📢Hoxe ábrese prazo de preinscrición para dúas novas microcredenciais da Cátedra UDC-Inditex de IA en Algoritmos Verdes, Computación de Altas Prestacións e Robótica Sostible e Dereito, Ética e Economía. Horas totais de cada formación: 150 horas [6 ECTS]. Máis info:

📖 Presentación do libro Por que non hei de cantar? 🗓️ Xoves, 6 de novembro, ás 20:00 h 📍Ateneo Ferrolán – Sala 2 de exposicións Esta obra de Xosé Manuel Sánchez Rei e Leticia Eirín recolle unha escolma de cantares tradicionais das áreas nas que se asentan os campus da Coruña e de Ferrol.

As investigadoras da #UDC Belén Fernández-Suárez e Antía Pérez-Caramés xunto con outros dous investigadores das Universidades de Vigo e Granada, reflexionan neste artigo en @theconversation.com sobre a emigración española a Europa na actualidade e as causas de non retorno. 🔗

📅O vindeiro xoves, día 6 de novembro, ás 12:30 horas, a Facultade de Humanidades e Documentación do @ciferrol.bsky.social  acollerá unha conferencia sobre alimentación en períodos de alta demanda académica. 🖥️ Poderás aceder a ela tamén por #Teams. 📲Escanea o QR!

📢AVISO IMPORTANTE!! 📅Hoxe é o último día para inscribirse nas ligas universitarias nos campus da Coruña e de Ferrol. 🏃🏽‍♀️‍➡️🏃🏽‍♂️‍➡️Prazas limitadas!!! 🔗Infórmate aquí: https://bit.ly/LigasUni25

📣 FADOS e SWIRFLEX-DT son os dous novos proxectos nos que se está a traballar no CITENI. Ambas as dúas iniciativas, financiadas pola Comisión Europea, combinan ciencia básica e aplicada e poñen os materiais poliméricos semicondutores  ao servizo da tecnoloxía e a saúde. +Info 🔗https://bit.ly/4oPjDK8

🚭O 31/10 celébrase o Día Mundial Sen Tabaco e en Galicia conmemoramos o Día Galego sen Tabaco co obxectivo de concienciar sobre os riscos asociados ao seu consumo. 🫂O tabaquismo é unha das principais causas de enfermidades e abandonalo mellora a saúde individual e tamén beneficia á da comunidade.

📢✨A Cátedra Interuniversitaria ALDABA-WIB: Women, ICT & Business, creada por ALDABA en colaboración coa Universidade da Coruña e a Universidade de Vigo convoca os Premios ao mellor TFG para proxectos que promovan a participación das mulleres no ámbito tecnolóxico. +info: https://bit.ly/PrAldb

🌎O vicerreitor de Titulacións e Internacionalización Moisés Canle reuniuse con representantes da Universidad de Panamá, a Autónoma de Chiriquí, a Marítima Internacional de Panamá e a Pontificia Universidad Católica de Chile co obxectico de avanzar en posibles colaboracións coa UDC.

Éxito de participación na inauguración de IMPULSA-T, a primeira Feira de Emprendemento e Apoio ao Emprego. Durante a xornada os asistentes puideron visitar os 49 postos de empresas e entidades participantes, procedentes dos principais sectores produtivos. 🔗https://bit.ly/Impulsat2025

O @cicaudc.bsky.social participa estes días como entidade patrocinadora do congreso internacional FUTURE MATERIALS 2025, que está a ter lugar en Tenerife. O encontro reúne a expertos de todo o mundo para abordar os avances en ciencia de materiais e as súas aplicacións. 🔗https://bit.ly/FutMat25

📅📢Mañá mércores, día 29/10 ás 17:00 h. terá lugar no Cine Teatro Alfonsetti a xornada de clausura e entrega de diplomas a sétima edición do Programa de Democratización do Coñecemento, impulsado pola Universidade Sénior da UDC para as persoas maiores de 50 anos de Betanzos. 🔗

✨O investigador da UDC Salvador Naya recibiu un recoñecemento en Ecuador polas súas achegas á estatística e á cooperación internacional. Naya participou no XVII CLATSE, onde destacou o cambio de paradigma que vive actualmente a estatística. 🔗https://bit.ly/SalNayEc Parabéns!!!👏🏽👏🏽👏🏽

✨A plataforma académica Research.com recoñece a 13 investigadores e investigadoras da UDC na actual edición do seu ránking anual. 🔗Máis info: https://bit.ly/Resear25 #InvestigaciónUDC #ComunidadeUDC #PDI #Research

Alicia Lorenzo, alumna do Máster en Tecnoloxía Téxtil e Moda Sustentable, titulación que se imparte na EPEF do @ciferrol.bsky.social vén de gañar o Premio ELLE Education by Mindway na IV edición dos Greenwalk Adwards, un certame de moda sustentable organizado por NHood España. 🔗https://bit.ly/AlLor

📢Inscríbete nos VII Premios da Cátedra R Uvigo-UDC no eido da #ciberseguridade. 🏆Premios: 2 ao TFG de 400 € 2 ao TFM de 600 € 1 á tese de doutoramento de 800€ 1 ao traballo de investigación en colaboración coa empresa de 800 €. Inscríbete aquí ➡️

📅📢O mércores 29/10 ás 11:00 horas terá lugar no Monte da Fraga unha xornada de eliminación de flora exótica invasora organizada pola Oficina de Sustentabilidade da UDC. 📌O punto de encontro será a porta da Facultade de Ciencias. Inscríbete aquí e participa!👉🏽 https://bit.ly/Elflrex

O Salón de Actos Concepción Arenal do @ciferrol.bsky.social acolle o mércores 29/10 ás 18:00 h. o relatorio da directora xeral de Marina Mercante, Ana Núñez Velasco, no marco do Ciclo de Conferencias 2025/26 da Cátedra Cosme Álvarez de los Ríos que promove a UDC xunto con Navantia.

🌱Persoal investigador da #UDC atopa especies ameazadas na conca do río Barcés, o que demostra o alto valor ecolóxico deste espazo, que podería ampliar a súa protección dentro da Rede Natura 2000. O estudo forma parte dun proxecto da Cátedra Hijos de Rivera-UDC de Desenvolvemento Sostible.

📢A Biblioteca de Socioloxía e Ciencias da Comunicación organiza un club de lectura aberto a toda a comunidade universitaria📚.  📅O 13/11 ás 17.00 h. terá lugar a segunda reunión para falar de "Conta, Sherezade" de Suso de Toro. ✍🏽Inscríbete neste formulario👉🏽https://bit.ly/Clblect

📅A Democritus University of Thrace (Grecia) acolleu a reunión presencial do "WP 8 – Creating a Sustainable, Inclusive and Resilient Campus" de  #EMERGE. O encontro reuniu a persoal das universidades que integran a Alianza e contou coa participación de Montse Golías en representación da #UDC.

📢Ampliamos o prazo de inscrición aos obradoiros e aulas de Cultura ata o 26/10 ás 23:59 h. Danza, música, teatro, fotografía, etc. Terán lugar en Normal, e no Centro Cultural Universitario do @ciferrol.bsky.social  📧Para calquera dúbida, envía un correo a normal@udc.gal ou cultura.ferrol@udc.gal.

📢O 6/11 o Auditorio de Ferrol acollerá o concerto inaugural do curso académico 25/26. 📅6/11 🕑20:30 h. 📌Auditorio de Ferrol. Avda. do Mar, Ferrol Para solicitar as entradas hai que cubrir este formulario: https://forms.office.com/e/aqnNiJiAfq Máx. 2 por persoa.  Prazo: ata o 30 /10 ás 14:00 h.

A ministra de Mocidade e Infancia, Sira Rego, visitou o @citicresearch.bsky.social. Así, puido coñecer de primeira man as liñas de traballo e os proxectos orientados a impulsar a cultura científica desde idades temperás que se desenvolven neste centro da UDC. Máis info🔗 http://bit.ly/4obDbIK

🌍O @cicaudc.bsky.social en colaboración co Grupo Advanced Biofab participou como patrocinador do congreso internacional SACCMA 2025 celebrado en Sudáfrica. Como parte da súa participación concederon a unha asistente ao congreso unha estadía de investigación no CICA en 2026. 🔗https://bit.ly/SACMA25

As seleccións universitarias da UDC volveron demostrar o seu gran nivel nos Xogos Galaico-Durienses. 🎾Tenis: 1º posto ⚽Fútbol 5 masculino: 3º posto 🤾🏽‍♀️Balonmán feminino: 3º posto 🏐Vólei praia: 3º posto fem. e masc. 🧭Orientación e campo a través:2º e 3º posto 👏🏽Parabéns a todos os participantes!

📅O martes 28/10, haberá unha mesa redonda en conmemoración do 50 aniversario do falecemento de Ángela Ruíz Robles. 📍Será no Edificio de Apoio ao Estudo do @ciferrol.bsky.social ás 18:30 horas. 🎫Entrada libre e gratuíta ata completar o aforo.

🌍A vicerreitora de Divulgación, Cultura e Deporte da #UDC, Cristina Naya, participou esta semana en México no #ScienceFestIPN, organizado polo Instituto Politécnico Nacional. Estivo acompañada por María Bobadilla, adxunta de Política Internacional, e Xabier Silva, técnico da OCPI.