محمد الضيف انا لله وانا اليه راجعون

ابني ثانوية عامة بيحكيلي أن دحيح الفصل عنده الولد الشاطر اللى مؤهل لطب وهندسة حاطط موس تحت لسانه ودى حاجة عملتلي باد سيكتور ف نافوخي ومفاهيمي بأن العلم والشطارة وسعي الإنسان أنه يكون متفوق بيحميه ويحافظ على أخلاقه ويبعده عن جو السرسجة والشبحنة 🥺

يخربيت الموبايلات اللى من ساعة ما مسكتوها ف ايديكم جابتلكم اكتئاب طلعتوه علينا كانت ساعة سودة والله يوم ما مسكتم تليفونات ف ايديكم

عمري ما حلمت الحلم الأمريكي ولا انبهرت بيه ولا تمنيت اهاجر أو اسافر اعيش فيها أو أوروبا برانداتهم ولغتهم وطريقة عيشتهم واعيادهم اللى احنا ك عرب ومسلمين بنتمحك فيها بقت حاجة مقززة والغريب انى بحب البلد دى بحب اعيش فيها

مفيش اخبار عن عبد الرحمن يوسف ؟

ازاى تخلي مشاعرك واحساسك موافقة على تصرفاتك وردود افعالك مع العلم أن تصرفك صح ومشاعرك بتستهبل 🙄🫤

انك تبقى مضطر ومجبر تتعامل مع حد مش بتحبه حد مؤذى لنفسيتك علاقة من أصعب العلاقات اللى بتعيشها ف حياتك اوقات تعرف تحيد تصرفاته وتهمشها وأوقات طاقتك تبقى خلصانة ومش قادر

تأنيب الضمير دة بيأنبنا على حاجات يا جدع 😤 لو ركزت شوية هتلاقي نفسك ضحية مش جاني 😒

فطرت ولادي مكرونة بالبشاميل قبل ما ينزلوا لجنة الامتحان 😌

بحب اسيب الايام تجيبلى الحقيقة على طبق من فضة والايام اشطر مني بكتير والحمد لله معنديش فضول 🙏

كدة وانت معايا بتوحش قلبي وعيني

يارب

هو ايه حكاية مطاحن البن اللى بتفتح دى الشارع بتاعي لوحده فتح فيه اربع محلات طحن بن بكل أنواعه

احنا ندعي بحسن الخاتمة تحسبا الا الخمسينات جاية بايظة كمان 😅

مصر بقت ولاية فقيرة خاضعة تابعة من ولايات الامارات الواحد بقى يهرب من الأحداث والواقع وعايش جوة بابليز مليانة ضغوط ومسؤولية بتضرب فيه من كل ناحية

نظام بكالوريا ايه هيدخلوا العيال بالطرابيش

وزير التعليم واضح ان هدفه يخرجنا من الملة باسرع وابشع طريقة

لفظ متعاص دة لفظ فالجر قوي اختياراته للكلمات والمصطلحات سيئة جدا ودايما بتوقعه ف شر أعماله ع العموم هو حرفيا يعني زي ما قال الشاعر كاد المُريبُ بأن يقول خُذوني

النت بعد اللى كانوا قريبين وقرب اللى كانوا بعاد ورجع بعدهم تاني ودلوقتى احنا والنت بقينا لوحدنا

نعيش اللحظة الحلوة مع حبايبنا ونمسك فيها بأيدينا الاتنين ونسيب بكرة لصاحب بكرة يا عالم بكرة الحال هيكون ايه

شوفت مؤخرا مسلسل الحشاشين كنت مقفولة منه بسبب التعليقات السلبية اللى قرأتها عنه من رمضان وكمان انا مش من الفانز بتوع كريم عبد العزيز ف قررت اتفرج اسحل دماغي معاه شوية وحقيقي المسلسل دة من اجمل المسلسلات اللى شوفتها ف حياتي اخراج وإنتاج والاجمل القصة والسيناريو والحوار بجد مسلسل خطير ومهم جدا

بابا القصة الحلوة في حياتى حب وحنية من غير حدود ومن غير مقابل طاقة حنان عايشة ومكملة معانا بعد ما كام سنة فاتو من غيره انا بخير وبحاول افضل بخير عشان بابا كان عايزنى اكون بخير وحشني قوي

اربع سنين على فراق بابا ووجع فراقه لسة بيعصر قلبي الفرق بين دلوقتى ولحظتها أن مبقاش من حقي اعيط واحزن براحتي بقات اخاف على امي واستخبي منها عشان متتعبش الفرق أن حضن بابا واحشنى اكتر وصوته واحشني اكتر الحياة بتمشي بضغوطها بس وجع الفقد مش بيقل بالذات فقد حد زي ابويا احن اب ربنا خلقه في الدنيا

مبكرهش ف حياتى قد التعالى واللى بيدعي التعالى مالها البساطة والتواضع بجد دة من تواضع لله رفعه و لا يدخل الجنة من كان في قلبه مثقال ذرة من كبر

حد واقف في البلكونة جمبنا صوت تحفة بيغنى اغانى تحفة مش عارفة اركز واذاكر لاولادى وائل جسار في نفسه قوى بس صوته غير مودى ومش مهم مذاكرة انهاردة

فليقل خيرا او ليصمت مبدأ واضح بسيط ساهل ف عركة أو عتاب ضحك هزار جد ايه الصعب أن كلامك ميكونش مؤذى

مش بفتح تويتر من شهور وأما فكرت افتحه من شوية لقيت دة ايه حكاية ال DM ف تويتر

اخدت الشتا كله فوق دماغي بس اتبسطت بشكل مش مفهوم

والصدر قد ضاق بما لا يقال

وسلامٌ على من رأى العين كادت أن تبكي فأضحكها ♥️

فترة انطفاء وهتعدى عادى جدا وان شاء الله كله هيبقى كويس

مكنتش عايزة اعيش ف زمن مليان فتن بالكم والشكل دة فتن محاوطانا من كل اتجاه والتمسك بصحتنا النفسية واتزان ورجاحة عقولنا وسط ناس حوالين منك انهارت وسط الفتن دى كلها بقى شيء صعب قوى ربنا يسلمنا منها ويطلعنا منها بحسن الخاتمة

مفيش حاجة اسمها انا عصبي عشان مضغوط وتعبان وتعتبر دة مبرر لقلة أدبك معلش انت قليل الادب بس قليل الادب بحجة مش اكتر

تعليقات النخبة السورية حاجة مهزقة اخر حاجة والله

لا أملك الا فرحة حذرة اتحسس فيها خنجرى ربنا يتمها بالخير لعل وعسى

عارف الصدفة الجميلة لما تتحول لصدمة أليمة ؟

الكلام دة مش موجه لخريجي حقل ظهر بس الكلام دة فعلا ابتدأ يطبقه ع المنظومة التعليمية من ساعة ابن المبقعة الاقرع ابو ودان دة ما مسك ساحل الأهالى والمدرسين والطلبة ف كم من المهاترات وتستيف الأوراق من غير تلاتين لازمة

طريقة الثرد وتتابع الجمل رائعة وحقيقية جدا بالنسبة لحسام بقى ف حسام انانى غاوي يكون ضحية يمر بأذمة منتصف العمر دخول سن الأربعين مش سهل كلنا مرينا بنفس المشاعر والرغبة ف الهروب والبدأ من جديد فينا اللي قدر يعمل ريفريش ويصلح الغلط بطريقة صح وفينا اللى قرر يلف ف نفس الدايرة اللى اترسمت لحياته

عندى حيلة دفاعية لما حد قدامى يكون مؤذى أو عصبي أو عنده مشاكل ف التعامل و اجريسيف بحطه ف إطار أنه غلبان أن حياته مش سهلة أنه عليه ضغوط افضل ادورله ف مبرر عشان احاول اسامحه أو اكمل تعامل معاه اى حد مضايقنى دايما بقول لنفسي معلش دة غلبان ربنا يعينه 😂

سيزون العراك مع الناس اللى بتقفل شباك المشروع ف الشتا بدأ 😠

خفف وهون يارب برد الشتا على اهالينا ف فلسطين يا رب

الوحدة رغم قسوتها بس ارحم من الندم فى وجود شخص جنبي مش فاهمنى أو كما قال العندليب و اندم لو حبيت و قسيت و اندم لو عمرى ماحبيت بس لو الاقى اللى احبه و اللى قلبى يروح لقلبه و اللى ترتاح روحى جنبه .. يومها عمرى ما ابقى خايـف

خبراء الأرصاد بيحذرونا من بداية نوة بكرة وانخفاض ف درجات الحرارة وشوية زعابيب على قُسُم

وسط الكلكعة والادعاء واستحداث ثقافات غير بتاعتنا ومصطلحات مستوردة ملهاش معنى ولا أساس بتمسك ببساطتى اكتر واكتر مش هواكب العصر ف تفاهات وادعاء لا مواكبة العصر تبقى ف الثقافة والعلوم والنضج المعرفي ف رقي الاخلاق والإنسانية وسط سقوط المباديء والقيم ف كل مجالات الحياة

تحس الغروب مستحمي حرفيا

لما أقول لك تبعد إياك تسمع مني قرب أكثر إمسك فيا بكلمة احضني ازاي تمشي ده إنت لوحدك بس فاهمني أنا مستني أهو تكلمني

اعتقد ان اغبي حاجة عملناها أو كتبناها على صفحاتنا الخاصة ع السوشيال ميديا من اول ما ظهرت ف حياتنا لما اتكلمنا وعبرنا عن مشاعرنا الداخلية ف وقت ضعف أو يأس كنا معتقدين أن دة نوع من أنواع التعبير عن النفس أو تفريغ للطاقة السلبية اللى جوانا بس الايام أثبتت أن دة اكبر غلط ارتكبناه ف حق نفسنا ودفعنا التمن

ما بلاش تجرجرونا للسياسة يا جدعان دة جمال هنا أنه ف زون بعيد عن الواقع الصعب اللى كلنا عايشينه