"Тата ў мяне вядомы, ён блогер, у яго нават падпісчыкі ёсць!" У прынцыпе, можна на гэтым жыць, думаю на год хопіць ☺️

З Новым Годам! 🎄 Сябры, жадаю менш багаў, паразумення з калегамі і каб ШІ не займаўся дурасцю падчас вайбкодынгу! 😊 А яшчэ сямейнага цяпла і дабрабыту! Са святамі!

Інкрэмент! Ці то старэю, ці то проста спазнаў дзэн, але гэта першы раз, калі няма жадання падводзіць нейкія вынікі, а проста атрымліваю асалоду ад таго, што магу і ўмею.

Сябры, з восені пакрысе пачаў рабіць некалькі праектаў для веласупольнасці Беларусі, звязаных з брэветамі (гэта такія паездкі ад 200км і больш за адведзены час) і мне патрэбна дапамога UI/UX дызайнера. Буду рады рэкамендацыям. Праца за грошы, хоць бюджэт пакуль і невялікі.

Вечар разам з чатам GPT і нарэшце зрабіў прыблуду, якая ўмее лічыць колькасць адзначаных чэкбоксаў на старонцы Notion і аддаваць назад у адмысловае поле. Відаць, зраблю open source, аднак налады не простыя і выглядае, што для простых людзей лепш зрабіць інтэрфейс за долар.

Што ж, чарговы бот навайбокоджаны. Гэтым разам працуе на Nitro, grammY і db0 і запускаецца на Cloudflare Workers + D1 у якасці базы даных. Воркеры значна лепш і стабільней за Render, хоць і маюць свае абмежаванні. Дзе б цяпер знайсці сілы напісаць які артыкул.

Заўважыў, што падчас працы з нейронкамі вылез адзін цікавы пазітыўны момант: даводзіцца шмат камунікаваць з імі па-англійску (не звычайны chatgpt), і так ці інакш гэта трэніруе ўменне пісьмовай англійскай мовы.

Беларуская мова ў занядбанні, кажаце? А як вам навіна бадай пра першы прададзены/куплены беларускамоўны тэлеграм-канал? Віталь Аляхновіч там "Усё пра ўсё" выкупіў. Я ў шоку, добрым, але ў шоку.

Урок, які каштаваў мне 5$. Нават спынены інстанс, набыты праз Amazon Lightsail Bundle, будзе падлічаны для аплаты, таму калі ён вам не патрэбны больш, лепш адразу выдаляйце. Ну і зноў напамін сабе больш не мець спраў з AWS.

Абнавіўся да iOS 26. Ну, такое. Анімацыі прыкольныя, іконкі некаторыя так сама прыгожа быццам зрабілі, але не ўсе. У астатнім пакуль будзем глядзець і спрабаваць.

Віншую ўсіх датычных з Днём праграміста! 🎉🎉🎉 Таму жадаю, каб код пісаўся лёгка, памылак было менш, а радасці ад зробленых спраў – больш!

Базавыя рэчы і націўная рэклама свайго сервісу, але тым не менш даволі добры курс па таму, як рабіць дызайн допісаў для сацыяльных сетак. Можа каму будзе карысна, таму дзялюся

Спадарства, а ці патрэбны вам цалкам беларускамоўны сервіс тыпу linktr/link-in-bio? А то не ведаю, ці плаціць за дамен надалей. Адна заўвага, што давядзецца падпарадкавацца цэнзуры адносна няправільных спасылак :(

Падумваю вярнуцца да падкасту з IT навінамі, але ёсць праблема: фізічна не хапае часу ўсё праглядаць і адбіраць цікавыя. Сервіс Feedly мае магчымасць з дапамогай ШІ такое рабіць, але просіць 8$ на месяц. Ці варта паспрабаваць на вашую думку?

Я тут трошкі навеў парадак у рэпазіторыі і нарэшце апублікаваў мой чарговы pet-праект. Дашборд для звестак з праграмы ўліку ежы Yazio. Open source, усё як мае быць, таму карыстайцеся на здароўе.

Я тут нешта быў шукаў на Reddit і ўспомніў, што некалі зрабіў сабе там новы акаунт і нават завёў адмысловы сабрэдзіт. Таму далучайцеся, калі цікава. Паварушым і там беларускасцю www.reddit.com/r/ikb...

Даўно мяне тут не было, але пакуль лета, лаўлю кожную магчымасць пакатацца 🚴, пакуль надвор'е дазваляе. Таму вось адзін з вынікаў майго вела-вар'яцтва, якім займаўся на мінулых выхадных. Па спасылцы ўвесь маршрут www.strava.com/activ...

На працы новы чэлендж – зрабіць працуючы прататып плацёжнай сістэмы (checkout) за тыдзень. Accepted, што ж 😅

Усё для таго, каб было бачна вось гэтыя адзнакі, якія паказваюць, дзе допіс яшчэ не апублікаваны, але павінен быць па плану

Учора да двух ночы сядзеў, круціў па ўсякаму Notion, каб зрабіць патрэбную мне формулу. Быў нават момант адчаю, калі я пачаў ужо збіраць праект на nestjs + vite + react. Формула атрымалася, але ж як цяпер цягне на сон! 😭

Учора такі сеў і аднавіў вокладку для старонак, дзе яна патрэбна. Спачатку chatgpt прымусіў прыдумаць, але нейронка не справілася, таму сам сеў праз Canva выбіраць. Вось што атрымалася.

Пакруціў яшчэ сёння з усіх бакоў Substack і выглядае даволі цікава. З часу, як я трошкі яго закінуў, яны шмат дарабілі адносна сваёй праграмы. Хутка можа стаць новым гульцом сярод сацсетак.

Выглядае, што знайшоў прыблуду, каб публікаваць адначасова ў твітар, трэдс, мастадон і блускай. Бясплатна і з рэдактарам трэдаў, і магчыма нават па раскладзе.

Stitch ад Google амаль намаляваў мне сайт… Сёння прыйшоў ліст ад Arnaud Benard пра тое, што Google прыдбаў яго праект Galileo AI — сервіс для стварэння дызайнаў сайтаў з дапамогай штучнага інтэлeкту, які цяпер дасяжны ўсім бясплатна і пад новым імем Stitch. Працяг 🔗 t.me/ikbytech/85

Сёння гісторыя, як мая лянота дапамагла зэканоміць месца на хостынгу без асаблівых высілкаў. Мінітрэд ⤵️

Такі звязка Lovable і Cursor далі першыя вынікі 🚀 У мяне даўно быў трошкі паламаны сайт быццам бы кампаніі - Alroniks Tech, які я ўсё ніяк не мог прывесці ў парадак, бо патрэбы вострай у ім няма, а працы шмат, каб дарабіць.

Паспрабаваў тут вайбкодынг з дапамогай lovable. Адно што замінае, дзённыя ліміты на токены, а грошай пакуль жмуся. І вось пытанне, паспрабаваць скарміць іншым, ці папсуюць вынік?

Напаткаў сёння адну цікавую гісторыю пра незвычайнае выкарыстанне zip-бомбаў. Заўтра напішу падрабязней у тэлеграм-канале.

Пішуць, што YouTube навучыўся рабіць аўтаматычныя субтытры для беларускай мовы. На маіх відэа нешта пакуль няма, але трэнд пазітыўны ўсё адно! Усе гэтыя сервісы пакрысе нешта адзін у аднаго бяруць і паляпшаюць, таму магчыма хутка пабачым і ў Instagram з TikTok.

Нам тут шчасцейка прывезлі, каб не пакутавалі

Учора вырашаў адну сваю праблему на кампе і падалося, што я такі не адзін. І ў мяне ўзнікла думка, а што, калі выкарыстоўваючы падыход Vibe Coding, стварыць прадукт і распавядаць пакрокава, што і як я раблю? Стаўце лайк, калі цікава.

Лайфхак! Калі ў вас раптам на macOS малавата месца і ў наладах паказваецца, што яно занята нібыта System Data, то павыдаляйце node_modules у розных праектах - гэта яно!

Калі вы стваральнік кантэнту (не абавязкова па-беларуску), то напішыце калі ласка, што вас больш за ўсё раздражняе і чаго не хапае, каб было добра, весела і зручна жыць і ствараць? Давайце адчынім дзверы ў пекла!

Паказальна, канешне. На вялікім вядомым сайце для індыхакераў апублікаваны спіс ідэй (для натхнення), якія можна было б зрабіць. Дык вось у топ-10 тэма штучнага інтэлекту ў 10 з 10.

Ёсць у мяне ідэйка (ды не адна) для свайго мікра-saas. Папрасіў ChatGPT наваяць тэкст для лэндзінгу, а v0 ад Vercel зрабіць тыпу сайт. Без глянцу, але як стартавая кропка – даволі няблага. З чыстага аркуша пачынаць было б значна цяжэй.

Такое я прапусціць не меў проста права! Electronic Arts (EA) выклала ў публічны доступ код сваёй вядомай серыі Command and Conquer! Забіраць вось тут github.com/electronicarts

А вы ведалі, што над вялікай літарай І кропка не ставіцца толькі ў выпадку друкаванага тэксту, а калі ж пісаць рукамі – то кропка абавязковая? Між тым гэта ў законе напісана! З днём роднай мовы!

Пакалупаў тут трошкі Turbo Modules з новага React Native і ў добрым сэнсё афігеў! Падыход рабіць такія модулі адразу shared - проста бомба!

Дайшоў да ручкі так бы мовіць. Пішу сапраўдны модуль для nestjs, каб не капіпасціць рашэнні з праекта ў праект. Цікава

Курс лекцый для студэнтаў першага курса па тэме «Сучасная беларуская літаратурная мова», які будзе карысны і для стваральнікаў кантэнту па-беларуску bit.ly/sbmova #рознае #карыснае

Адкрыць веласезон у студзені – ✅🎉

Успомніў пра такі праект, як Хабр з пошты, дзе паведамілі пра закрыццё аднаго з сервісаў. Апошнім часам нічога там не чытаю і нават не трапляецца асабліва спасылак. А як у вас? Торт ці ўжо не торт?

Паглядзеў на фід з відэа тут і там нейкая адная лухта. Ну што ж, значыць будзем і сюды дадаваць годны адукацыйны кантэнт пакрысе. Так нават прасцей - усюды відэа публікуеш і ўсё

Непрыемная праўда, але яе патрэбна ведаць, калі вы запускаеце прадукт. Першымі вашымі карыстальнікамі будуць махляры, якія зробяць усё, каб скрасці ў вас грошы. Мы задзяўбліся ўжо баніць

Неяк асабліва ботаў не пісаў раней, але на працы вырашылі па хуткаму замест UI зрабіць бота для ўхвалення некаторый транзакцый карыстальнікаў і нават крута атрымалася, патрэбна адзначыць!

Ракета 🚀 New Glen, пра якую я казаў у падкасце, такі паляцела!

📣 Выпуск падкасту Айцікаст • Навіны №6 У гэтым выпуску пра навіны штучнага інтэлекту і абнаўленні для разумных дамоў. Так сама пра цікавы выпадак крадзяжу грошай праз дадатак да браўзера. А яшчэ пра новыя ракеты і шмат чаго іншага. Спасылкі ў рэплаях ⤵️

З крутога яшчэ па davinci. Калі праставіць і назваць маркеры, то яны адразу ж публікуюцца як раздзелы на ютубе і нават таймкоды ў апісанне самі публікуюцца! Крутата!

Шукаў як у Davinсi Resolve выдаліць залішнюю цішыню з падкасту, каб не рукамі і адказ просты да немагчымасці – выкарыстоўваць Audacity. Навошта я раней рукамі гэта рабіў, я не ведаю.

Для беларускамоўных стваральнікаў! Знайшоў цікавы плагін, які дазваляе рабіць сабы для відэа ў DaVinci Resolve 19. Ёсць падтрымка беларускай мовы і магчымасць абраць ШІ мадэль! Памылкі ёсць, але значна лепш чым у CapCut (які яшчэ і платны) tom-moroney.com/auto-subs/