#Gaeilge #Doom-Scrolling #Dán #nua-cumtha “Idir-línte” Fíorscéal Drochscéal Leathscéal Bréagscéal Pé scéal é Níl fiúntas ná sásamh sa Tóraíocht dhearmadach agus ghránna seo

#Gaeilge #Filíocht #Nádúr An Sioc Cé go dtéann an fuacht Go smior ionainn Gearann an sioc imill Go gobach-ghéar

#Gaeilge #Filíocht #Nádúr Cleite Cleite sciatháin Ar luí Ní eitleoidh arís Murach an ghaoith

#Gaeilge #Filíocht An t-easnamh Tá easnamh i gcroí na hÉireann Lenár lámha folamha a ghlacamar leis Muid 'tá as láthair — na hiomarcaigh Dhá péire ceathrúna a shaolaigh muid An cúige scaoilte — an fuíoll Caite, ar fhoraoil Tá easnamh i gcroí na hÉireann Muidne Midi — neamhluaite

#Gaeilge #Dán #Nádúr “Scuabtha” An giolcach shléibhe Scuabtha ag an ngaoth Ar bharr na craobhacha Craobhóga glé Curtha le chéile Go scuabfar arís léi

#Gaeilge #Filíocht Anfa Í a chiúin-chorraigh uisce na linne A thug puth-póg cabhrach don éan A chuir ag damhsa géaga na gcrann Go réidh, rialta, luascach. N’fheadar céard a chorraigh í aréir? Í feargach, glórach, garbh, meisciúil Muidne i bhfolach aireach sa leaba. Ar maidin – An saol millte.

#Gaeilge #Filíocht #Nádúr #Canada “Ar bís” Cé nach bhfuil sneachta ar an talamh - go fóill, Bailíonn flúirse sméar sneachta ar chraobh, Ag tnúth le titim na sneachta, Ar bís leis an mbánú atá le teacht.

#Gailge #Ríomhaire “Ríomhaire” Scríobhaimse "grá" Scríobhtar "grab" I dtaobh an ríomhaire, Bí ar do riamh-aire!

#Gaeilge #Filíocht

#Gaeilge #Dán #Bradán Turas an Bhradáin Ó rith neartmhar farraigeach Go gluaiseacht mall In aghaidh srutha A thumann sí go tuirseach A ceann. Na ráithe rite, Ón ghairbhéal amach, Sa ghairbhéal isteach — A todhchaí Lena heireaball Curtha.

#Gaeilge #Tomhas “Fear na Cainte” Céard a ritheann ach nach dteitheann? Abhainn agus an béal seo agamsa, agus is é an dara ceann atá do mo loit!

#Gaeilge #Dánfhocail “Searbhas” Níl maith ar bith ann, Ní thagann uaidh Ach Searbh-bhás An chairdis

#Gaeilge #Filíocht #Dánfhocail #Machnamh Ar Mo Fhéachaint Siar San aimsir chaite Ar mhodh coinníollach Ní mar a bhí - Mar is gá

#November #RabbieBurns #Timeless The inimitable and timeless Burns On these cold dark days “Man was made to mourn” “And man, whose heav'n-erected face The smiles of love adorn, - Man's inhumanity to man Makes countless thousands mourn!” www.poetryverse.com/robert-burns...

#Gaeilge #Nádúr #Canada Fia eireaball dubh Go ciúin, cúthaileach, Ar a bealach, As an slí. Go múscailíonn Tromaíocht ár gcosa A cosa in airde De sceitheadh.

#Gaeilge #Dánfhocail #Nuaseanfhocail Ní hionainn caitheamh anuas agus cur síos.

#Gaeilge #Nádúr #Canada Béar ar a shiúl Dé Domhnaigh

#Gaeilge #Foclóir #Greann #Doomscrolling Mo thomhas ar “doom-scrolling” as Gaeilge -> Tóraíocht Dhearmadach and Ghránna.

#Gaeilge #Filíocht #DánAoire Man Sóisialta Lucht leanúna - do mo thóir Go gcraolfaigh mé mo stór Gach lá is gach uair Dúradh liom go bhfuil mé Dom' róbhrú Mo bheatha do shú Mo cháirde do chrú Mar shaothar do na meáin I ndáiríre? Wow! Úsáidfidh mé sin!

#Gaeilge #Dánfhocail #StandardTime Bó hó! Tick-Tock An uair seo - bronnta orm Do na ba nach bhfuil agam Don mbleá nach ndéanaim Mar sheanfhear ag dul in óige Mo mhíle fáilte léi (go sciobfar uaim arís í san Earrach)

#Gaeilge #Iris #Saor Nod don eolach! Tá saothar Gaeilge den scoth le fáil san iris seo, agus tá an PDF saor in aisce! www.angaelmagazine.com

#Nádúr #Beacáin #Nature #Mushrooms Malcolm Knapp Forest, BC, Canada Áilleacht na foraoise: Beacáin faoi chlúdach na gcrann

#Gaeilge #Filíocht Teach an Pháir Foiche chónaitheach ag Cogaint, urlacan Ón gob amach Seo é a teach – Cealg i bpár Ó bhun go barr I scríbhinn dhaonna, Cogaint, urlacan Ón gob amach Gach aon neach – Cealg i bpár Nach mór an náir’? Nóta: Foiche chónaitheach = steadfast wasp Cealg = sting / deceit

#Gaeilge #Filíocht #Nádúr “Druid na Duilleoga” Ábhar crainn Dubh, donn, ithreach Ar an talamh Scaipthe Ina measc Le bogadh ciúin Druid De phreab Suas Ar ghéag An crann Arís Clúdaithe Anois An duilleog chleitreach seo Ag titim Suas san aer Go nochtfar an crann Athuair Nóta: Druid = Starling

#Gaeilge #Dánfhocail As a aithle sin As a aithle siúd Gach a bhfuil ann Ar thuras a lorg Gach a raibh ann Deacair a lorg

#Gaeilge #Dánfhocail #DeireadhFómhair “Deireadh Fómhair” An t-aer Fionnuar Ar a bhealach Síos Go pógfar an talamh Fionn-fuar Le sioc mín Le sneachta íon

#Gaeilge #Dánfhocail Cuireann na focail an tsamhail amú Cuireann an tsamhail na focail amú Dhá éan Ón nead chéanna Ag eitilt Scartha amach Óna chéile

#Gaeilge #Dánfhocail #Filíocht Níl sa cháineadh Ach cáin gan chúis Don té nach bhainfidh Maitheas ar bith Ó dhuine ar bit

#Gaeilge #Dánfhocail #Nádúr “Crainn” Nach ait iad na crainn? Caitheann siad uatha a gcótaí sa gheimhreadh. Crochann siad orthu arís iad, sa samhradh.

#Gaeilge #frithchiníochas Cogar! Tá an-iomad acu ann Gach a raibh againn, gann Éist! Níl uathu ach déirc, Gan orthu ach giobail Fainic! Ag fáil lámh in uachtar, An bhagairt, soiléir “You’re not welcome here!” Faraoir! Tuiscint, gaolacht — Bánaithe, ar lár Is Éire? Ní nósfainn cé hí

#Gaeilge #Dánfhocail #Nádúr “Eanach” Sáraíonn an t-uisce an talamh Sáraíonn an talamh an t-uisce Uisce sa talamh San uisce

#Gaeilge #Dánfhocail /** BARR **/ “Burdún” Gutaí     do mo chrá Séimhiú ar chruatan     sin é mo ghuí Urú     scáthmhar Céard atá i ndán dom? /** BUN **/ Nóta míniúcháin:: foclóir Guta - vowel / foul filth (the mire) Agus mar sin de do sa focail uile.

#Gaeilge #Beacáin #Nádúr Beacán Amanita muscaria Cuileog agus seilide, breá sásta ag an bhféasta!

#Gaeilge #Dánfhocail #Citywest “Dí-dán” Dímhaoin, díréimeach, dírathach, dínáirithe. A díbliú dírithe ar na díobraithe, díchurtha, díomácha. Ní le lucht dídeáin locht dídeáin. Ár náire sibh. Ár náire sinn.

#Gaeilge #Dánfhocail Frith-frith Ciníochas ceansaithe ag cineáltas Coimhlint ciúnaithe ag coibhneas Gránnacht leigheasta ag grá

Uisce na habhann Siúlach buan Uisce na spéire Eitilt chiúin

#Gaeilge #Dánfhocail #Nua-cumtha An ionainn comhrá agus labhairt? Is ionainn don té atá bodhar. An ionainn treoir agus smacht? Más ionainn leid agus bagairt. An ionainn uaigneas agus uaigh? Ní hionainn fuaim agus a macalla. An ionainn síoraí agus seal? An cheist sin do na mairbh.