إزيك يابلو؟ طيب فوتك بعافية بقى

احلى نعمة ممكن تحصل عليها في جمال الشكل هي الشعر الناعم.

من ضمن الحاجات اللي كنت عاوزة اعملها في حياتي اني اقرا لحد كفيف،صوتي مش نجاة الصغيرة يعني بس مخارج الحروف مظبوطة.

انستجرام مستقصدني بريلز تحديات مرونة محتاجة اشيلها العمود الفقري 😭

هو أنا بأحب الطبيعة والحيوانات بس الطبيعة مش سايبالي فرصة استمتع بجمالها وبترازيني بفضلات العصافير على سور الفراندا.

انا لو معايا فلوس زي آل ساويرس مش هأعمل مهرجان واحد في السنة لأ. دا انا هأعمل كل شهر مهرجان،رقص وغنا وطبخ ورسم ونحت وماراثون وموضة وسباق عجل وكروس فيت واكيد مهرجان للأثاث والأويما والمدهبببببب البروبرؤ

تيكتوك عامل معايا جميل كبير. يا إما ادفع فلوس للترويج يا اما ما يظهرش فيدوهاتي،وبصراحة انا مبسوطة وهو مش ظاهر الفيديوهات علشان هي فيديوهات وحشة الحقيقة😂

عمتم مساءً معشر البلوية😂

روحت عملت حملة مفاجئة على أكاونتي على تيكتوك. لقيت ياساتر يارب ع الملل وعلى وحاشة التصوير وحاجة منتهى القرف الحقيقة. لو انا كنت بلكتني وارتحت.

بنت اختي دخلت كلية آثار وعاوزة تتخصص ترميم وانا شجعتها جدا،قلتلها مستقبل العيلة كلها بين ايديكي،إسورتين تلاتة يخلونا نقب على وش الدنيا🤣🤣

Back to school

لأ مش عاجبني دور الست الكبيرة اللي بيقولولها ياطنط شباب ومتجوزين ومخلفين. انا عاوزة انا اللي اقول ياطنط.

اتمنى ييجي يوم قريب امتلك فيه الشجاعة لإنهاء المهزلة دي.

الفيديوهات والصور اللي بأحطها على تيكتوك تصويرها وحش وإضائتها وحشة وزاويتها وحشة،عاملة زي رسومات العيال الصغيرة🤣

بأحس بالإحراج اوي لما تيكتوك يبعتلي كذا زار ملفك الشخصي🙈. انا بأحط حاجات عبيطة اوي هناك

The power of red ♥️

طلعتلي سامية علوبة على تيكتوك،وانبسطت بيها اوي. سامية كانت في وقت ما هي مصدري الأساسي للفيتنس قبل انتشار الجيمات عندنا،هي وهيفا ع الLBC زمان.

انا جاية وشي منكم والأرض. انا عملت فولو لفيفي عبده على تيكتوك🥴🤣🤣

للمرة الخشروميت ألف مليون،أبذل مجهود في حاجة وتكون النتيجة فشل ذريع. أنا بأكره اوي الفشل بعد التعب،لو كان الفشل رجلاّ لقتلته. مش بتاعة المهم عملت اللي عليا والتمثيل المشرف والبلا بلا دا،أا اشتغلت وتعبت وخدت بالاسباب يبقى حتماً ولازم ولابد ألاقي نتيجة تعبي لكن فشلت. فشششلللللتتتتت.

دلوقت بقى عندي رغبة عارمة ارجع لزمان اكتب وأقطع واحرق.

اتعلمت الدرس بالهارد واي،واني مش هاسمح لحد يعرف جوايا ايه إلا اللي احب اقوله فبطلت كتابة مذكرات وقطعت اللي كتبته وحرقت الورق. ومن يومها اتعلمت اكتب وأقطع واحرق. لحد ماجه تويتر وفيس بؤس وبقيت اكتب بعض مشاعري،لكن برضو في إطار مايضرنيش.

كتبت في المذكرات كام موقف حصل ومشاعري ناحيتهم،وبعدها بفترة وفي وسط خناقة مع اخواني على النظام والترتيب(أساسيات في حياتي) وهرجلة اخواتي اللي هما اصغر مني عيال اوي يعني،لقيتهم بيقولي إنهم لقو الأجندة اللي فيها المذكرات وقروها وقعدو يضحكو عليا.

وأنا في إجازة صيف أولى أو تانية إعدادي طلع في دماغي اكتب مذكراتي،ماكانش عندي حاجة مهمة اكتبها،مجرد حياة طفلة مدللة بتلعب وتنزل البحر وركوب عجل وأكل ومرعى وقلة صنعة،فقررت المذكرات تكون عن مشاعري اللي مش بأقدر ابوح بيها لحد.

مزاج السوشيال ونظرته للشهادة والشهداء في غزة اتغير. أخيراً اكتشفوا إن التمن فادح وإنهم يستحقو الحياة،في انتظار لما يعترفو بالهزيمة المنكرة.

اتمنى أعيش لحد ماأشوف اليوم اللي السيركات وحدايق الحيوانات وأحواض الكائنات البحرية وركوب الأفيال في آسيا للسياح ينتهي من العالم. حبس الحيوانات وإخراجهم من بيئتهم وتعذيبهم وضربهم وتجويعهم لتدريبهم علشان الفلوس إجرام مريع اتمنى ينتهى قريب وللأبد،مع إبداء الندم واعتبارها فترة مظلمة زي استعباد الإنسان.

قصة الحوت اللي قطم مدربته وإنه خان الثقة،الحقيقة انا زعلانة ع الحوت قد ما زعلت ع البنت. مأسور محبوس معتقل،تخيل حد بالحجم دا في حوض ضيق وهو مخلوق للمحيطات،يعني تلتربع مساحة الكوكب كلها ملكه.وهو ماعملش اكتر من اللي طبيعته المتأصلة جواه بتأمره يعمل. وهي ماتت ودفعت تمن حبسه وتعذيبه علشان يتدرب.

ع الصبح يطلعلي ريل واحدة بتقول على نفسها دكتورة تغذيةوعندها فوق الربع مليون فولور بتعمل ساندوتش كيزر دهنته نوتيلا وحشته شرايح موز ورشت عليه معلقة عسل🤡🥴

When you look at me🎶 I can touch the sky🎶 I know that I'm alive🎶

وأنا عايشة في التمانينات والتسعينيات ماكانتش عاجباني،دلوقت عاوزة ارجعلهم. سي لا في يا حبيبي،الانسان غبي وبيضيع عمره في اوهام

عبد الغفور البرعي في فرح بنته بهيرة وهي بترقص مع عريسها مش عاجبه وقال الدنيا اتقلبت والعرسان هما اللي بيحيو الفرح اومال العوالم هيعملو ايه؟ اقسم بالله انا سمعت الجملة دي مرات كتير اوي في التسعينات من ناس كبيرة.

نور الشريف عامل دور عبد الغفور بعظمة،تعبيرات وشه وتون صوته،باستثناء الكام حلقة وهو المفترض شاب كان شكله مش لايق على سن الشخصية،لكن بعد كدا عظيم اوي❤️

بأتفرج على مسلسل لن اعيش في جلباب ابي للمرة التانية من يوم ماتابعته في العرض الأول،وحقيقي شايفاه بعين تانية خالص. اول مرة كنت أنا البنت الشابة اللي ماعجبهاش رجوع عبد الوهاب والمرة دي انا الام المبسوطة برجوعه🤷

ازيك يا بلو؟ معلش مش بأدخل هنا كتير علشان انا اصلا مابقاش فيا حيل اقرا ولا اكتب. الحقيقة يعني أنا بأحاول أتعايش مع الوضع العام حواليا وبأحاول اعمل نفسي مش سامعة ولا شايفة والطريقة دي مش بتنفع غير لما ابعد عن السوشيال وأفصل خالص.

فيلم صغيرة ع الحب دا فيلم سخيف ومريب ودمه يلكش وسعاد حسني ماكانش شكلها طفلة دي كانت ست كاملة الانوثة،إنما أنا بأحب اوي مشهد رشدي أباظة لما راح بيت سميحة الحقيقية ولما سأل جوزها عن"الآنسة"سميحة فعدلي كاسب بكل الجتة والعضلات ولابس فانلة حملات يقوله:آنسة! هو أنا مش مالي عينك؟! بوووم بوكس في عينه🤣🤣🤣🤣

حوار إن الموضة بتلف وترجع بعد عشرين تلاتين سنة للاسف الإنسان بيدركه بعد ما يكون اتخلص من حاجات تحفة😭😭

وأنا مش هأقول إلا لو هي قالت الاول.

الواد بيقوللي اسمحيلي يعني انتي دمك مش خفيف. طب ماأنا عارفة بس مش لازم تقولهالي في وشي كدا. آدي اللي خدناه من الدومؤراطية وحرية الرأي مع العيال.

الإنسان كان يتمنى يطلع بوتيت او طويلة،إنما الافريدج دي العشرة منهم بقرش😭

خميس لطيف

موضة الحواجب الرفيعة شكل تمانية اللي كانت طالعة ف اول الألفية دي موضة وحشة ومخلية الستات شكلها شرير. عمري ما لعبت في شكل حواجبي ولا غيرت فيهم شعراية.

اصل بقى يصعب عليا الأبراص ما بقيتش أرضى أموتهم إلا في الشديد أوي.

بأغسل ايدي في الحوض وخلصت بألف كدا لقيت برص صغنن واقف على حرف البانيو مسكت الاسبراي ورشيت عليه ماية لحد مااتزحلق ونزل في البلاعة.وبس🤷

دلوقت علشان تشتري شنطة مافيش قدامك غير الشنط المقلدة تحت اسم ميرور،او هاندمايد سبيشال اوردر أو براندات مصري بتصميمات وحشة بسعر جزافي.

انا اصلا جيت هنا بلو من زمان ماكانش لسة حد جه عليه من تويتر علشان ارغي مع نفسي ومااضايقش حد. وعلى كل حال انا مش من أنصار الميوت اللي مش حاببني بلوك عادي.

@fathy.bsky.social انت فين يا عمنا؟يارب تكون بخير

سمعت انهاردا هبدة التنين. قالك إن آية لا يمسه إلا المطهرون ربنا بيكلمنا احنا(الستات) ويقصد بيه شعرنا. تكبيييير.

قالولي راحة البال🎶 ويا الدهب والمال🎶 قلت الكلام دا إيه🎶 كان بان علينا أومال🎶

جدتي ام ماما كان عندها مكحلة فضة،اتكسفت اطلبها منها،أنا مش بأحب الكحل ولا عمري احطه في عيني علشان بيهبب ويعملي باندا ايز،لكن المكحلة كانت إيدها مشغولة مفرغة تحفة تتحط كدا ونتأمل جمالها ونفتكر حبايبنا وأيامهم الحلوة. للأسف مااعرفش راحت فين،الله يرحم الجميع

وأنا صغيرة كان أجمل فستان في العالم

افلام نادين لبكي حلوة بس الصوت وحس اوي ونص الكلام مش سامعاه.